Mr. MARTIN PACHOLEK
بنود التقييم :
التحضير :
طريقة الشرح :
الكويزات :
المياجر:
الفاينلات :
القريد النهائي:
الصوت:
إضافات :
اي معلومات ؟؟؟؟؟؟؟؟؟؟؟
161-PE001
التحضير : نوعا ما متشدد لكنه كان يسمح انك تحظر في أي وقت،
القريد النهائي:A
الصوت: لهجته ماشي حالها
إضافات : متعاون جدا بالقريد وكان يسأل أسئلة بالكلاس ويعطي عليها بونصات كثيرة واللي يدخل فريق الطائرة/القدم يعطيهم بونصات، عاد اخر السمستر تقييم الطائرة والقدم والفاينل للبي مو عاجبته درجته.
2 Likes
172
التحضير : مهتم بالتحضير واذا تاخرت 5 دقائق ماراح يحط لك غياب واذا تاخرت فوق ال 5 دقائق راح يحط لك غياب وتقدر تحضر مع سكشن ثاني ويشيل الغياب
القريد النهائي:A+++++
الصوت: سريع في الكلام بس الصوت واضح
إضافات : هالمدرس يبي كل طالب يأخذ الدرجى الي يريدها الطالب. تقدر تعيد الإختبارات وفي نهاية السمستر يعطي كل طالب بونص 10 درجات . تقدر تسوي ميك اب . متساعد لدرجة كبيرة
يحدد اوقات خارجة عن وقت الدراسة لتعليم الطلاب السباحة .
الزبدة : الي راح يدرسه هالمدرس فهو محظوظ.
172-PE-002
التحضير : حريص جدا على التحضير بس الميكب مثل الحلاوة ، يعطيعك ٥ دقايق بعدها يبدا اليت والابسنت وما يخليك تدخل . ويبدا الخصم من اول غياب .
محترم جدا ويرد على الايميلات بسرعه ومتعاون واختبارات ما تهمه بقدر التحسن الي تسويه . يسأل من الي علمك عليه قبل ويعطي عليه بونص .
الكويز عبارة عن ١٠ اسئلة اختيارات سهله بس كل سؤال له اكثر من اجابه لو ما حددت كل الاجابات الصحيحه بيعطيك صفر على السؤال
اذا ما عجبتك درجتك النهائية تقدر تعيد الاختبار فنهاية السمستر . لو ناقصتك نص درجه على القريد الي بعده مستحيل يزيدك اياها وبيقولك تعال عد الاختبار ، يعني الرجال حقاني وبزياده والقريد الي بتحصله مثل الي تستحقه بالضبط .
التقييم النهائي : B
دكتور ممتاز ومحترم جدا ويحب الضحك والوناسه بس من ناحية الدرجات وانت وفنك واجتهادك .
PE 001 +002
التحضير : عادة يحضر بعد بداية الكلاس ب ٣ دقايق
طريقة الشرح : يشرح الموجود في السلايدات ولكن بشكل مفصل ويحاول يعطي امثلة اضافية على السلايدات
الكويزات : ١٠ اسئلة اختيارات من الكتاب سهله بس يبيلك مراجعة ما تاخذ منك ربع ساعة، ركز على المعلومات الي بين السطور
المياجر: -
الفاينلات : -
القريد النهائي: A
الصوت: واضح وبقوة
إضافات : ١-الشي الي يميزه البونص ، حاول انك تركز على النقاط الي يذكرها بخصوص البونص ، عادة اما يكون مراجعة للدرس السابق او مسابقات (لو بدون البونص كنت باخذ b)
٢- يسمح بالميك اب حتى لو للترم كامل
٣-الي يعيبه انه غثيث احيانا لو ما طبقت النقاط الي يذكرها يفصل عليك
٤- يطرد الطلاب الي يقعدون عالجوال
Pe 101 basketball
التحضير : معاك لين 10 دقايق بعدها مايدخلك
طريقة الشرح : يشرح من السلايدات وشرح ممتاز
الكويزات : اختبار واحد يكون اللي هو الفاينل ويكون من ١٠ اسئله اختيارات بس تختار كل الاختيارات لو الاختيارات صحيحه
المياجر: -
الفاينلات : -
القريد النهائي: A
الصوت: ممتاز
إضافات : الدكتور اخلاق جداً وبونصه كثير بعد ، كيف تاخذ البونص ؟ يسوي تحديات باللعب واول تيم او اول شخص يسويه يعطيه البونص ، الدكتور كريييف اللي يبي الراحه يبعد عنه . صار لي مشكله معاه خسفني في تقييم الاسكلز ورحت وكلمته وقال بصورك فديو عشان تشوف اخطائك قلت تمام وصورني وانا اسوي الاختبار وبعدها جلس يطالع ويصرف ويقول هنا غلطت وانا ماغلطت بعدها قلت له خلاص سويي اللي تبيه اذا تشوف اني استحق ذي الدرجه ولحقني واعتذر وقال لي بعيد لك الاختبار وعدته والحمدلله انصفني
1 Like
PE 101 - Badminton
التحضير : بعد عشر دقايق يقولك تعال مع الكلاس الثاني .
