السلام عليكم
عندي assessment test من EY
القسمين المطلوب اكمالهم accounting and English
ياليت اللي عنده فكره عن الاختبار ينورنا
وشكرا
1 Like
وعليكم السلام
انا اخذت الاختبارين
الانجلش سهل فيه ٣ اقسام
استماع بيعطيك ٣ مقاطع او ٤ وفيها اسئلة خيارات
القرمر… اكمال فراغ وعندك خيارات
القراءة مقالات وتجاوب ع الاسئلة
الانجلش في كل قسم جاوبت سؤال واحد غلط
الوقت تقريبا ساعة كل الثلاث اقسام
المحاسبة نوعا ما فيه صعوبة جاوبت على ٣٨ صح من اصل ٤٥ سؤال
عندك علم متى البرنامج بيبدأ
او متى المقابلات بتكون؟
1 Like
moh بشر وش صار معك في بي دبليو سي؟ ، الله يوفقكم جميعا. صديق لي انضم لارنست السنه الماضيه قالي بعد الاختبار فيه مقابله اتش ار وبعدها قروب ديسكشن وبرنتيشن وبعدها فاينال انترفيو مع بارتنر ، موفقين ي رب
مع احترامي لشركة PwC وحبي لها ولكن فرع السعودية ماتحترم المتقدمين ولا عندهم مهنية ابدا ابدا ابدا… انا مقدم الابلكيشن من شهر جولاي ٢٠١٦ وسويت الاختبار بنفس الشهر وجاني ايميل من hr يبون يسون مقابلة في شهر ديسمبر ٢٠١٦ ورديت عليه بنفس اليوم ولكن انتظرت الى شهر ستة ٢٠١٧ عشان يتصل او يرد على الايميل عشان ينسق مقابلة hr!! من بعدها رسلت له ايميل قلت له شصار كانك تواصلت معاي ع الايميل عشان مقابلة hr تميت اسبوعين مارد!! ارسلت له رساله ثانية بعد الاسبوعين وانتظرت اسبوعين وعدا جولاي مارد!! رسلت ايميل لقسم hr في دبي وفهمتهم السالفة بنفس اليوم جاني رد من الشخص اللي مايرد وقالي خلاص ننسق المقابلة على الاسبوع الجاي بهذا الوقت… انتظرت الوقت المحدد ٤٠ دقيقة تاخير ورسلت لهم ايميل وقلت لهم اذا تحتاجون وقت اضافي كلموني… ربع ساعة اتصلوا علي واعتذروا وقالوا اجتماع… عدت المقابلة وقالوا يومين وبنسق مع البارتنر وبنعلمك الموعد… اسبوع مافي رد… رسلت ايميل وانتظرت اسبوع ولافي رد… كلمتهم وقالوا خلاص الاسبوع الجاي… عدا الاسبوع الجاي ولا في رد… المهم بطلعت الروح قالي يوم الاربعا الساعة ٣ العصر مقابلتك مع البارتنر… استاذنت من العمل وانتظرهم ساعة ولا اتصلوا كلمته شسالفة… قالي ماجاك اتصال قلت له لا!!! قالي لحظة… ورجع لي قالي الغلط مني ماعطيتهم خبر… قالي الحين اخليهم يتصلون عليك… رجع لي قالي طلعوا من العمل!! بكرا ننسقها… اليوم الثاني اتصلوا اول سؤال كان عندك خبرات سنوات… قلت لهم اشتغل من انا طفل في شركة الوالد… قال بس احنا مانفضل ناس عندها خبرات… قلت له انا خريج جديد وشغلي كان ايام الثنوي وبالجامعة قالي يلا على اية حال… وبعدها سألني تقريبا ١٢ سؤال محاسبة وتدقيق… ولا سؤال عن الشخصية او اي شي… وبعدها باسبوع تواصلت معاهم قالوا المقابلة مب ناجحة لان عندك خبرات سنوات!!!!
