السلام عليكم ،
اجريت مقابلة بتاريخ ٢٠/فبراير مع مدينة الملك عبدالله للطاقة الذرية
وحتى الآن ماوصلني منهم اي رد …
الاخوان اللي دخلوا مقابلاتهم في شهر فبراير صار شي معكم ولا نفس وضعي؟
up
مقابلتكم على اي برنامج ؟
لان عندهم اكثر من برنامج
المشروع الوطني للطاقة الذرية
الاجراءت
مقابله
اختبار لغة
اختبار على الموقع يرسل على الايميل
ارسال الاوراق الرسمية
التزكية الامنية > تطول شوي
----------------------
اتواصل معاهم بشكل مستمر و الله يكتب لك اللي فيه الخير
1 Like
ممكن تزودنا بطريقة للتواصل معهم لاهنت
فيه ايميل لشخص اسمه العمري وللأسف مايرد علي
5555 11808 0
أطلب قسم HR و خبرهم وش استفسارك و راح يعطيك الشخص المسؤول
بالتوفيق
1 Like
الله يسعدك انا سويت معهم مقابلة وتخصصي هندسة ميكانيكية … ولكن طلبوا مني أختبر اختبار لغة انجليزية … بالنسبة للأختبار هل هو اختبار الايلتس او اختبار اخر ؟ وما هي الدرجة المحددة لأجتياز الاختبار …
وبشر الان وش صار معك معهم ؟
اختبار سهل جدا، تسليكي بالمعنى الحرفي
تروح لمركز اسمه ELS ويدخلونك قاعة بدون مشرفين ويشغلون لسننق مقاطع متنوعة سهلة، مشكلة اللسننق فقط ان سماعاتهم سيئة ومرات ماتفهم الكلام. بعدها تبدا اختبار قرمر يبغى لك تحله بسرعة لكنه سهل عموما
واخر شي تكتب باراقراف عن واحد من ٣ مواضيع يخيرونك بينهم وكلها سهلة جدا
تطلع من الاختبار وتروح لمدير المركز بكبره يصحح ورقتك ويسولف معك وهو يصحح
خلصت الاختبار من شهر وزيادة وليومك مافيه اي تواصل، اعرف واحد من جامعة ثانية توظف معهم يقول لطعوني ٤ شهور قبل يجيني عقد التوظيف!!
الوضع سايب جدا عندهم، لي شهر احاول اكلم اي موظف في الHR ومو قادر، تتصل اسبوع ويالله يردون عليك ومستحيل يفيدك اللي يرد عليك. يقولك مو عندي بحولك على الشخص الفلاني وتروح للشخص الثاني يقول انا وش دخلني.
تواصلت مع 5 موظفين كلهم بطلعة الروح ردوا وكلهم مافادوني وغسلت يدي منهم
1 Like
السلام عليكم
يا شباب اللي ردوا عليه بالله يعطينا خبر … أو اللي تواصل معهم لأني سمعت ان التوظيف موقف بسبب عدم وجود رئيس ونائب للمدينة للآن
1 Like
انا لي تقريبا 8اشهر و الى الان ما جاني رد
وش كنت مرشح عليه؟!
أنا من شهر اغسطس 2017 و لا فيه لا حس و لا خبر، أتواصل مع الموظف المسؤول و لا يرد لا ايميل و لا تليفون. الله يسهل امورنا في هذا الشهر الفضيل و يفرجها على كل مسلم.
أنا سويت مقابلة في يناير مع قسم الطاقة الذرية
مع أي قسم كانت مقابلتك ؟
اللهم آمين
سويت شهر مارس مع حماية الإشعاع النووي و شهر اغسطس مع الوقود النووي.
الله يوفقك يارب حماية الاشعاع صاروا هيئة ومستقلة الآن وبما أنه صار لها رؤية اغلب اللي بالمدينة يحولون لها
وزي ماقلت الآن المدينة بدون رئيس وبدون نائب لهم تقريباً 5 شهور والوضع عندهم ملخبط شوي
لكن الله ييسرها لنا جميعاً وإن شاء الله نشوفكم فيها بإذن الله
اللهم آمين و يوفقك و ييسر امورك و امورنا أجمعين و بإذن الله نشوفكم فيها في أقرب وقت، صحيح صارت هيئة و اذكر كان يقول لي تأخذ الإجراءات أحياناً إلى سنة، نظامهم غريب و ماهو مفهوم أبداً.
الله ييسرها من عنده.
فعلا هذا الكلام اللي وصلني
ان شاء الله تنفرج قريب باذن الله
فيه أحد تواصل معهم هالأسبوع، بعد تعيين الرئيس الجديد؟
سمعت أن التوظيف بتعاد إجراءاته
1 Like
من وين سمعت؟؟