يا شباب جاني اتصال من شركة KBR اخر اسبوع في رمضان، كلمني واحد فلبيني قلي معايا عبدالعزيز قلتله ايوه قام قلي معاك انجيلو من شركة KBR، وقلي واحد من اصحابي اعطاني السي ڤي حقك عشان حاليا نحتاج مهندسين حديثي التخرج عندنا في الشركة و قلي فين ساكن قلتله في مكة قلي ماعندك مشكلة تجي الخبر عشان المقابلة قلتله ماعندي مشكلة قلي طيب كم تتوقع الراتب قلتله ١٠٠٠٠ اتوقع قلي راح اكتب اساسي ٨٠٠٠ قلتله طيب بعدين قلي متى تكون متاح قلتلو اي وقت قلي راح اكتب يوليو عشان دحين رمضان و بعدو العيد وبس
( طبعا المكالمة بالانجلش)
و الى الان محد اتواصل معايا
استفساري هل احد جاه نفس الاتصال
او مر بنفس التجربة قبل كذا مع الشركة
ياليت يفيدنا
شكرا،،
أهلن أخوي انا سويت معاهم مقابلة في شهر 3 ميلادي عن طريق السكايب بي المقابلة كانت كلها في التخصص وبعدها بااسبوعين ارسلو يطلبون اوراق وكذا … بس للان ماردو علي!
طبعا الشركة هالسنة فازت بمشروع ارامكو وسابك ( COTC ) اذا قدر الله وحصلت الوظيفه فيها راح يكون شيء عظيم والله يوفقك
قبل شوية اتصلت عليهم ورد عليا
قلتلو جاني اتصال منك قبل شهر لبوزشن مهندس حديث التخرج
قلي ايوا انا ارسلت المعلومات لقسم الهندسة و منتظر منهم رد عشان اتواصل معاكم
السلام عليكم …
حاولت ارسل ايميل لكن للاسف البريد تبعهم مليان ولايقبل استقبال رسائل :
Delivery has failed to these recipients or groups:
kbr\-amcdehr@kbr.com
The recipient’s mailbox is full and can’t accept messages now. Please try resending this message later, or contact the recipient directly.
هل بامكاني ان اقوم بتسليم الResume باليد وجها لوجه ام الدخول ممنوع بدون موعد او تصريح الى هذه الشركه ؟
ايضا وش هو تخصصك ؟