السلام عليكم ورحمة الله وبركاته
ولله الحمد اليوم جاني قبول نهائي من أرامكو في قسم ( facility planning department )
حبيت أسأل يا أخوان عن هذا القسم
ماهي طبيعة عمله؟؟
وين غالبا أشتغل فيه ؟؟ هل هو في الظهران أم في مناطق نائية ؟؟
وهل هذا القسم تنصحون فيه أم لا ؟؟؟
طبعا ليوم اتصلوا علي وقالوا لي راتبك 10,260 ريال ( كراتب أساسي )
مع البدلات كم تتوقعون يطلع ؟؟؟
الله يعطيكم العافية وعذرا على إزعاجكم
من أفضل الأقسآم في أرامكـو ، وهو مقره بالظهران
اللي يطلب المشروع " هو ناس يقالهم الـ Proponent " واللي يحدد أيش المطلوب من المشروع هو FPD واللي ينفذ المشروع هو الـ PMT
شغل الـ FPD : جيتك انا وقلت لك يبو فلان أبي بيـت جديد بالمكان الفلاني وبالمساحة الفلانية , تجي إنت يـآ FPD تروح حق المقاول تقوله " أبي البيـت دوريـن " الدور الأول ابي فيه 5 غرف ومساحة كل غرفـة كذا ! وابي غرفة بالنص وابي حماميـن بالمقاس الفلانـي …إلخ
يجون جماعة الـ PMT ويجلسون مع المكتب الهندسي ويسوون المطلوب من الـ FPD ولو صار فيه شي اختلف " يكلمون الـ FPD " ويقومون يسوون دراسـة على الموضوع المختلف فيه وبعدها يقررون إذا نوافق او مانوافق !
طبعا كل ماصررت فاهممم ومخك نظيف ومطلع على المشروع المطلوب منك ، كل ماصار عندك تفاصيل اكثـر وبالتالي ماتخلـي الـ Cotractor يالف من راسـه ويحط شي على كيفه !!!
المووضوع اعقـد من ماقلت لك بكثثثثثثثثثثثثثثثثثثثثثثثثثثثثثير انا عطيتك كلمة وحده من بحررررر ! ولكن عامة هذا عملهم
أرجو أني أكون قد أفدتك وأي سؤال انا حاضر بحاول اجاوب لك عليه
وارجو لك التوفيق
أخوي كوكتيل ،،
السلام عليكم ،،
أول شي ماشاء الله تبارك الله … ثاني شي عندي سؤال مهم بالنسبة لي وأرجو انك تجاوبني عليه …
احنا نعرف ان الراتب اللي تقدمه أرامكو لحديث التخرج يتراوح بين 9000 الى 9900 ( هذا اللي أعرفه ، بدون البدلات طبعا وحسب المعدل ) … فسؤالي هو هل الراتب المعروض عليك هو نتيجة التحديث الجديد و سببه زيادة غلاء المعيشة ؟ أو بسبب انه معدلك مرتفع ؟ سؤال اخر : افتراض :اذا فيه اثنين نفس التخصص وكانوا كلهم نفس المعدل وتوظفوا في أرامكو كل واحد في إدارة مختلفة عن الثانية ، هل تكون رواتبهم واحدة ولا تختلف على حسب الإدارة ؟؟
وفي النهاية أرجو أنك ماتتضايق من أسئلتي و اذا كان فيها أي نوع من التطفل ، فأن اعتذر لك ولا تجاوب عليها
تحياتي ،،،
يعطيك الف عافية يانقطة على التوضيح وأتمنى إذا تعرف أحد أو إن كنت تشتغل في هالقسم أن اتواصل معك
وأعيد شكري لك على المعلومات القيمة
هلا بالغالي
من ناحية الراتب والله ياخوك مدري وش السبب لكن أعرف شخص قبلوه في ادارة ثانية راتبه 9500 ريال الأساسي طبعا لكن ممكن على كلامك بسبب المعدل لأن معدلي فوق الثلاثة وهو معدله تحت الثلاثة فممكن هذا احد الأسباب
من ناحية كم الراتب في مختلف الأقسام على حسب اللي سمعته أن الموظف في المناطق النائية تجيه بدلات قد تفوق الموظف في الظهران لأنه في منطقة نائية
هذا اللي عندي فقط لكن إذا تبي ناس يشتغلون ويعلمونك بالسالفة ادخل على منتدى ( شركتي ) في قسم موظفين أرامكو هم اللي بيفيدونك في هالناحية
بالتوفيق
اخوي كوكتيل انا ماشتغـل في هالدائره ولكن عندي معلوممات عنها لان دائرتنا " إدارة المشاريع " تتعامل كثيـرررر مع fpd " كل الشغل معاهم تقريبآ .
أخوي كلمـة \ اعذرني على لقافتي ولكن احب افيدك من ناحية الراتب
اللي معدله تحت الـ 3 يستلم راتب 9500 تقريبآ
أما اللي معدله فوق الثلاثة يستلم راتب 10260
وماتختلف من دائرة لدائرة لحديثي التخرج كل الرواتب نفس بعض للمهندسيـن لان اعرف شباب كثيـر انقبلـو في الـ csd وهي أفضل وأقوى دائرة في أرامممكو ومع ذلك نفس الراتب كانو يستلمون بالبداية ولكن الفرق بعديـن فيه ناس يترقون فيه ناس يوصلون كلن على حسب جهده وتقيممه
اما بالنسبة للبدلات فهي ثابتـه للجميع ماعدا اللي يداوم في منطقة نائيـة " يعطونه بدل منطقة نائيـة وبعض المناطق يستلم دبل الراتب اي 100% من رآتبـه "
أن شاء الله إني اكون قد أفدتك والله يوفق الجميـع
يعطيكم العافية جميعاا
شوف اخوي بالنسبة راتبك الاساسي 10260 فراح يكون الراتب كامل سنويا 180576 ريال. لانك راح تستلم 12 راتب اساسي في السنة + 60% من راتبك الاساسي في الصيف + راتب اساسي واحد في رمضان + راتب اساسي واحد يسموه راتب الشهر 13 “بونس يعني” + 3 رواتب اساسي بدل سكن. اما المواصلات ماعندي خبرة فيها
ويا اخ نقطة، csd اختصار لكلمة ايش؟
وشكرا.
على البركة القبول
أنا توني طالب ، بس حبيت وش تخصصك يا أخ كوكتيل ؟
وأخ نقطة ؟
يعطيكم ألف عافية يانقطة ويابيتي على المعلومات القيمة
(اهتم بدراستك) الله يبارك فيك وتخصصي هندسة كهربائية
PETE
CSD اختصار لـ Consltunt Servecis Department
وبالنسسبة لتخصصي ME
ممكن أحد يفيدنا عن إدارة عمليات الطاقة (Power operations department) ومقرها في الظهران … ولو بأي معلومة وشكرا