السلام عليكم جميعا
لمن تخصصه علوم حاسب وتخرج …
كيف ترى الاقبال على التخصص من تجربتك … وهل عانيت؟
ولمن يستطيع ان يدلنا على المعدل ولو بالتقريب … حتى تتوقف التساؤلات
شاكركم مقدما … ولنا ولكم التوفيق.
1 Like
اذا انت طالب في المراحل الاولى لا تفكر في سوق العمل لانه متقلب قد يكون التخصص غير مطلوب حاليا لكن في وقت تخرجك يتغير الوضع
و اذا تبغى تكون في السليم ابعد عن التخصصات النادرة مثل الهندسة النووية و المستهلكة مثل الحاسب وخلك على المضمون كهرب او ميكانيك او مدني و يالله تسلم من العطالة
1 Like
قد أتفق معك في كون التخصصات النادرة مثل الهندسة النووية ما لها مجال “واسع” للعمل في السعودية … جهات محدودة المهتمة بتلك التخصصات
لكن سالفة إن تخصصات الحاسب مستهلكة من وين جبت هالكلام؟ هل الكلام هذا جاي من خبرة أو مجرد ترديد ما يقال هنا وهناك؟
3 Likes
كل تخصصات الجامعة قائمة على العرض و الطلب. فيه ناس هندسة و اكلوها صح السنة هاذي و اللي قبلها فأنت اختار اللي تحبه
1 Like
انا بنت ولي سنه متخرجه عاطله وماشاء الله الحمدلله لقيت وظيفه لكن راتبي حتى ثانوي مايعطوه، اهم شي عندي البوزشن IT واخذ خبره
99% من الشركات ما تقبل في أقسام IT الا الاجانب خاصه من الجنسيه الهنديه لأسباب حنا نعرفها منها (تكاليف قليله من ناحية الراتب مقارنه بالسعودي)
فنصيحه مني أبعد عن تخصصات الحاسب لأني خريج من واحد من هالتخصصات و اخذت اكبر مقلب في حياتي. بس الحمدلله.
2 Likes
وعليكم السلام
ياعزيزي ابعد عن التخصص هذا … اعرف لي شباب كثير عاطلين وبعضهم مع الواسطات مادخلوه الا تخصص غير هالتخصص … شوف وش يبي سوق العمل وتوكل على الله … الله يوفقنا وياكم
الأخوة المقتبسة ردودهم … ممكن أعرف كيف أقدر - كواحد منصف باحث عن الحق - أن أجمع بين ردودكم وبين الآتي
https://pbs.twimg.com/media/CyyDDlnXEAApTYq.jpg
سؤال : أنتم تتكلمون عن خريجي أي جامعة في مجال الحاسب الآلي؟
2 Likes
غريب جدا , علوم الحاسب الالي هو اكثر تخصص طلب في يوم المهنة الترم الماضي , اللي اعرفه ان تخصصات الحاسب مطلوبة بشدة بس اسال اهل الخبرة
بالنسبه للصورة وال8 عروض . اذا هم معتمدين على يوم المهنة ك مصدر لعدد الوظائف ف كلامهم فاضي مع احترامي
ياعزيزي انا درست في احد الدول واعرف شباب كثير يدرسون هالتخصص … عدد كبييير … ماقولك مافيه احد توظف لكن الطلب اكثر من العرض هالفتره … الاغلب من هالشباب ماحصل وظيفه والبعض منهم اظطر انه يلجأ للواسطه وبعضهم ماحصل وظيفه الا على تخصص غير تخصصه هذا… واغلب الشركات يوظفون اجانب خاصه الهنود بالنسبه للتخصصات هذي … انا حاليا بشركة معادن وتعال شوف موظفين الاي تي مثلا نادر تحصل سعودي … انا ياصديقي ماهضمت هالتخصص ولكن اشوف شي يمكن انت ماتشوفه ولا علي من كلام جامعة البترول او غيرها … تعال شوف يوم المهنه اللي يحصل كل فتره وشوف اغلب اللي معاهم هالتخصص … انا تخصصي هندسة الكترونيات وكمبيوتر … وحاليا اشتغل بعيد