طريقة الشرح : يشرح الكتاب من سلايدات عنده , شرحه ممتاز , يقول اللي يبي يشرح احد الدروس يسوي عرض هو ومجموعته ولهم بونص لكن مو اجباري , يعلق بعد كل عرض تعليقات ع الدرس , ويشرح الدروس اللل
الكويزات : على كلامه ان اختباره لطلاب الاوريا خيارات اوجد الاجابة الصحيحة , لكن للفرشمن اوجد ( جميع ) الاجوبة الصحيحة , وهذا اللي صعب اختبارنا وصار يحتاج مذاكرة .
المياجر: -
الفاينلات : -
القريد النهائي: A+
الصوت: واضح وممتاز , والاكسنت مفهوم .
إضافات : الدكتور متعاون ويحب يساعد الطالب , لكن يبي الطالب يتعاون معاه برضو , يمكن البعض يشوفه يكرف لكنه يعطي كل طالب اللي يستاهل وما يظلم , يعطي بونصات كثير في كل كلاس تقريبًا , ما يعطي ابقريد لكن لطبيعة لعبة كرة الريشة ف كان البونص عندنا أقل من طلابه في كرة السلة , ف قال سكاشن الريشة لهم ابقريد من درجة , اخر السمستر يسمح باعادة اختبار السكلز والاختبار التحريري , يسوي انشطة خارجية كل جمعة , مثلًا لعب كرة قدم وزي كذا .
PE 001 171 & PE 101 181
التحضير : يعطي 5 دقايق بعدين ابسنت، لكن تقدر تحضر بوقت ثاني ويشيل الغياب.
طريقة الشرح : شرح ممتاز ومن السلايدات ومتفاعل جدا، يزعل اذا شاف احد على الجوال.
الكويزات :
-النظري: في الاوريا كان اختيارات وسهل، الاغلب اخذو فيه 20، لكن بالجبل كان اصعب بسبب انه لازم تختار جميع الاجابات الصحيحة بدون زيادة او نقص والاغلب جايبين حوالي 14.
-العملي: تقييم جدا ممتاز وما ينقص كثير حتى لو ما تعرف تلعب، اقل واحد تقريبا ياخذ 60\70 والاغلبية ياخذو حوالي 65.
يعطي فرصة في نهاية السمستر تعيد اي اختبار تبيه، ممكن ما يعيد القيم اذا مافيه عدد.
القريد النهائي: A+++
الصوت: لهجة اوروبية، صوت عالي وواضح.
إضافات: يعطي بونص كثير اذا اشتغلت معه، كل درجة بونص “+” تحسب بنقطتين من 100.
في نهاية كل درس يسأل مجموعة اسألة واذا جاوبت عليها تاخذ بونص.
اذا سويت برزنتيشن تاخذ عليه بونص واذا كان مرة جيد تاخذ درجتين بونص أي 4 نقاط من 100. البرزنتيشن اجباري في الاوريا واختياري في الجبل.
أيضا يقسم الطلاب لعدة فرق ويخليهم يتنافسون في اللعب وأفضل فريق ياخذ بونص. ممكن يكون قيم او لعبة مهارات مثل التمرير والتسديد الخ. تقريبا كل اسبوع يسويها.
يعني بالامكان تطلع من عنده بأكثر من 10 درجات بونص اذا شديت معه وتضمن A+ حتى لو ما تعرف تلعب.
الدكتور ايضا يعطي فل مارك في اختبار اللياقة سواء تحسنت او لا.
الدكتور منظم جدا ويحط جميع الدرجات في الاكسل وتقدر تشوف درجاتك وغياباتك والبونص الخ.
بالنسبة لي اشوفه أفضل دكتور PE وانصح الكل ينزل عنده.
