RA77AL
1
السلام عليكم …
يا اخوان انا احد الطلاب اللي منزلين معاه هالسمستر 307
طبعا باختصار من بداية الترم والدكتور يهددنا ويقول ٥٠ طالب انا ما اقدر ادرسهم
فصار تصحيحه ظالم ومجحف بقوة من اجل اكثر عدد من الطلاب يسوو دروب تخيلو في الميجر ١
تقريبا ١٥ طالب درجاتهم بين الصفر والواحد وطبعا انا واحد منهم وانتهت فترة الدروب غير الكويزات
كل كويز عليه ٦ في الميه وخطا صغير في رقم تروح عليك 6% ?!
طبعا غير التهديدات كل شويه يقول I will kill you in the first major
اذا الدكتور مو قادر يدرس ٥٠ طالب وهذا عمله من البداية ما يخليهم يسجلو ثم يعطيهم اصفار عشان يحذفو
ومعروف ان الكورس من اسهل الكورسات في الجامعة وكثير من الطلاب ياخذوه قبل التخرج بسمستر فما يكون بامكانه يسوي دروب
استهتار ما بعده استهتار ! يا شباب انا ناوي ارفعها لرئيس القسم ، يا شباب محتاج دعمكم خاصة اللي اختبرو …
Sultan11
(Sultan1)
2
روح و القلب داعي لك . يوم أخذت الكورس معاه كان كل كويز عليه 10% تخيل !! و كان ميد تيرم فقط . و الدرجات تروح بشكل مهول و مرعب .
user8893
(فلطاخ)
3
رح واحتسبها عند الله لك وللي بعدك 
السلام عليكم اخوي ,
هالشي معروف عن الدكتور ولكن صدقني بيهدأ بعدين ,
انا اخذت معه اربع كورسات ودائما نهاية السمستر اما يعطي كويز يعوض اول اختبار ولا مثلا يخلي الـدي من 50
انا لما اخذت 307 اخذت بالميجر 4 تقريبا من 20 والكويز الاول صفر من 5 , يعني راحت علي اربع قريدات من اول شهر
لكن بالاخير طلعت معه بـ سي بلس ولا بي ناسي بصراحة
المهم ركز عالاختبارات القديمة لانه يجيييب مثلها تماااما
الدكتور اسئلته طبق الأصل من القديمه
معروف بعدم رحمته بالتصحيح لين قبل ميجر تو
بعد ميجر تو يبدا يعلم الطلاب على الأسئلة و مصادر الدرجات عشان الكل ينجح
Brain_Man
(Brain Man)
6
أنا درست مع الدكتور ise 307
وما حسيت بكل هالظلم اللي تقول عنه
الرجال صح يهدد … لكن ما عمره يظلمك ف شي …
والغلط اللي تغلطه يحاسبك عليه … ولو اعطاك صفر في السؤال فأكيد معناه انك مسوي مصيبة في السؤال بس ما انتبهت …
المادة بطبيعتها فاينال أنسر … ولو الفاينال أنسر غلط فغالباً عندك خطوات غلط …
ولو هو ظلمك بشي روح كلمه … هو إنسان مرة طيب ومتفهم …
أنا عارف انه صدمة انك تجيب درجات نازلة في المادة … لكن ما أظن انه مهما كان ظالم انه بيعطيك 1من20 وانت تساهل 15 مثلا !!
آسف على صراحتي … لكن هذي طبيعتنا دائماً للهروب من الواقع …
والله يوفقك وييسرلك أمورك … وإن شاء الله تعوض في الاختبارات القادمة