السلام عليكم اخواني,
اليوم جاني اتصال من جال وراح يكون عندي مقابلة معاهم على وظيفة Maintenance Engineer .كونتراكت مع سابك
كيف راح تكون المقابلة ؟ وايش الاسئلة اللي المفروض اتوقعها؟ واي نصائح للمقابلة؟
وشكرا
2 Likes
وعليكم السلام
ماعندي خلفيه عن شركة جال بس اللي اعرفه انها manpower مثل شركة جاتكو وانا بنقل لك تجربني مع جاتكو. ارسلوا لي مقابله شركة جاتكو وكنت اظن المقابله مع جاتكو نفسها وطلعت المقابله مع قسم في ارامكو والتوظيف بيصير تبع SMP في ارامكو يعني مو دايركت مع ارامكو والى الان ماجاني رد ولي تقريبا شهر.
الخلاصه ان القسم اللي بتتوظف معه في سابك بيسوي لك مقابله. ولا تشيل هم المقابله كانت جدا مريحه لانهم اتوقع ماخذين في الحسبان انك مو دايركت معهم فتوكل على الله وعقبال الوظيفه.
1 Like
…
يالغالي ردوا عليك بعد المقابله؟ لاني نفس وضعك الان
لا والله يالغالي الى الان ماردوا علي مع العلم ان مقابلتي كانت بتاريخ 16\10\2017 والى الان لاحس ولا خبر واتصلت فيهم اكثرمن مره وقالوا ماوصلنا اي معلومه من ارامكو واللي فهمته ان ارامكو متأخره على غير العاده.
نرجوا منك تزويدنا بتاريخ مقابلتك
2 Likes
عسى الله يكتب لك الي فيه الخير ويرزقك من واسع فضله والشركات الكبيرة على ماسمع فيه بطء بالعملية.
لكن وضعي انا اقصد مثل وضع سهيل كاتب الموضوع كنتراكت سابك وعلى نفس البوزيشن وتقريبا نفس التاريخ والله اعلم انه كان معي يوم المقابله عشان كذا اساله وش صار عليك وبالنسبه لي ردو علي بعد اسبوعين بالقبول باقي يرسلون الاوفر وللحين ماجاء رد منهم.
انا سويت مقابلة يوم الاثنين 27/11/2017
مع الحوطي ( حق ارامكو )
قالو لي الرد بعد اسبوع او اسبوعين
و حتى الان ماردو
اتصلت للحوطي قالو ( ننتظر ارامكو )…
اجل ردودهم مثل بعض وهذا معناته ان ارامكو تأخرت في الرد
لا والله اخوي , الى الان ما ردو علي, من يوم اللي سويت فيه المقابلة الى الان.
الحمد لله على كل حال
إذا ما عليك أمر تقدر تعطيني ايميل التوظيف تبع الحوطي
السلام عليكم ، شباب احد سوا مقابلة مع شركات الكونتراكت في سابك ؟
المقابلة بتكون مع موظفين من سابك لكن حاب أعرف معلومات أكثر عن المقابلة و على ايش يركزون بالضبط ؟ هل أسئلة شخصية ومقابلة سهلة مثل ارامكو أو لا ؟
و شكرًا
أخي شدعوه هل قمت بعمل المقابلة أو لا … مقابلتي غداً…
المقابلة مع موظفين سابك لكن عن طريق شركة جدارة … وحاب أستفسر كيف كانت طبيعة المقابلة …
السؤال كان لواحد من الشباب، بكلمه الحين واذا رد علي بعطيك خبر.