PE 002 - 182
التحضير : يعطيك 5 دقايق زيادة مثلا الكلاس يبدا 11 عندك الى 11:05 بعدين بيقولك احضر مع كلاس ثاني اشان مايعطيك Late
والدكتور يقبل ميك اب طول السمستر وهذا شي اسطوري منه , حتى لو تسوي ميك اب بيوم معين عادي وبالعكس متعاوووووون جدا والله
طريقة الشرح : يشرح عنده سلايدات عن الكتاب , شرحه ممتاز , يطلب من الطلاب يقدمون برزنتيشن (اختياري) عليه بونص حول 4 درجات تسويه مجموعة او لحالك
الكويزات : هذي المشكلة الوحيدة ممكن مع هذا الدكتور , اللي هو الاختبار النظري , شرحه روعة , اختباره النظري سهل لكن المشكلة يقولك اختر جميع الاجابات الصحيحة يعني ممكن في الخيارات تكون اكثر من اجابة صح ممكن 2 او 3 او كلهم ال 4 فلازم تظلل عليهم كلهم ولا بينقصك درجات هذي المشكلة الوحيدة فقط اللي واجهتني مع الدكتور , اله انت مذاكر صح لاتخاف بتجيهم صح لان اختباره سهل
المياجر: - مافي
الفاينلات : - مافي
القريد النهائي: A+
الصوت: واضح وممتاز , والاكسنت ممتاز ومفهوم .
إضافات : الدكتور جدا متعاون ويعطي بونص ممكن بكل كلاس , فريق فاز على فرق = بونص , لو سوى مسابقات خارجية او محاضرات وحضرت = بونص , لو صرت مهتم معه وكذا وعرفك = بونص , شرح درس = بونص … ونهاية السمستر رفع كل الطلاب قريد مثلا واحد جايب A صار A+ وكذا متعاون مره مع القريد , لكن هذا مو معناه انت تحضر الكلاس وتنام وعندك 7 غيابات وتقول ابي A+ !
1 Like
PE 101 - 191 كرة قدم
التحضير : اسطوري عندك 10 دقايق تتاخر فيها بعدين احضر مع كلاس ثاني ، يمديك تسوي ميك اب اي وقت تبغى مو لازم تكلمه قبل لا تسوي ، يحضر بداية الكلاس
طريقة الشرح : نبدأ بالتحمية بعدين حصة يشرح فيها المهارة ونطبقها والحصة اللي بعدها نلعب مباراة نطبق فيها المهارة والجزء النظري شرحه ممتاز ويمديك تشرح درس وتاخذ بونص
الكويزات : لا يوجد
المياجر: لا يوجد
الفاينلات : فاينل الجزء العملي ماحد نقص اكثر من 5 درجات ، اما الجزء النظري يحتاج مذاكرة الاختبار يكون خيارات اختار كل الاجابات الصحيحة للسؤال ممكن كلهم ممكن وحدة بس فلازم تذاكرله ويمديك تعيده نهاية الفصل اذا ما عجبتك الدرجة
القريد النهائي: A+
الصوت: واضح واحيانا يقط كلمات عربية بلهجته الركيكه تلطف الجو
إضافات : وقت تطبيق المهارة يسوي زي المسابقة واللي يفوز فيها ياخذ بونص
182- 191
التحضير :
بداية المحاضرة - خمس دقايق :::: يحضرك
خمس دقايق - عشر دقايق :::: تأخير
بعد عشر دقايق ::: غايب
الكويزات :
اختبار واحد للجزء النظري
مستواه فوق المتوسط
اختر الاجابات الصحيحة
تقدر تعيد الاختبار نهاية الترم لو تبغى
الفاينلات :
ما هو متساهل في درجات الاختبار العملي و لا هو شديد
القريد النهائي: A
الصوت: واضح
إضافات :
الدكتور حبيب
خليك مضبوط معاه و راح تنبسط
الميك اب مفتوح
ما يحب تلف و تدور معاه
اخذت معاه Pe ١٠١ و ٠٠٢
للاسف ما كان موجود ف ١٠٢
حتى لو وقته مو مناسب سجل عنده و احضر في الاوقات الي تبغاها
PE101 - T201 (عن بعد)
التحضير : كل واحد يقول رقمه اللي الدكتور أعطاه إياه في بداية الترم
طريقة الشرح : الجزئية اللي كان فيها شرح كان إما أن يشرحها هو مثل في قواعد رياضة كرة الريشة (هذي الرياضة اللي أنا منزلها عنده) أو إما أنه يقسم الدرس لأجزاء ويقسم الطلاب إلى مجموعات وكل مجموعة تشرح الجزئية المعطاة لها (هذا اللي كان يسويه في أول 5 أسابيع من الترم في جزئية التعليم الصحي اللي ندرس فيها السكر وضغط الدم إلخ…)
الكويزات : يوجد اختبار health test بعد أول 5 أسابيع وعليه 20 درجة (تقريبا هو أكبر اختبار) ثم يوجد اختبار ثاني على قواعد اللعبة اللي تدرسونها وعليه 10 درجات
المياجر: -
الفاينلات : -
القريد النهائي: أعطيه A
الصوت: ممتاز (عن بعد)
إضافات : الدكتور أعطانا 3 مهام في الترم، كلها مهام تصور فيها فيديو ولكن الأولى تصور فيديو وأنت تؤدي تمرين رياضي (أي شيء) ثم الثانية تصور فيديو وأنت تؤدي تمرين في الرياضة اللي أنت قاعد تدرسها والمهمة الثالثة تشبه الأولى ولكن لما تسوي تمرين لازم تشرح معلومات عنه وعن العضلات اللي داخلة في التمرين. الدكتور خلوق.
