السلام عليكم ورحمه الله وبركاته
طبعا من كلام الناس اللطيف عن الجامعه وسهولتها 
…
فكرت أعدي سنه الاوريا ولا ادرسها <<<داري قويه لكن قدها ان شاء الله 
من عنده خبر أو مصدر عن هذا الموضوع يسدحه … يسويلي خير 
وانا فاضي بهذي الاجازه وأدور شيء اسويه
اخوي متخرج من الجامعه وقالي أن الماث صعب تعديه …
لكن الانقلش سهل …
مشكورين مقدما 
بسم الله
شوف ياطويل العمر ترى والله السنة التحضيرية سهلة اذا ذاكرت يوميا
مشكلتها مع البعض وليس الكل الدوام خصوصا الانجلش 4 ساعات يوميا
فاذا انت تشوف لغتك كويسة وتشوف الانجلش سهل
فحاول تشد بالتوفل وتجيب فوق 500 عشان ماتدرس الانجلش
يصير عندك ماث ومواد ثانية تعتبر تكملة للجدول اشوفها
الماث اشوفه اسهل من الانجلش لان طريقة المذاكرة واضحة ومجرد اشياء تسويها زي :
حل الاعداد الفردية والريستيشن والاولد اكزام تخليك مو بس تعدي الا تاخذ A+
بما انك بتدوفر من الان ما شاء الله عليك فشوف هذي الروابط من اخوي (( ابن الاصل )) تفيدك من ناحية دراسة الماث
كتاب السنة التحضيرية للماث
هنا
الحل لجميع أسئلة الكتاب
هنا
لكن ضروري تحل الاسئلة بنفسك الا الواجبات
اما بالنسبة للانجلش فعندك النت مايحتاج مواقع او برامج وتدرب عالتوفل اذا ودك تعديه …
إذا إنجليزيتك قوية ، ممكن تعدي بروموشن الانجلش بالراحة.
بروموشن الماث يحتاج تحضير.
وفي الآخر ما فيه شيء مستحيل، أعرف أشخاص كثير ما درسوا كلاس واحد بالأوريا …
شوف ياعزيزي إذا انجليزيتك متوسطة انصحك وبقوة انك تاخذ الانجليش انا لسه مخلص الاوريا
واستفدت كثير من الانجليش واتمنى لك الشي نفسه …
طيب الي ياخذن برموشن في الانجليزي مايختبر آبداً . ولا بس حصص !!
^^^^^^^^
اذا اخذت promotion للانقلش خلاص ما فيه لا حصص ولا اختبارات
يالبى قلبك يا المحنك
كفيت ووفيت…
ارفع الطاقيه لك 
2: 
بس والله حرام عليك انجلش اصعب من ماث 
ان شاء الله انك تصير بلبل بالأنقلش زيي << اطلع برى
الحين فيه بروموشن لكل المواد يعني …؟ مش الانجلش بس …؟
يختبرونا اول السنه على ماث وفيزيكس وانجلش ويشوفون قدراتي ولا بس انجلش ؟
حلوه حركه سنبعحة
انا اللحين بعد ما شفت الكتاب اللطيف الزيز حق الرياضيات تحمست …اخيرا الواحد يدرس علم صدقي مب شغل ابغى اعيد الاختبار والحركات هذيك
تسلم ما قصرت
بس والله حرام عليك انجلش اصعب من ماث
مو أصعب ، لكن الإنجليزي بياخذ منك وقت ومجهود أكبر. نصيحتي لك تستغل الصيفية في تحسين لغتك الإنجليزية بالطريقة اللي تناسبك وإذا قدرت تطورها في الشهرين الجاية بمقدار كافي ممكن تعدّي اختبار التوفل ويصير عندك 4 مواد بس في كل ترم بدوام 10 ساعات وتكون فاضي بقية الأسبوع ، مافي أسهل من كذا. لكن حط ببالك شيء، أنا أعرف واحد عدّى التوفل وصار فاضي وما إنتبه لدراسته والنتيجة إنه رسب في الرياضيات وإنطرد من الجامعة. لا تخربها مرة وأعطي كل مادة حقها.
تكون جيد في الانجلش
وتذاكر ماث اول باول
وامورك طيبة
سبحان الله … 
نفس كلام أخوي بالضبط …
بنسبه للانجلش انا ماني بلبل فيها …لكني بلبل صغييير
صراحه ما أدري وش اسوي اللحين 
تسلم وما قصرت على النصيحه
بالعكس وانا اخوك …وقت دراسه الانقلش طويل نعم …لكن لا يوجد جهد…بالعكس انا اشوف انها متعه …
عكس الرياضيات اللي يبيلها جهد ومراجعه ووقت 
…
هذا اللي انا اشوفه طبعا
وجزاك الله خير على النصيحه ما قصرت .
انا أسأل عن تجاوز السنه التحضيريه بشكل عام يعني ما أدرسها واطب على طووول ميجر
تسلم على النصيحه
انا ولله الحمد انجليزيتي كانت جيدة قبل الجامعة ومع ذلك دخلت التوفل اول السنة ولا فكرت حتى بسؤال واحد
ونزل لي ليفل 001 a( ادنى ليفل) وعديت 001 بقريد عالي و002 بقريد اعلى الحمدلله وجبت بالتوفل درجة فوق المتوقع وفي اخر السنة الجاية ان شاء الله بتذكر كلامي وتشوف كيف انجليزيتك تطورت وبتحمد ربك انك ماعديت انجليش
لما تخلص السنة التحضيرية ما فيه شئ على طول ميجر
راح تدرس مواد اساسية في الفرشمن
اذا كنت مهندس ف بتاخذ :
ماث 101 ماث 102
فيزياء 101 فيزياء 102
انجلش 101 انجلش 102
حاسب 103 كيمياء 101 ويمكن كيمياء 102 اذا انت مهندس كيميائي
لما تدخل السمفمور بتبدا تدرس التخصص .
في امان الله .
على بالي الميجر هو اللي تدرسه في الفريشمان … 
يمدحون من درس اوريا واكل تبن وخلى حركات العرابجه هذي …
وش رايكم يا جماعه ؟
طيب في حال اني عديت الانجلش لكن ما ابي اشيله ابي ادرسه
هل هذا ممكن ؟
شبآب … رآعوا إننآ رآح ندرس كتآبين بالترم الوآحد =]
طيب في حال اني عديت الانجلش لكن ما ابي اشيله ابي ادرسه
هل هذا ممكن ؟
يمديك ، كلّم رئيس قسم الإنجليزي للسنة التحضيرية لكنه بيحاول يقنعك إنك تعدّي الإنجليزي وأنا أتفق معاه.