السلام عليكم اخوتي الكرام، جاني عرض من بيكرهيوز ( راح يوصل على الايميل) على مسمى Field Specalist لكن الي مخليني اتترددً شي وهو هل المسمى راح يأثر عليي في المستقبل؟ خصوصا أني مهندس ميكانيكي. انا بصراحة راح اقبل بالعرض بس محتار وخصوصا اني عاطل عن العمل وهم الوحيدين الي ارسلوا العرض. وأحيانا اقول اقدر أبدا فيها وبعدين وأنا اشتغل عندهم اقدم على وظائف ثانية في نفس الشركه بس قسم ثاني. وشً رأيكم يا اخوه؟ في ناس تقول ان الاسم ما يأثر ويعتمد كليا عليك وتقدر تبدع في الوظيفة وتترقى أسرع من غيرك لأنك مهندس وسريع الفهم.
تفضلوا خلنا نسمع ارائكم. طبعا الراتب اعتقد ١٠،٥٠٠ بعد خصم التأمينات ( بدون البونص اليومي في الرّق) انا قابلت 5 روؤساء وقالوا ان الاسم لا يعني شي. المهم اناً محتار وابغي رأيكم خصوصا الي يشتغل في نفس الشغلة اذا موجودين.
اذا حاب شغلة الفيلد وناوي تكمل فيها المسمى ماراح يفرق معك خصوصا انك بقسم الكمبليشن وهذا يعتبر اقوى قسم بالشركة. الراتب اظن 10500 هذا قبل خصم التأمينات. حط في بالك راتبك الاساسي راح يزيد والبدلات كمان راح تزيد لما تترقى الى فيلد سبشلست ٢ وتقريبا راح تترقى خلال سنة بالكثير. و كل سنة راح يرسلوك للخارج على الاغلب هيوستن بأمريكا كورس. طبعا اللي يفرق بينك وبين الفيلد انجنير هو يجلس في الفيلد ٣ سنين بس بعدها يحول مكتب وراتبه ازيد منك بحلول ٦ الآف بس هو ماراح يجيه بونص بالفيلد الا لما يخلص فترة التدريب بس انت راح يجيك من اول يوم تروحه الرق، وبونص الكمبليشن موب قليل ومثل ماراح يزيد الاساسي عندك والبدلات لما تروح فيلد سبشلست ٢ كمان البونص راح يزيد. انت كفيلد سبشلست ممكن تجلس بالفيلد ٥-٧ سنوات على حسب شطارتك والبعض مايحب يحول مكتب لان البونص راح يدبل راتبك او ٣ اضعاف راتبك يكون.
اما اذا كنت تبي تشتغل بمسمى وظيفي ميكانيكل انجنير فالوظيفة ماراح تفيدك شي من هالناحية بس اقبل بالعرض مؤقتا حتى يجيك الافضل. أتمنى افدتك واذا عندك اسئلة ثانية انا حاضر. على فكرة الشركة قوية جدا وراح تهتم بك كثير خصوصا لما تطور وتثبت نفسك للمدير راح يكون لك مستقبل قوي وراح تطور ويزيد راتبك اكثر من الشركات الثانية كسابك وأرامكو وغيرها.
قسمك الكمبليشن افضل قسم بالشركة مايحتاج التغيير. واقولها لك من الآن اذا اثبت نفسك راتبك بعد ٣ سنوات راح يوصل حدود ال ٣٠ الف اقل شي والشركة عالمية راح تهتم فيك وتوديك كورسات في الخارج. لاتفوت الفرصة!