الشركة تعمل في مجال الإختبار و الفحص و اعتماد المنتجات ، ونقوم بمساعدة العملاء على تطوير أدائهم و اكتساب الإمكانيات في مجال التصنيع و الخدمات اللوجستية ، معالجة معوقات السوق و التقليل من معدلات الخطورة. وتمكننا كسب السمعة الجيدة لمساعدة عملائنا لزيادة قيمة منتجاتهم ،… هذا وصف الشركة على موقعهم
رأيت عرض في شركة انتركت السعودية (بمسى Inspector trainee) لكن المفاجأة ان الراتب 3500 SAR هل هي شركة موثوقة وتستحق أما أن تقديم هذا هو لسعودة ، لأني سمعت أن الشركة كذلك في المنتدى
هل مثلا لو أنضميت إليهم اقدر اني اطلع إذا حصلت على فرصة ثانية ، وهل هنالك خبرة معتبرة في الوظيفة
انا ارسلت لهم سيرتي الذاتية يوم شفت اعلانهم في لنكدان قبل يومين على نفس المسمى QC Inspector Trainee
واليوم الفجر وصلني ايميل منهم ويبغوني ارسل لهم بياناتي, بطاقة الاحوال, ايبان البنك وغيرها
وذكر لي بالايميل ان التدريب مدته 4-6 اشهر وان الراتب 3500 ريال… + مرتين بالايميل طلب مني أذكر أني “موافق على الراتب” لما ارسل بياناتي له
صراحة بعد مابحثت بالمنتدى, وجدت ان السمعة مش ولا بد ولكن المواضيع كانت قديمة أعتقد من 2017 أو حولها.
أنا طلبت منهم توضيح اكثر بخصوص موضوع التدريب قبل أوافق وارسل بياناتي لأنه مبهم بالنسبة لي ولازلت بانتظار ردهم… ولكن اذا فيه احد يعرف طبيعة العمل او المسمى الوظيفي او عنده خلفية عن وضع الشركة حاليا يا ليت يفيدنا
هلا بكم، اللي اعرفه انه عندهم عقد مع ادارة التفتيش (inspection) بارامكو ، شبيه بنظام ال smp. يصير رئيسك من ارامكو. كبج تعبان طبعا بس مو واضح اذا لفترة التدريب فقط. خبرة الانسبكشن في مشاريع ارامكو حلوه. طبعا في مزايا ثانيه اشوفها مع موظفين الشركة دي مثل السيارات و الاوفر تايم. اذا كنت حديث تخرج و ما عندك خيارات مالك الا تقبل بشرط يتعدل الراتب بعد فترة التدريب.
انا شخصيا بدأت قبل فترة فرصة تدريبية عبر برنامج تمهير, للامانة الوضع بالتدريب مش كويس وبيئة العمل سيئة لكن فيه احتمالية يتحول التدريب الى عقد عمل بعد نهايته… فصراحة متردد.
عندك خلفية عن مسمى الكوالتي انسبكتر ومستقبله؟ لأن خلفيتي عنه لاتتعدى معناه… و شكرا لك!
خلفيتي عن الموضوع قليله و كلامي فوق بحكم اللي شفته. غالبا الانسبكتورس اللي اتعامل معاهم عندهم اطلاع واسع عارامكو ستنادرد و الانترناشنال ستاندرد و خبرة كنستركشن بعد.
انا اشوف دام انك في فرصه ثانيه حاليا تكمل عليها، الفرصه مع انترتك ممكن يكون فيها خبره بس كبكج تعبانه. الافضل الانتظار لين تحصل فرصة احسن.
انا يا شباب برضو قدمت يوم شفت الاعلان عن طريق الاعلان اللي باللينكد ان برضو , وزي ما تفضلو الاخوان سمعتهم على حسب المكتوب في المنتدى جدا سيئة من خلال الوظيفة هذه بالتحديد اللي هي trainee position ولاكن سمعتهم كشركة انسبكشن جدا ممتازة من خلال الناس اللي سالتهم وهم يشتغلون بارامكو.
انا بعد ما قدمت جاني نفس الايميل اللي الشباب يتكلمون عنه اللي حاطين فيه العرض وما الى ذلك ورديت عليهم بالاشياء اللي طالبينها , الاحوال والايبان وكل شيء.
دق الموظف و قالي ان التدريب في بقيق وبرضو قالي اذا حاب اقدر ارسلك العرض الان!!!! قلت له كذا بدون مقابلة بدون اي شيء قالي هذا عرض تدريب وليس توظيف بس بصراحة ما خرط مشطي ذا الكلام لان حتى لو تدريب اغلب الشركات اللي كنت اتواصل معها يطلبون اقل شيء مقابلة HR
وبرضو السرعة بالرد على الايميل الاول يوم قدمت يعني ما اخذ 10 ساعات الا وجاني الرد. ويوم ارسلت الايبان والاحوال االلي هو ردي على ايميلهم دق علىي الموظف بخلال ساعتين تقريبا فمدري احس من جد سعودة ويبون اي احد باي طريقة والسلام
انا حاليا بشركة ماخذييني مهندس بس شغلي BD ومكتبي بس يعطوووني 7000 فمدري والله انا كنت ناوي اروح لو 1000 ريال بسس يكون من جد في تدريب وتطويير ما تهمني الفلوس حاليا بس اذا هي سعودة احسلي اقعد محلي
من الاسلوب واضح انها سعوده وهميه ١٠٠٪ يبونكم قدام ارامكو بس سعوديين
نصيحة محب اسحبو عليهم ( للي ع راس عمل )
مثلك جاني منهم رساله او فرصة تدريب مع ارامكو كذا تحس شي يحمس بعدين احصلهم كاتبيين اذا انت مو مهتم بالعرض ارسله لاي شخص يقبله, يعنى الشغله شختك بختك وبكل صراحه و وضوح.
بعيداً عن الراتب هل التدريب في الشركة ممكن يفيدي حتى ولو ما كان فيه ذاك الاهتمام لكن هل ممكن اتعلم اشياء جديدة تفيدني كمهندس فرش ؟ وهل راح تفتح لي فرص افضل ؟ وش مستقبل مهندس inspection ؟
جاتني لعرض تدريب مع ارامكو ولازم يوافق على الشروط ومن ضمنها مكآفئة تدريب 3000 ، للأسف ما كانو واضحين ، لما سألتهم هل التدريب راح يكون في الريفاينري حقت ارامكو وهل بعد الاربع او ست شهور راح يكون فيه عقد عمل مع ارامكو في الريفانريز ، لكن للاسف مافي شيء واضح وكل كلامهم احتمال ، وانقهرت صراحة على وضعنا كمهندسين ورفضت على طول … للامانة ومن رأيي اشوف ان اللي يقبل بالوضع هذا اللي حاصل لنا ظلم نفسه وظلمنا كمهندسين ( الا اللي ماهو على رأس عمل نقدر نعذره ) وبأذن الله الاحوال راح تتحسن
: