السلام عليكم ورحمة الله وبركاته …
يا اخوان عرض علي هذا البوزيشن Material Expeditor ك كونتراكت مع ارامكو في الرقوق مع العلم اني مهندس حديث تخرج
ابي استشيركم يا اخوان ماهي مهام هذا البوزيشن ؟ وهل هو مناسب للمهندس ؟ مع العلم ان العمل في الرقوق
up
ماسألتهم؟
1 Like
ما ابي احبطك. انا اتعامل معهم بعض الأوقات بس مافيه اي شي من الهندسة. هو قريب للتخطيط. وظيفتك هي الاوبريشن والمينتيننس يطلبون مواد معينة. وانت تسرعها. يعني يكلمك المنسق وانت تراسلهم انو يجيبوا الطلبات بسرعة. وتتأكد من أنواعها ومواصفاتها وكذا. يعني علاقتك فقط مع المواد.
شخصيا ما اشوف يحتاج لها مهندس. كما انو في شغلات كثيرة في ارامكو ما تحتاج تكون مهندس ع شان تسويها
5 Likes
تدريبي مع أرامكو كان فيه جزء كبير منه Expediting، مثل ما قال الأخ اللي فوقي هدفك تسرع عملية التوصيل، و تتابع مع الwarehouse و الdelivery vessels
الوظيفة مافيها هندسة، أهم شي تتعامل بهدوء و أدب بدون ما تسوي تصعيد للمشاكل
المشاكل اللي تواجه موظف الاكسبدايت:
التواصل أحيانًا ياخذ وقت طويل، ترسل ايميل و مايرد عليك لين بكرا مثلًا
الwarehouse مايسجلون استلام الماتيريال بسرعة فتجي فترة ماتدري وين الماتيريال موجودة، مما قد يؤدي إلى تأخير/تأجيل المشروع
أيضًا من المشاكل الSAP ممكن تكون فيه معلومة غلط فتضطر تتواصل مع الit مما أيضًا ياخذ وقت و ممكن يأخر تسليم الماتيريال
بس غريب موقع التوظيف في الرقوق، حاول تستفسر منهم ايش المهام اللي عليك بالضبط
إذا في شي مو واضح أو ما أجبت عليه لا تتردد تفضل
موفق
5 Likes
اول شي اشكرك جزيل الشكر عالإفادة
وغريبه مع انهم طالبين مهندسين كهرباء وميكانيكا للبوزيشن وراتبها طيب بس المشكلة شهر دوام وشهر اجازة (شهر الاجازة بدون راتب)
الله يجزاك خير عالمعلومات بصراحة افدتني
سألت بعض الاخوان يقولون لك مكتبين واحد في الهد اوفيس والثاني في الرق ويكون عملك بينهم على حسب الحاجة واعتقد اكثر العمل بيكون في الرق لأن مكتوب عند البوزيشن (Rig Clerk)
1 Like
هلا ومرحبا اخوي …
انا هذه وظيفتي في الشركة اللي اشتغل فيها وكثير من اللي ذكروه الاخوان فوق صحيح…بس حبيت أوضح ان القسم يندرج تحت المشتريات (Procurement Expeditor )
ال Buyers يصدرون اوامر الشراء وبعدها يجي دورك انت …كل شي مكتوب في PO من Required documents & inspection & payments terms
NMR 601 & NMR 602 & NMR 603 & SPDP
your internal clients are the project team and designers & your external clients are vendors either locally or internationally
you are the focal point of this chain
كل Buyers في القسم اللي انا فيه مهندسين الا انا …تخصصي Supply chain
وللي يقول الهندسة ما لها علاقة …مع احترامي كلامك مو صحيح
اللي يمسك هذا البوزشن وهو مهندس بيكون ماسك الشغل بسيطرة قويه لان ولا vendor يقدر يستهبل عليه في مرحلة التصنيع للمتيرايل