هذا كلامه :
" أنا إلى الآن ما سويت مقابلة، اللي سألتهم قالوا راح يركزون بشكل كبير على الشخصية
راح يسألون أسئلة كثيرة وبعضهم يدور الزلة أو الأشياء اللي ما يعرفها عشان يركز عليها والمقابلة تتكون من ثلاث اقسام
مقدمة، أسئلة، وخاتمة
المقدمة بتكون عن نفسك وتتكلم عن انجازاتك وشخصيتك
الأسئلة بتكون شخصية وتقنية واهم الأسئلة
ليش تبي تنظم لسابك؟
نقاط القوى والضعف أصعب شي واجهته (عادة تقني)
تكلم عن التطبيق إذا كان هندسي،
قد يسألونه عن السلامة وتصنيع البلاستك
او يسألون عن أيش منتجاتهم
وفي شي مهم لازم ينتبه له يسألون أسئلة ما يعرفون اجوبتها فلازم يدبر عمره بأي إجابة يراها مناسبة ويكون واثق من كلامه "
واذا ماعليك امر ياليت بعد المقابلة تشاركنا تجربتك في المقابلة وطبيعة الأسئلة
الله يوفقك.
يوفقنا اجمعين يا رب
الحمدلله عملت المقابلة وكانت الامور طيبة
قابلوني ثلاثة. اثنين منهم موظفي سابك اكيد والثالث كان لابس ثوب واستأذن قبل البداية على انه بيرجع بس ما رجع فمادري اذا هو تبع سابك او لا
البداية تكلم وحدثنا عن نفسك بس باللغة الانقليزية
وين درست. كم معدلك. كيف طبيعة عملك الان
لازم تعرف ان هالمركز الوظيفي فيه ضغط عمل قوي فهل انت مستعد لذلك
كيفك مع برامج الكومبيوتر. الاوت لوك.الباوربوينت. الاكسل. اعداد التقارير على اي برنامج؟
قد تمر عليك مواقف من مدراء او ناس من مراكز كبيرة يتكلم معاك بطريقة قد يكون فيها تقليل شأن بسبب ضغط العمل. كيف تتصرف؟
لو احد من الموظفين اللي اقل منك تكلم معاك بعنجهية وقلة ادب ايش بتكون ردة فعلك وايش بتسوي؟
سابك بيئة العمل فيها ضغط وموظفي سابك وشركاتها من كافة الاطياف والمذاهب والاجناس سعوديين وغير سعوديين
عندك مشكلة مع هذا الشي؟
سبق وتعاملت في العمل مع ناس من برا الدولة؟
هذا مما دار في المقابلة ولا زلت اذكره
والحقيقة مافي احد استقعد لي. كانوا لطيفين وفاهمين ومحترمين جدا
مع ملاحظة ان تخصصي ادارة اعمال فكانت المقابلة على هذا النحو
ارجو ان هذا يخدمك
تحياتي لك وبالتوفيق
2 Likes
الله يعطيك العافية ويوفقك لكل خير.
السلام عليكم
انا عملت مقابلة في سابك عن طريق شركة جال في تاريخ 22 -03-2018 على وظيفة Admin assistance
وطبعا المقابلة كانت كلها باللغة الانجليزية
كانت اللجنة عبارة عن اربعة اشخاص 3 منهم موظفين سابك والرابع موظف الموارد البشرية
في بداية المقابلة سئلوني كيف لغتك الانجليزية؟ قالي ترا المقابلة بتكون بنجليزي على باله بخاف يعني
انا ما حبيت اقول ممتازة قلت الحمدلله زينة حبيت هم الايقيموني
سئلوني حدثنا عن نفسك
وماذا تعرف عن الوظيفة الا انت مقدم عليها
حدثنا عن شي انت عملته ومازلت تفتخر فيه حتى لو كان شي شخصي خارج اطار العمل
كم سنة تعتقد انك قادر على العمل في هذي الوظيفة
ايش الاشياء الاممكن تقدمها وتظيفها على هذي الوظيفة
هذا الا اذكره حاليا واعتقد اني قدمت مقابلة جيدا جدا الى ممتاز وشفت علامات الرضا على وجوه اللجنة
و في النهاية قالولي بتوفيق لك وراح نتواصل معك السبوع القادم ان شالله
1 Like