عن تخصصي … نصيحتي للاخ صاحب الموضوع انه يتوجه لتخصص غير هذا … صح يمكن هو يحب هالتخصص وله رغبه … لكن صدقني سوق العمل يطلب كذا … بالنسبه للي يقول كلام فاضي … روح اسال الجامعه كم نسبة اللي تجيهم عروض في تخصص هندسة البترول قبل التخرج … راح يعطونك رقم كبير وحافز قوي ولكن في الحقيقه … كذذذب … محد يبيك الا ارامكو او شركات خدمات الحقول النفطيه نفس شلمبرجير وهالبيرتون وغيرها … واذا توظفت معاهم كرهوووك في تخصصك … ياجماعة الخير كونو واقعيين شوي وشوفو كلام الاغلبيه مو كلام اثنين او ثلاثه … اسف ع الاطاله
الله يوفقنا وياكم جميعا
بغض النظر عن وضع التخصص لأن ماعندي فكرة عن سوق العمل
لكن الشيئ الأهم , لاتعتمد على يوم المهنة وتحكم هل التخصص عليه طلب أو لا , لأن نسبة مب قليلة من الشركات الموجودة جاية بس دعاية وتدعي إن عندها وظائف لخريجي تخصصات معينة لكن الواقع مختلف وممكن جايين المعرض وهم مالهم نية في توظيف أحد .
1 Like
اشكر الجميع على المرور والمشاركة والله يوفقنا جميعا
انا كنت في تردد بتغيير التخصص … بسبب ما اسمعه عن هضم لحق هذا التخصص في سوق العمل … والى الان مخاوفي تتضح انها صحيحة.
بأذن الله نحاول تغيير هذا التخصص الى تخصص هندسي اذا الله اراد وسهل
شكرا لكم جميعا
ممكن سؤال .؟
شرايك في تخصصات الإدارة ؟
الرجاء من رواد هذا الموضوع والقسم عموما عدم كتابة أي كلمة تشجع على عدم توظيف جنسية معينة كما لا يسمح إطلاق بوضع أي كلمات من شأنها أن تعطي تصور أولي غير صحيح لأي جنسية سعودية أو غيرها
رجاء كن إجابي أو لا تكتب شيء ،
نصيحتي ادخل اداره اعمال او سي اس، اكبر العاطلين الان مهندسين كان فيه واحد بالسناب وسوا احصائية اكثر الناس عاطله هم المهندسين وبعدين بالنص اي تي واخر شي ادارة اعمال
1 Like
أتوقع والله العالم أحد أسباب زيادة نسبة العطالة ضعف الHR بفهم التخصصات. على سبيل المثال تجد اثنين متخرجين من جامعات مختلفة وتخصصهم واحد ولكن لأن إسم التخصص قد تغير تجدهم ما يعطون وجه مع إن كورساتهم متطابقة.
سوق العمل يتطلب جميع التخصصات مثل علوم الكمبيوتر والهندسة والكيمياء وغيره من التخصصات. للأسف اللي حاصل تجد الHr ينظرون ل6 او 7 تخصصات فقط مع إنه يجب منهم التواصل مع الإدارات لإضافة تخصصات أخرى لقائمة التوظيف.
هل على سبيل المثال الMecanical Engineer لا أحد يستطيع أن يقوم بعمله؟ ماذا لو هناك Manufacture Engineer متفوق وناجح لماذا لا ينظر له على سبيل المثال. ونفس الشئ مع جميع التخصصات الأخرى.
أحد مهام الموارد البشرية البحث ومتابعة جميع التخصصات بشكل دوري وتحديثها عندهم. العلم تطور مو شرط مسمى التخصص اللي كان مطلوب قبل 20 سنة يبقى نفسه.
فاللي حصل آخر فترة الشركات مثلا تطلب رقم هائل من تخصص واحد فتجد الناس مستقبلا كلهم يتوجهون لدراسة هذا التخصص من غير رغبة إنما لضمان وظيفة.
لو كل واحد درس اللي يبغاه كان فعلا ابدع في مجاله.
الله يوفقكم ويسهل أمر كل شخص منكم.
1 Like