فيه موضوع شاغلني من زمان … وودي أشوف آراءكم فيه …
إذا توافقني ولا لا … عن الــ listening
اختبارات الــ listening في الانجلش ما أحس أنها تقيس قدرة الطالب على فهم الكلام اللي ينقال في المحادثة …
بقدر ما يقيس مدى حفظ الطالب وتركيزه على " معلومات محددة " حتى لو مو فاهم ولا كلمة من المحادثة …
وأيضاً يقيس مهارتك في سرعة قراءة السؤال وفهمه ومعرفة المطلوب في نفس الوقت اللي تسمع فيه المحادثة !!
وهذا الشي يحتاج له common sense …
في أشخاص أعرفهم متميزين في اللغة الانجليزية … بس ما عندهم سرعة البديهة في القراءة والاستماع والتحليل والاختيار في نفس الوقت …
وعلشان كذا يضيعوا في اختبار الــ listening
عن نفسي … أنا أفهم أي فلم أتابعه بالانجلش بدون ترجمة أو أي محادثة أو مقابلة أسمعها ما أحس عندي أي صعوبة في الموضوع …
بس لما أختبر هالنوع من الاختبارات في الـ listening … غالباً ما أجيب درجات قوية لأني ما أكون متهيأ لتركيز عالي وتحمل لمدة طويلة …
علشان كذا يقل نشاطي غالباً بعد نص الوقت … وبكذا يكون آخر محادثة أغلبها أخطاء !!
لأني ما تعودت أركز في المذاكرة في فترات طويلة … " ناخذها على راحة الراحة "
وهذي أشوفها أهم مهارة تركز عليها الجامعة بشكل كبير … مع أنها ما تقيس مستوى الطالب في اللغة … وبكذا يكون ظلم نوعاً ما للطالب نفسه !!
أنا أتفق معكـ وبكل صراحة … خصوصاً لو تلاحظ الطلاب في فترة الاختبار وخصوصاً
الجزء السماعي تلقاه ينتظر الكلمة بدووون فهم للمعنى كامل وذلك نظراً لضيق الوقت
وعموماً مهارة الاستماع تقدر تطورها مع الوقت بالاستماع للراديو أو أشرطة أو أفلام
بالتوفيق
انا اوافق معاك … بس الغلط الاكبر " الوقت " هو المشكله … هم يبون يخلونا نسمع ونقرا بنفس الوقت وهذا شي صعب جدا ولا تكون معود نفسك بالاضافه … هم ما يعلمونا عن الليسننق بسسسرعه يعني لو تشوفون الكتاب … واللسينق حقه تشوفوه عادي وينفهم بس بالاختبار سريع جدا …
أتفق وأختلف معك
أتفق معك لو أن كل الأسئلة تحتاج ذكاء لأن اللغة من القدرات الفردية اللي تلازم الشخص تقريبا
وأختلف معك لأن الطالب غير مجبر إنه يجاوب على كل الأسئلة مو لازم يجيب أي بلس !
الأي بلس و أشباهها تدخل في القدرات الفردية
يعني لو تجاوب على الأشياء المطلوبة اللي ما تحتاج تركيز قوي تنجح بسهولة وهذا المطلوب
ولازم تعرف إنو شي طبيعي يكون هناك gaps
بعضهم عنده مشكلة في الرايتينغ و غيره في الليسينينغ و الباقي ضعيف في الريدينغ
من ناحية ظلم قياس مستوى الطالب فاكبر ظلم كان موجود في السمستر الاول من العام الماضي يوم كنا نختبر سبيكنق بطريقة غبية ( يحطونك مع طالب ماتدري عن مستواه اي شيء فممكن يطلع دافور وتاكلها وممكن يطلع مهوب جيد وبرضو تاكلها. وحتى المدرسين تحس انك في استجواب…) الله لا يعيد ذيك الايام.!
بالنسبة لنظام اختبارات الليسيننق فهو مشابه لكثير من الاختبارات العالمية زي التوفل وهو يقيس مهارات عديدة.
