السلام عليكم
في احد بعد ما سوا ال online assessment ارسلوا له digital interview؟
اذا احد يقدر يفيدنا بالاسئلة
وشكرا مقدما
و عليكم السلام
هالموضوعين فيهم معلومات عن المقابلة و الأسئلة
تجمع المتقدمين لبرنامج الخريجين الجدد في بنك الخليج الدولي Dec 2016
بنك الخليج الدولي Digital Interview - GIB Young Professional Development Programme
انا ارسلولي الديجيتل انترفيو اليوم
انا ارسلو لي الانترڤيو ورديت عليهم ، الاخوه اللي انقبلو في البنك السنه اللي طافت ياليت يعطونا معلومات عن المسمى الوظيفي والراتب وبيئة العمل .
انا لم يصلني الرد حتى الآن، في احد مثلي؟
اذا لم يتم قبولي يتم الرد بالرفض ؟
والله انا مثلك ماجاني شي. ان شاء للله تجي رفض على الاقل مااتعلق
اية والله يا ليت احد يفيدنا بهالامور خصوصا انه تخصصي هندسة كيميائية
شباب ودي اسالكم سوْال. كيف عديتو الاختبار. والله اختبرت كثير بشركات نفسه يرفع الضغط ولا مره عديت فيه
اخوي كيف عرفت انك ما عديته؟ انا ما وصلني دعوة مقابلة ولا وصلني رد
والله يخوي مجرد تنبؤ. لاني دايم مااجتازه
دائماً الاختبارات اللي مثل هذي تعتمد على اللغه الانجليزيه وبيني وبينك والله ما اشوف منها اي فائده لأنك اذا توظفت بتتعلم شغلتك من الصفر الين تكتسب الخبره ، لكن اعتقد انهم يحطون الاختبار عشان يقللون من عدد المتقدمين للوظيفه !!
لو سمحت ممكن اذا اخذت المقابله تفيدنا ايش الاسئله الي جت لك؟ و كم عددها؟
و هل اقدر اوقف وقت التسجيل اذا خلصت من الاجابه ولا لازم اتكلم لين ينتهي الوقت؟
اسالة الـ Digital interview كانت 7 اسألة
1- تكلم عن نفسك (اسمك, تعليمك, جامعتك, وليه قدمت على البرنامج؟)
2- سألوا وش التحديات الي بتواجه البنك بالمستقبل؟
3- تكلم عن تحدي واجهته وكيف تخطيته، وش الدرس الي تعلمته؟
4- تكلم عن مره صرت قائد فيها، كيف تعاملت مع الفريق و المهام و تحفيزهم؟
5- وين تشوف نفسك بعد خمس سنوات؟ في المجال الوظيفي؟
6- في شي حاب تظيفة حتى هذه اللحظة؟
7- في النهاية وش تحب تقول؟ انطباعك بشكل عام
وبعد الاجابه تقدري توقفي التسجيل ، وانصحك تعملي المقابله التجريبيه مرتين او ثلاث قبل تبدأي المقابله الرسميه وبالتوفيق .
2 Likes
يعني نفس اسأله العام .؟!!!
طيب لغة المقابله ايش اخترت عربي ولا انجليزي
وهل ممكن نتكلم عربي وقت الانترفيو …؟؟
يسس نفس اسئلة العام ولغة المقابله اعتقد اجباري تكون انجلش ، بالتوفيق
2 Likes
نفس أسألة العام
فيه تختار اللغة وفيه منها عربي … بس مادري وش اختار ؟!
لغتي الانجليزيه اوكي جيده بس بالعربي يمكن اوصل افكاري افضل
بس ماعرف ممكن هم يفضلون الانجليزي على العربي
اشكرك على الموضوع المفيد، حبيت اسالكم يا شباب بالنسبة للبرنامج هو بس بالشرقية؟ و ياليت لو احد يعرف كم الراتب تقريبا يعني هل يسوى أن الواحد يفكر ينقل للشرقية؟
بالنسبة لموضوع السنة الماضية كان ترتيب الإجراءات يختلف شوي حنا بدينا بال assessment علئ طول
الـ HR ارسلو لي رسالة تذكير بإنهاء المقابله اونلاين مع إني سويتها من الاسبوع اللي راح !! مدري هل هي رساله للي ماعمل المقابله فقط ولا ارسلوها تذكير لكل المتقدمين ؟
اللي وصلته رساله اليوم ياليت يعلمني