السلام عليكم
احد عنده خلفيه بخصوص اختبار IQ حق يورك ال سالم ؟
هذي حقت وظيفة اللي اعلنوا عنها ؟
مهندس مشاريع PMT
لا مبيعات
الإختبار مرة سهل والأسئلة اختيارات كان من 25 سؤال والاجتياز يكون من 18+ أقل من 18 مايعتبر اجتياز أصعب جزئية في الاختبار كانت براغراف تستنتج منه الإجابة الأصح من بين الخيارات. تجربتي باختصار معهم ماباءت بالنجاح كانت مقابلة شخصية مع مدير التوظيف واجتزتها وطلب مني أعمل الاختبارواجتازه وفعلاً اجتزت الاختبار ب24 من 25 وتفاجئت بتواصلهم معايا على منصب ثاني غير المنصب اللي عملت فيه المقابلة واجتزتها. ولما عملت المقابلة اثناء المقابلة طرحولي منصبين وخيّروني بينهم وقلت لهم وقتها أي منصب ماعندي مشكلة فيه والمفاجئة ان ثاني يوم مباشرة أرسلولي الرفض. كانت صدمة صراحة لأني تجاوزت أهم مقابلة التكينكال انترفيو وكان الموضوع بس اجراء اختبار وعرض وظيفي لكن تغيّر السيناريو لأكثر من مرة ومدير التوظيف بالغلط تكلّم وقال فيه مرشحة للتوظيف مشيت لآخر خطوة واجتازت كل الخطوات ولما وصلت للعرض الوظيفي أعتذروا الشركة بسبب تغيير مسارهم للشاغر الوظيفي.
الله يعوضك خير منها يارب
الشيء المهم ان لما عرضوا عليك المنصبين المفروض تختار بينهم اما اذا ما اخترت هذا راح يسبب Confusing لمدير الموارد البشرية
الشاغر هذا للنساء او لهم اولوية فيه ؟
الله يعوضك خير منها وبالتوفيق ان شاء الله
المقابلة اللي عملتها كانت تكينكال انترفيو مع مدير التوظيف مو مدير الموارد البشرية وكان عنده شاغرين وإجابتي لهم ان ماعندي مشكله عشان مااقصي نفسي من الفرصة لكن للأسف صدموني بالرفض ، حتى الراتب لما سألو كم التوقّع وقالولي رقمهم قلت مناسب مااعطيتهم رقم راتب وقلت راح نتوصل لإتفاق ان شاء الله بخصوص الشاغر كان فيه افضلية للرجال لأن الوظيفة جزء منها ميداني يتطلب الخروج للمشاريع.