صدقت والله في حديثك عن اختبار الــ speaking فعلاً كان ظلم * ظلم لأن المستويات غير متقاربة كان لازم واحد منهم دافور والثاني من جنبها أو العكس صحيح
زيادة على ذلك طريقة الاختبار الغبية تقوووول تحقيق ناقصهم لمبة فوق الطاولة
من ناحية ظلم قياس مستوى الطالب فاكبر ظلم كان موجود في السمستر الاول من العام الماضي يوم كنا نختبر سبيكنق بطريقة غبية ( يحطونك مع طالب ماتدري عن مستواه اي شيء فممكن يطلع دافور وتاكلها وممكن يطلع مهوب جيد وبرضو تاكلها. وحتى المدرسين تحس انك في استجواب…) الله لا يعيد ذيك الايام.!
معاكم انه طريقة الإختبار غبية كأنه تحقيق
بس والله انا اشوف فكرة الاختبار مرة كويسة
كإختبار يعني
وشفت انه يقيس قدرتك عالكلام
والقدرة عالكلام مهمة جداً طبعاً :\
ذحين اشوف في ١٠١ مثلاً ناس ممتازين جدا في الرايتنق لكن في الكلام
انا ما اوافق ومو معنى ان اذا كان الواحد قدرته في الوقت الحاله ضعيفه في اللسيننق ضعيفه او متوسطه يقووول اللسيننق ما يعتبر مقياس للطالب انت ناسي انك تتلقى من استاذك عن طريق الاستماع ؟؟
يعني لازم يعرفون انك ممتاز في الاستماع عشان لما تكوون في الجبل تكون في التمام
أصلا الليسننق هي المفروض أول مهارة تتعلمها بالإنقليزي ، والدليل إنك تتعلم إنقليزي بدون كتب أو حفظ للكلمات عن طريق الإستماع والمشاهدة !!
الليسننق من وجهة نظري مهمة مرة في الإختبارات !
لكن أعتقد من وجهة نظري إن اللي يخلي الطلاب تنزل درجاتهم في الليسننق هيه الإرتباك و إعطائها أكبر من طاقتها والسبب واضح ، تقرأ السؤال ولا أجوبتها ولا تسمع زين ولا ( تدور على رقم السؤال بورقة الإجابة وتظلل ؟؟؟ )
عندي إقتراحين ومدري هم صح أو غلط !
1- لو كان الليسننق أول الإختبار لا تظلل ، بس حط علامة على الإجابة وظللها بعدين ! ( هذا لو كان مسموح)
2- لو كان الليسننق أخر الإختبار ،، خلص بدري وأقرأ الأسئلة حقت الليسننق بعناية عشان تكون جاهز تعرف وين مكان السؤال بسرعة ،
غالباً ما أجيب درجات قوية لأني ما أكون متهيأ لتركيز عالي وتحمل لمدة طويلة … علشان كذا يقل نشاطي غالباً بعد نص الوقت … وبكذا يكون آخر محادثة أغلبها أخطاء !
بِ الضبط نفسّ الششيء … !
اللسننق حق التوفل أسهل من التكنلوجي بكثييير …
التوفل أكثرها يعطيك 4 أسئلة على كل محادثة …
اما التنكلوجي دبلها -___- وغير كذا … الأجوبة طويييلة !
اللسننق صح انه اهم شيّ بِ الانجلش …
وحاطين لها اكبر نسبه … لكن ما دربونا عليها كثير !
واللسننق اللي ناخذ قلييييل مرره ويكون مستواه عالي شوي او طويل ومتعب … !
من رآيي آللسينق آسهل آختبآر لـ انقلش الاوريآ
كنت آجيب فييه فل مااارك بس آجيب آووم آلعيد فالرآيتنق ولا الريدنق مآتضبط كلها لازم في عيد :d
آمآ بخصوص آلآختبآر آلسبيكنق آلي معاك واحد ماتعرفة ويطلع لك زي الطاولة سآكت !!
وش آسوي ؟
لازم نتنآقش ويكون رآيه ضد رآيي وبعدين نتفق على شئ !
واذا خويي سآكت ؟!!
جبت العيد فيه والسبة الي معي :d
+
)