اذا عندي خبرات سنوات من البداية التقديم رفضت الابلكيشن مو سنة كاملة رايح وجاي
مهنيتهم زيرو وعدم احترام لوقت الاخرين
3 Likes
اتفق معاك كليا التواصل معهم سيي للغايه وصلني اوفر معاهم يوم ١٥ اغسطس ووافقت عليه والا الان ما وصلني العقد الرسمي وتواصلت معاهم اكثر من مره ولا رد وايضا تلفون الشركه خربان :((((( الله يوفقك في احسن منها خيره
2 Likes
خبر حلو الله يوفقك مهما كانت الادارة سيئة الا ان الشركة عالمية وشغلها يعتبر الاعلى حرفية… موفق لكل خير
احد عنده علم اذا شركات المحاسبة البيق فور تشترط بالعقد شرط عدم المنافسة اللي هو انك ما تشتغل مع الزباين او المنافسين لمدة سنة او سنتين من تاريخ انتهاء العقد؟
أعرف أحد الزملاء يشتغل في مكتب عنده وكالة دولية ويعتبر من أقوى المكاتب الموجودة بالملكة , يوم جاء يوقع العقد كانت فعلاً موجودة هالشروط
بالنسبة للشرط الاول انه ما تشتغل مع أحد المنافسين للمكتب قدر يتفاوض مع الشريك ويحذفه لانه فعلاً موب من حقك
بالنسبة للشرط الثاني ومنع العمل مع أحد عملاء المكتب لمدة سنتين بعد انتهاء العقد يقول وافقت عليه 
يعني من الاخر نعم فيه الشرطين
1 Like
اختبار عل الورق ؟
انا ارسلولي الاختبار اونلاين… savilleassessment
8 اسئلة لكل نوع من Numerical, Verbal & Reasoning
الVerbal اصعبهم ثم الNumerical
وكل نوع له قسمين :
يعطونك 3 دقائق على كل قسم ( 4 اسئلة )
والاختبار اصعب من اختبار الPractice
وعطوني مهلة 7 ايام لإنهائه.
… كل واحد يقدر يجاوب الاسئلة لكن تحل اختبار عل وقت ضيق جدا …صعب… يبيله مجهود ذهني وتركيز شديد وسرعة …
هل اختبرته ؟ هل يعتبر اختبار تجريبي ؟ ومن ثم يختبرونا اختبار حقيقي ؟
Any update?
انا جاني نفس الشي وعطوني مهله ٧ ايام لكن ما اختبرت لان قالو اذا انت مختبر خلال ٦ اشهر الماضيه خلاص مايحتاج تعيده وبناخذ التقييم هذاك ،،
عالعموم وش صار بعد الاختبار ردو عليك او لا ؟
عبدالعزيز انا مثلك خلصت الاختبار و قالوا لي قبل يومين اني نجحت بس حاليا جالسين يقلصون عدد المتقدمين بناء على الاختبارات، بالايميل قالوا لي بنتواصل معك قريبا للمقابلة اذا كنت من ضمن الاوائل…
ممتاز الله يوفقك ان شاء الله خبر كويس
ياليت تذكر التاريخ بين الاختبار والرد بالنجاح
كم الفتره وردو عليك هل يطولون ولا اسبوع اسبوعين
الله يعافيك
والله اتوقع ٥-٦ ايام بالضبط
يا رجال آي 3 آقسام آي 4 مقاطع اللي جاني إمتحان يهد ظهر العدو. إمتحان اللغة الأنجليزية كان طويل 30 سؤال في 30 دقيقة و يتوقعون منك تقرآ مقالة طويلة. و أنا كنت أحسب أنه سكشنات طلع أنه كان مشوار واحد بدون سكشنات و ما عرفت إلا بعد مرور نص الوقت. قلت أرد هنا عليك عشان اللي عندهم Advisory مثلي يكون يحطون بالحسبان اللي ممكن يصير لهم. و أنا أحسب أنه مثل الـ Assessment اللي طاف علينا طلع جلد اي بالله.
1 Like