ممكن حاجة ما تاخذ لها يوم …يقولك الفندر تاخذ لها اسبوعين لاجل يكسب وقت ( هذا مثال بسيط )
الوثائق اللي توصل لك من الفندر وتحولها للبروجكت تيم او QC اذا كنت مهندس قبل ما تحولها بتفتحها وبتعرف اذا فيها خطا وبالتالي بترجعها للفندر بينما اذا انت مش مهندس راح ترسلها للبروجكت تيم وعلى ما يردوا عليك بعد يومين ثلاثة ويقول لك رجعها للفندر لان فيها خطأ هيك وهيك وهيك …وهذا كله تضيييع وقت. هذا مثال بسيط
ما أبي اطول عليك بس هذا باختصار …وانا شغلي كله شغل ارامكوا
الشركة اللي اشتتغل فيها ماسكة ميجا بروجكت مع ارامكوا ف عارف البروسس في هذا البوزشن ( ملاحظة انا مش SMP )
اذا عندك اي استفسار انا حاظر
سلام
5 Likes
الله يرفع مقدارك افدتني كثير جداَ بارك الله فيك
سؤال ياصديقي هل الوظيفة تتطلب تنقلات بالسيارة؟ وهل يعطونك سيارة من العمل؟
…إن شاء الله لي تواصل قريب معك
السلام عليكم
اتمنى امورك مشت معهم …
لأن جاني نفس العرض تبعك
هل قبلت العرض واذا قبلته ياليت تخبرني بالتفاصيل
واكون لك شاكر
الكلام اللي قلته جميل لكن بشكل عام وبحكم شغلي وتواصلي مع Buyers انت قاعد تعطي اكثر من شغلك بمعنى انو مهندس المشروع اللي انت تتواصل معه ك Buyer او Expediter هو اللي راح يقيم الماتريال وهو اللي راح يرفض او يقبل التاخير في التصنيع, وهو اللي راح يكون عنده تقييم المواد technically ورفض المصنع هذا وقبول المصنع هذاك لاسباب technical. فكلام الشباب صحيح الشغلة مش شغلة مهندس.حتى لما توصل ال NMR 601 & NMR 602 & NMR 603 الموافقة والمراجعة بالسستم تكون لمهندس المشروع. لأنو بالاخير الخيط والمخيط بيد مهندس المشروع.
1 Like
هلا وغلا أخ عبدالله.
وانا ما قلت عكس كلامك… كلامك صحيح.
الشغلة مش شغلة مهندس
لكن تخيل ان اللي ماسك الشغلة هذه مهندس … كم من الوقت راح يستغل وينحفظ في صالح المشروع؟ ( في هذه السلسلة المعقدة )
وأقرب اشارة لهذا… صاحب الموضوع نفسه مهندس وانعرض عليه هذا البوزشن.
انا عندي تواصل مباشر مع اثنين Buyers موظفين ارامكوا في قسم المشتريات رسميين وهم مهندسين كهرباء.
الشركة اللي اشتغل فيها كل Buyers مهندسين باستثنائي انا.
شاكر لك ردك في الموضوع بما يصب لصالح صاحب الموضوع واي شخص يمر في هذا المنتدى الجميل.
هلا اخوي المعذرة عالتأخير في الرد لأني من فترة طويلة ما دخلت المنتدى
للأسف انا ماقبلت العرض لأني وبعد محادثة طويله من الشخص الي عمل لي المقابله من ارامكو قال لي المسمى الوظيفي هو rig clark وانهم وضعوا المسمى material expidator ك نوع من تحفيز المتقدمين لأن المسمى الاول غير مرغوب به من المتقدمين وقال لي اني بكون مساعد حفار او سكرتير بمعنى اصح وانه يجب عليك تخلص الاعمال المكتبيه فقط وتطلب بعض قطع الغيار للمعدات من ارامكو وترسل ايميلات وتستقبل وعملك بيكون متنقل كل فتره في رق مختلف و ايام العمل بتكون 14 اون و 7 اوف من وجهت نظري انه الي عاطل يقبل بها موقتا افضل من جلست البيت واي سوال انا حاظر
1 Like
الشركة يعطونك سيارة مع الاوفر؟