السالفة و ما فيها شوية امريكان عاطلين عن العمل ما عندهم شغل و لا مشغلة
قالوا خلنا نسترزق و نسوي اختبار للمهندسين و يدفعون لنا مبلغ قدره عشان نصنفهم مهندسين كويسين و لا لا
شركات العالم اجمع و الدول معطينهم اشكل و لا احد يسأل عن هذا الاختبار لان خبرتك تكفي وما هم بحاجة كم امريكي يقيمك و فوق هذا تدفع
له فلوس عشان يقول لك انت مهندس مية مية صديق
ههههههههههههههههههههه
اهنيك على وجهة نظرك بالموضوع , جبتها من الاخر
شف ي صاحبي , التصنيفات خصوصا من المعزبين الامريكان لها وزن كبير عند ربعنا , فأحرص على الحصول على التصنيف المناسب لك ويخدم مجال عملك حتى لو كلفتك مبالغ , فهي ترسم لك طريق في الخارطة
بالتوفيق لك
خلينا نتفق أولًا أن اجتياز هذا الاختبار او عدم اجتيازه لا يعني بأنك مهندس أفضل من غيرك.
اجتياز الاختبار هو مجرد اثبات جدارة
شخصياً ما أحب نظريات المؤامرة وأن الناس فاضيين ويبون يطلعون قروش من ورا الاختبار فراحوا اخترعوه.
الواقع أن وجود اختبارات مهنية هو شي طبيعي في أغلب التخصصات، في اختبار للتخصصات الصحية، وفي اختبارات معروفة للمحاسبين والماليين والمحامين ومن الطبيعي يكون في اختبار للمهندسين.
اختبار FE كلها مجرد مجرد كذبة ولا هي مطلوبة ولاشي … فقط لأخذ المال منك والهدف مادي فقط وأزيدك من الشعر بيت هيئة المهندسين معها !
معك واسطة تمشي على طول بالنسبة للوظيفة .
أو الدورات والخبرات تكون أهم منها بكثير .
الله يوفق الجميع لكل خير .
تعجبني فكرة الاختبار، علماً اني اختبرته قبل فترة بسيطة ولم أجتزه، لم استعد له بالشكل المطلوب. حاليا جالس اذاكر له بخطة مدروسة، وبصراحه استمتع وانا اراجع واحل الاسئلة. اجتيازه احد طموحاتي بغض النظر عن اي شي آخر.
الشي المزعج بالنسبة لي هو الرسوم العالية من SCE اللي حتى اعلى من ال NCEES.
هذا الكلام
نظرة ثاقبة 
رسوم مجنونة مدري على ايش الله لا يربحهم
رسوم الاختبار أرخص بكثير من رسوم الهيئة
صحيح ان الاختبار غير الزامي في اغلب الشركات وكثير من الشركات ما تدري وش هذا الاختبار اصلاً ، ولكن لا زال الاختبار له اهميته واثبات جدارة ويعتبر اضافة قوية. وحالياً فيه ضغط داخل شركة ارامكو على المهندسين الموظفين لأخذ هذا الاختبار واتوقع خلال كم سنة راح يكون شرط الزامي في ارامكو لحديثي التخرج.
فعلا ، النظرة قاعدة تتجه حبة حبة للاختبارات هذه.
بالنسبة لي أنصح حديث التخرج -إذا ما فيه أي عوائق مادية تمنعه- أنه يدخل اختبار الـ FE في أقرب وقت ممكن ، لأنك كلما اخذت وقت اطول بعد التخرج بتلقى الوضع يصعب اشوي.
أما الـ PE فحسب ما أعرف يعتمد على الخبرة في المجال ، وهو أصلا شرطه ٤ سنوات خبرة على الاقل ، لذلك لو اخذت وقتك مو مشكلة.