Hassan ba-aoum
Email : mbaaoum@kfupm.edu.sa
بنود التقييم :
التحضير :
طريقة الشرح :
الكويزات :
المياجر:
الفاينلات :
القريد النهائي:
الصوت:
إضافات :
…
درسني ISE201 في ترم 151
التحضير: كان يحضر بداية كل محاضرة.
طريقة الشرح: من السلايدات والمادة ما فيها شي اصلا.
الكويزات: للأمانة كان اول ترم يدرس في البترول فكانت كوزاته متفاوتة، اول كويزات كانت صعبة ثم سارت اسهل.
المياجر: لا يوجد.
الفاينل: كومن.
القريد النهائي: A
الصوت: شوي منخفض، لو يكون اعلى شوي ومش بنبرة وحدة يكون افضل.
إضافات:
- الدكتور محترم وخلوق جدا ومتفهم لظروف الطلاب بحكم انه خريج البترول ويرحب بالطالب في مكتبه.
- اذكر في بداية الترم كانت كويزاته صعبة والطلاب اشتكوه على الصعوبة، ف قال لنا انه بيحط الكويزات بالطريقة اللي نحن نشوفها مناسبة، كان يستشير الطلاب دائما لتحيسن الكورس.
- مدري اذا لسة يدرس نفس الكورس ولا لا ، لكن اعرف شباب اخذو معه 307 وكانو يمدحووه.
- نصيحة: الدكتور صح انه محترم و اسلوبه شبابي لكن لاحد يبالغ في المزح والطقطقة لان اذكر سكشنا كان اخد الموضوع طقطقة الى حد ما وبصراحة كنت اشوف ان هذا من قلة الادب و الاحترام وكنت الاحظ الدكتور يتضايق جدا.
باختصار: انسان محترم ومتحمس للعلم والتعليم ويحفز الطلاب لبذل الافضل. انصح فيه :)
1 Like
أخذت معه ISE307 الفصل 161
التحضير :
بداية الكلاس ينادي بالأرقام ويمكن يغيبك لا تأخرت (كان متساهل ثم طبق هالنظام الشديد يوم استهانوا الطلاب)
طريقة الشرح :
يمر على السلايدات بسرعة، يخلي طالب يقرأ المثال، يحل المثال على السبورة.
شرحه سريع شوي ويسلق المفاهيم سلق
الكويزات :
عطانا 5 كويزات وحذف الأسوأ (الأخير كان هوم كويز)
كانن نفس اللي بالسلايدز أو شبيهات فيه جدا.
المياجر:
كومون وفيه دكنور مختلف وله شكسنه وأسئلته، كان - باعوم- يحل كم سؤال قبل الميجر ويجي بالميجر نفس اللي حل أو قريب منه كثيير.
الفاينلات :
كومن، قالنا نركز على كم شغله وجا نفسه بالفاينل.
القريد النهائي:
B+ إلى A كتقييم للأستاذ.
أما كقريد نهائي، عطانا بونص 10 درجات ( أنشطة مختلفة طول السمستر) وقال ما راح أقدر أزودكم - ومعه حق -أكثر وطبق الستادرد قريدنق (A+ من 95)
الصوت:
واضح ومفهوم
إضافات :
* خلوق جدا وعقليته بالنقاشات اللي يطرحه بالكلاس رهيبة، يحلل ويفتح ذهنك.
* متفهم مررة لا راجعته بالتصحيح.
* بونصه أكثر من كثير وحراام تفوته (عشر درجات !!) وإن شاء الله ما يضغطون عليه القسم ويكنسله.
* عطانا بروجكت عليه بونص من 5 إلى 7 درجات والبعض ما سواه! قهر تفوته ما يبغا منك كثير بس تطبق اللي درسته على مشروع من راسك ( أخذ منا تجهيزه يوم فقط وحصلنا 7 درجات)
* شرحه نص ونص بس جدا متساعد مع الطلاب ويقولهم وش المهم ووش اللي لازم يركزون عليه…
" باختصار: انسان محترم ومتحمس للعلم والتعليم ويحفز الطلاب لبذل الافضل. انصح فيه :):)"
أتفق معك
1 Like
مافي شي أضيفه على كلام الشباب الا ان اسمه محمد مو حسن