سلام عليكم
بغيت اسألكم كم سؤال عن الـitc تدرج ارامكو واحد من اخوياي عزيز علي انقبل فيه ويبي يعرف
الحين اللي يدخل البرنامج ذا يقدر يكمل بكلاوريوس بعدين ؟؟
والظاهر تدريب خويي بيكون براس تنورة
والف شكر مقدما ,
انا سمعت كلام وماني متأكد منه
انه يقدر يكمل بكالوريوس في الجامعه المفتوحه
ولا ادري هي معتمده ولالا !!
مو يكمل … لأن التدرج ليس بشهادة … وانما يقدر يدرس بكلريوس في اي جامعة فيها نظام انتساب ويبدا من جديد ولا اعتبار لدراسته السابقة في itc
لأنه اول ما يخلص دراسة راح يتوظف
يقدر يدرس في اي جامعه ولكن من وقته الخاص وايضا لازم يوقع مع ارامكو انه ما يطالبهم بأي حاجه اذا تخرج
لكن لواحد يحاول يكمل اقل شي انه يطور نفسه
كلام جميل والف شكر لكم
وانا بعد سمعت عن الجامعه المفتوحة
او انه يقدر يكمل انتساب بأي جامعه
لكن يا اخوي القحطاني وش الفايدة يدرس ويتعب نفسه ولا يطالبهم بشي هو ما درس الا وهو يبي يرفع القريد حقه مو يبقى اوبريشين فاهم علي
يعني اذا بس بدرس لنفسي واتعب في الاخير ولا شي وش الفايدة
ما اتوقع !
الي عنده كلام اكيد تكفون يكتب
خذ الكلام مني ياخوي انت مجرد ما تبغى تكمل الدراسه لازم تروح شؤؤن الموظفين وتوقع اوراق عندهم بعدم المطالبه بعد التخرج بتغيير وضعك الوظيفي لانه الشركه تتعامل معك على العقد اللي انت موقعه معها
انت موقع بعقد ثانوي خلاص تعتمد بالثانويه
انت موقع بكليه تعتمد اكلليه
انت موقع بجامعه تعتمد الجامعه
ولكن هذا لا يمنع انك ما تواصل دراستك واصل وما تدري يمكن يطلع نظام بعدين
وممكن تفيدك الشهاده اذا عندك واسطه او المانجر طلع انسان طيب ومحترم يمشي شهادتك
وفي حاله انه يمشي شهادتك تصير ترقياتك تمشي بسرعه يعني يمكن سنتين او اقل او اكثر تاخذ قريد
طيب يا خوي القحطاني
مثلا انا اعرف ناس في ارامكو متوظفين بكالوريوس وبعد كم سنه خلتهم ارامكو يكملون ماجستير اذا رجعو ذولا يبقون نفس قريدهم ولا يتغيرون الاكيد انهم يرتفعون ويترقون والا وش الفايدة اتعب واتعنى !
اتمنى من كل قلبلي ان كلامك ما يكون صحيح
لأن خويي ذا قاهرني قدراته 80 والقنوي 94 وانقبل هندسة حاسب بجامعة الملك خالد وما يبغى الا ارامكو ويقول يقدر يكمل بكالوريوس قلت ابسأل له ارب يجي شي زين
انا سمعت انك تقدر تكمل بكالريوس في احدى جامعات ارامكو بعد ماتتوظف … هذا والله اعلم …
وياليت من عنده خلفية عن هذا الموضوع يفيدنا اكثر …
اخوي البكالوريوس يختلف عن الثانوي
انت لما تدخل التدرج تدخل بثانويه لذلك الشركه ما تفرغ احد يدرس بكالوريوس
الموظف اللي داخل الشركه بجامعه يقدر يكمل ماجستير
اما مسأله الماجستير في القريد مالها اي علاقه بتاتا
القريد يعطي الموظف حسب اجتهاده في العمل
لنفرض انه واحد متخرج بكالوريوس واحد ماجستير وكلهم قدموا على ارامكو كلهم ياخذون نفس القريد بس اللهم الفرق في الراتب يمكن 400 ريال فقط لا غير
قل لخويك اذا يبغ يكمل يقدر بس يحط في باله انه احتمال كبير الشهاده ماراح تسوي له شي
تقصد الجامعات المعترف بها عند ارامكو وليس جامعات ارامكو
طبعا تقدر تكمل من وقتك الخاص
يعني مافيه نظام يسمح للموظف انه يحصل على بعثه للبكالوريوس الا اذا كان الموظف عنده واسطه
يعطيك العافية يقحطاني ولاهنت