السلام عليكم ورحمة الله
كيف حالكم ياشباب
انا سويت مقابلة مع مدينة الملك عبدالعزيز للعلوم والتقنية KACST في شهر March على وظيفة باحث علمي مساعد والى الان ماردوا علي مع العلم اني حسيت انهم بيقبلوني على طول لما سويت معهم مقابلة ولكن للاسف الى الان انتظرهم:( هل فيه اي شخص سوا معهم مقابلة وتاخروا بالرد؟ ارجوا الافادة لاهنتم…
انا زيك
كلمتهم بداية رمضان قالو بعد العيد التوظيف يعني انشالله بعد العيد الرد
موفق
اجراءاتهم تطول جدا. انا سويت معاهم مقابلة في نوفمبر وما ردوا علي بالقبول الا في أبريل. طول بالك معاهم ولا تحاتي ان شا الله يجيك الرد بالقبول.
الله ييسر الامور وخبر كويس صراحة
ماشاءالله وهل انت بعقد معهم؟ وهل فيه امل تترسم؟ ولاهنت وش مميزاتهم من جميع النواحي والرواتب
انا حاليا مع شركة ثانية ما وقعت معاهم. ايش قصدك بعقد؟ العرض اللي جاني مباشر منهم على السلم الأكاديمي. الوظيفة باحث علمي فأحد مراكز التميز.
العرض يعتمد على خبرتك. لو بدون خبرة راح تتوظف على السلم الأكاديمي مرتبة معيد عالدرجة الاولى. وكل سنة خبرة تنحسب لك درجة زيادة. الراتب لو كنت في الدرجة الاولى ٦٦٥٠ ريال أساسي + ٢٥٪ بدل بحث علمي + ٢٠٪ بدل ندرة + ١٥٪ بدل ساعات عمل + بدل نقل ٧٠٠ ريال. يطلع المجموع بعد خصم التأمينات حول ١٠٧٠٠ ريال. لو عندك خبرة على كل سنة تزيد درجة وتكون زيادة معاها ٤١٥ ريال عالراتب الاساسي. هذا طبعا لو كنت في مراكز التميز، لو وظفوك على معاهد البحوث القديمة الراتب غير بس ما عندي تفاصيل عنه. موفقين ان شاء الله.
يا شباب ياليت رابط التقديم لاني حاولت اقدم من زمان عليها من دون فايدة …
اهلين اخوي انا قدمت عليهم عن طريق يوم المهنه في جامعة الفيصل بالرياض في شهر March وايضا حصلتهم في معرض التوظيف اللي في جامعة الملك فهد للبترول والمعادن. فانصحك تقدم لهم يدوي…