في قسم التيستنق، اللي حاب أسأله هو غالباً الشغل راح يكون بالظهران؟ على ما أعتقد.
الشيء الثاني عندي تسائل عن مستقبل هذه الوظيفة، بمعنى هل الخبرات اللي متوقع يكتسبها الشخص من هذه الوظيفة راح تمكنه إنه يعمل خارج شلمبرجير؟ أو بالأحرى خارج المنطقة الشرقية؟
لأني قاعد ألاحظ تريند بأي شخص يدخل للشركة إنهم يستمرون فيها لسنوات طويلة وخبراتهم خارج شركات oil & gas مالها مستقبل كبير وما نشوفهم يتحولون لقطاعات ولا لشركات أخرى.
فاللي حاب أسأل عنه كيف يتطور الواحد بهذا المنصب؟ ووش الأشياء الأساسية اللي يحتاجها ويتعلمها (مهارات/معارف/علوم)؟ وهل يعتبر هذا المنصب لشخص حديث التخرج وعنده وقت لسى شيء يستحق إنه يمشي فيه ولا هو خيار راح يدمر معرفته بالتخصص ومسار خاص جداً؟
أشكركم مسبقا على الردود وأتمنى ما أتعبتكم، بس ما وجدت إجابات عن هذه المواضيع.
بالنسبه للشغل بما انك maintenance engineer غالبا راح يكون بDhahran Oilfield Services Base ولا في البيس الجديده في صناعية الدمام الثانيه وهاذي اكبر من بيس الظهران ومابعد تفتتح بالكامل…واللي سمعت انه الصيانه راح ينقلونها بالكامل من بيس الظهران للدمام ف احتمال كبير تشتغل هناك
دوام البيس معروف من 8 الى 5 وفي بريك للغدا وبريكات نص ساعه من فتره لفتره…يختلفون البريكات ع حسب القسم…
وللأسف هذا بس اللي اعرفه عن الmaintenance engineer بحكم اني اشتغلت ك فيلد انجنيير
وع فكره اذا انت متعلق بتخصصك م انصحك بشلمبرجير ولا شركات السرفس بشكل عام…لانك تقريبا ماراح تستخدم منه شي الا ماندر وخاصه الIndustrial Engineering
بس اذا ماتفرق معاك…الشركه قويه جدا والكل يتمناها…
والmaintenance engineer شغلته اريح بكثير من الفيلد انجنير…وفي النهايه انت بتكون شغال بالمدينه وبتشوف الناس والعالم عكس الفيلد انجنير
بالنسبه للتطوير…عندهم برنامج للفيلد انجنير…والمفروض كل سنة بعد ماتخلص المتطلبات تترقى قريد لمن توصل 11 وبعدها اذا احتاجو ينقلون الفيلد انجنير للاوفس…طبعا تختلف من شخص لاخر انت وشطارتك… ما اعرف وش نظام المينتننس انجنير اسألهم عن ذا الموضوع
عندي لك سؤال اذا ماتمانع…انت كيف عطوك عرض ع ذا البزشن ؟؟ خيروك بينه وبين الفيلد انجنير ولا انت مقدم صيانه؟؟ كيف قدمت عليها… ع اي قريد؟؟
الله يجزاك خير ما قصرت، أبد والله قدمنا مع اللي قدموا بيوم المهنة 171 وكانت فيه فيه مقابلتين. العرض الأساسي كان لكل المتقدمين فيلد بس يبدو عشان سويت كوأب معهم الموضوع كان أسهل إني أحول ميننتس أو أطالب فيه.