السلام عليكم، أتمنى يكون الجميع في أفضل صحة.
زي ماهو واضح في العنوان، انا قدمت على برنامج الراجحي لتطوير الخريجين GDP حق السنة هذي " ماهو حق االـIT، العام " ، كان مطروح على لينكدان والتقديم في موقعهم " رابط البرنامج "
قدمت في 16 أكتوبر، وفي 3 نوفمبر اتصلوا علي وسوو معاي مقابلة على التليفون، كانت تتضمن سؤالين فقط! واتوقع هذي المقابلة الهدف منها تقييم اللغة الانجليزية.
سألني في البداية في حال قدمت على البرنامج؟ وبعدين سألني عن لغتي الانجليزية وجاوبته بأنها ممتازه
وبعدين سألني اعرف عن نفسي وعن خلفيتي العلمية وعن مشروع التخرج بالانجليزي " في سؤال واحد 
"
وقال شكرًا لك وبيتم الرد عليك في الايميل.
اليوم وصلتني رسالة على رقم الجوال يقولون لي انهم بيرسلون لي Online Assessment خلال هذا اليوم ولازم اكمله خلال يومين.
المهم، حاب استفسر اذا احد سبق واختبر هذا الاختبار وممكن يفيدنا عنه بصفة عامة؟
وشكرًا لكم مقدمًا!
هل وصلك الاختبار ؟ لان جاتني رسالة على الجوال ان بيوصلني الاختبار وما وصل
اي نعم وصلني اليوم الظهر
سامحني من امس كنت بكتب لك عن الاختبار لكن العضوية م تفعلت معي الا اليوم , المهم بشر كيف سويت
تسلم ياغالي، كان صعب نوعًا ما بسبب الوقت. لكن من ناحية الاسئله سهله وواضحه اغلبها
بالضبط نفس الاختبار التجريبي حقهم
من هنا الواحد يقدر يتدرب: Try Talent Q - Talent Q
طبعًا الاختبار Verbal + Numerical وكل واحد ربع ساعه
الله يوفقك وان شاء الله نتقابل هناك وننقبل بشكل نهائي
الوقت كان جدا ضيق وم يمديك تركز بسس ترا الاختبار على م سمعت انو مو تحديد مستواك الانجليزي فقط يبون يشوفون اختياراتك تتناسب مع مفهوم الشركة او لا
اللهم امين ياصاحبي، الله يكتب لنا الخير يارب
بالضبط زي ماسمعت، اذكر في الدفعات السابقه فيه كثير جابوا العيد وبالرغم من ذلك تواصلوا معاهم لباقي المراحل
اميين ان شاء الله , الله يوفق الجميع وان شاء الله نكون من المقبولين ونتقابل هناك
الله يوفقك وييسر لك يارب.
سؤال: حديث تخرج؟ وإن كان لك عمل بعد التخرج، كم المدة؟
أسأل لأنهم تواصلوا معي - نفس الي صار معك - لكن اعتذروا في نهاية المكالمة بسبب موضوع التجربة العملية (خريج 2019)، فما أدري هل هو السبب الرئيسي والا فيه شي ثاني.
وبالتوفييق.
اتوقع البرنامج شارطين انه م تكون ع راس العمل
والماكس للخبره سنه
الله يعوضكك خير ي حب ويرزقك بالي احسن منها
السلام عليكم …
فيه احد تواصلوا معه بعد الاونلاين اسسمنت ؟
شكرا
اهلًا وسهلًا، اللهم امين ووياك يارب.
انا حديث تخرج ٢٠٢٠ وبدون اي خبرة عمل، واذكر في شروطهم ان الواحد يكون حديث تخرج وماعنده خبرة، ف فعلًا ممكن هذا السبب.
الله يعوضك ياصاحبي باللي افضل منها
عليكم السلام، ماردوا علي انا سواءً رفض او الخطوه المقبله الى الان.
الله يسمعنا خير.
لا م اتوقع بدو يتواصلون مع احد , ترا بالنسبة للرفض ع كلامهم انه م يتم التواصل معاك , راح يتواصلون معاك فقط في حال القبول
ع العموم اتوقع راح يتواصلون معنا الاسبوع الجاي او الي بعده , لان التدريب يبدا 1\1
بالتوفيق للجميع
الا تواصلوا مع كذا شخص على الاونلاين اسسمنتت
هذا التايم لاين حقهم، اذا جا ٢٢ نوفمبر وهم ماتواصلوا مع احد اتوقع يعني انه مستبعد.
https://i.ibb.co/27YwGNv/5-C54-D9-B4-65-F4-498-D-A34-B-E1-C121-E4-A56-A.jpg
بعد الاسيسمنت قصدي
شباب ايش رايكم نسوي قروب واتس اب مو أحسن؟
فيه قروب تيليقرام، مو متفاعلين مره بس شيء احسن من لا شيء
هذا رابطه: تجمع برنامج تطوير الخريجين “الراجحي”