PE 002 / PE 101
ترم 192 (حضوري + عن بعد)
ترم 201 (عن بعد)
التحضير :
- حضوري: كان عنده كشف و ينادي عالأسماء بعد بداية الكلاس بخمس دقائق.
- عن بعد: أعطى كل واحد رقمه التسلسلي و وقت التحضير ( أيضا بعد بداية الكلاس بخمس دقائق) يبدأ كل واحد يقول رقمه بالرتيب.
كان متسامح جدا في الميك اب ، لكن عن بعد الديبارتمنت منع الميك اب
طريقة الشرح : رائع و يحاول يغير من روتين الحصة إما عن طريق تقسيم الشرح على الطلاب من خلال تقسيمهم لمجموعات مكونة من 4-5 طلاب. أو إنه يشرح سلايدات و يصور فيديوهات له و هو يعرض التمارين
الكويزات : كانت عن بعد، و يحتاج لها واحد فاهم لأانها اختيارات و أكثر من خيار صح + لازم تجيب كل الخيارات الصحيحة و إلا راحت عليك درجة السؤال.
القريد النهائي: A
الصوت: واضح جدا، لكن لهجته واضحة ( تشيكية) تحسها روسية
إضافات : الدكتور المهم عنده إنه يشوفك تبذل مجهود مو مهم عنده الاتقان. فإذا شافك تحاول و تتعب يعطيك درجتك + البونص عنده عبارة عن تمارين تسويها
PE101
الترم: 201 ( درسنا الترم كامل أون لاين )
التحضير: التحضير في بداية الحصة غالبا بس بعض الأحيان يحضر في الأخير وطريقته في التحضير ان كل واحد يقول رقمه الي عطاه اياه يعني رقم واحد يقول واحد تالي بعده رقم اثنين يقول اثنين بعده رقم ثلاثة يقول ثلاثة وهكذا والي ما رد من اول مرة يردد اسمائهم مرة ثانية عشان يتأكد. 
الشرح: في الجزء النظري, حق الأمراض السكري وانخفاض الضغط وغيره, قسمنا إلى مجموعات يعطي كل مجموعة موضوع وبعد خمس إلى عشر دقايق نقرا ونبحث عن هالموضوع في جوجل او في الكتاب و بعدها كل مجموعة تشرح موضوعها وافضل مجموعة تشرح بعض الأحيان يعطيها بونص ويعطي مجموعة فيهم تضع اسالة عن الدرس والي يجاوبها له بونص. اما في الجزء العلمي فخلانا نستعمل تطبيق اسمه Runkeeper.
الكوزات: كوزاته سهلة بس أقرأ الماتيريال الي يحدده وانشاء الله امورك طيبة.
المياجر:-
الفاينل:-
الصوت: لهجة أوروبية تشيكية. بعض الأحيان ما تفهم شيقول بس اغلب كلامه واضح.
فاينل قريد : A+
إضافات: الدكتور ذه يحب يكرف الطلاب بدنيا فأذا كنت من النوع الكسول الي ما يبي يتحرك يمكن ما يصلح لك. دائما يبي يوصل فكرة ان الرياضة اسلوب حياة وليست كورس تنزله تتمرن شويتين وخلاص فهو يحاول يغرس ثقافة ممارسة الرياضة في طلابه وانا الصراحة احترمه كثيرا بسبب هذا الشيء. يعطي فرص للبونص كثيرة يمكن تقريبا حصلت عنده اكثر من 4 بونصات. طيب جدا و خلوق ومعضل 