حبيت استفسر عن ماستر MBA بارت تايم في جامعة الملك فهد
اخوكم خريج الجامعه العربيه المفتوحه بكالوريس تخصص (business studies system track ) المعدل 3,2 / 4
موظف شركة بتروكيماويات في الجبيل
وحاب اقدم على ماستر MBA بحول الله في فترة التقديم القادمه اتوقع في فبراير القادم 2015
ولدي بعض الاسئله المهمه جدا بالنسبه لي
ياليت احصل اجوبه منكم اخواني اي معلومه تفيدوني فيها :
1/ فترة دراسة ماستر MBA بارت تايم المقترحه بالجامعه هي بحدود ثلاث سنوات ونص
السؤال هل يمكن تعديل الخطة المقترحه لتقليص عدد السنوات ؟
هل فعلا طالب الماستر بارت تايم لا يمكن ان يزيد عن مادتين بالسمستر الواحد؟
2/ بحكم عملي ك ورديات و اوقات اكون 12 ساعه صباح او ليل، ودي اعرف كم عدد اللقاءات ( الكلاسات ) في الشهر للماده الواحده؟ هل فيه ايام محدده و اوقات محدده متعارف عليها ؟ اكرر لطالب بارت تيم
3/ هل الجامعه تقبل خريجي الجامعه العربيه بتصوركم؟ هل الاولوية فعلا لطلاب البترول ؟ هل تعرفون احد تم قبوله للماستر من خارج الجامعه ؟
السلام عليكم,
أخوي مايحتاج تسئل أحد و تحير نفسك, روح لقسم القبول في الجامعة. انا عملت نفس الشي وراح اجيبك بالي اعرفه:
١- اتوقع اذا بارت تايم اقل شي تحتاج سنتين و نص, و ذا اخدت ٩ ساعات في السميستر يعني انت فل تايم و احتمال جدولك ما يساعد.
٢- الي اعرفه ان البترول توفر كلاسات في الفترة المسائية او في ايام عطلة السبوع.
٣- اخوي جامعة البترول تقبل من خارج الجامعة و حتى غير السعوديين. و لما تقدم قبولك راح يعتمد على عدة عوامل منها المعدل, اجتياز الاختبارات التحضيرية حق الماستر GMAT و غيره من الشرط اللغة, و يكمن ياخذوا بعين الاعتبار الخبره العملية و الجامعة الا انت تخرجت منها. http://www.kfupm.edu.sa/deanships/DGS/Pages/requirements.aspx#science
لا اخفيك اني مريت الجامعه من فتره كنت ناوي اسجل اداره هندسيه لكن صدمت بعدم استحقاقي للتخصص بحكم اني خريج بزنس وليس هندسه
لكني بعد فتره فكرت ب mba كخيار اعتقد انه وحيد بالنسبه لي
فقط تسائل
انت ذكرت ياعزيزي امكانيه دراسة اون لاين
تقدر تفصل اكثر؟
هل تقصد ان الكلاس راح يكون بكام و اون لاين والحضور يكون غير اجباري؟
At least one course in college level calculus which covers both differentiation and integration subjects.
A working knowledge of computers as evidenced by at least one course in that area (e.g. data processing, programming, information systems, etc.)
هل هالشرطين ضروريين الزاميين؟ ام من الافضل الحصول عليهم وقت التقديم؟ كمفاضلة فقط
دعواتك ياغالي ربي يوفقني وانقبل بالجامعه بالتقديم القادم
جالس احضر للجمات و الايلتس وغيرها من الشروط
لكن هالشرطين ما ادري عنهم هل هم فقط مهمين للمفاضله او انها الزاميه ؟
At least one course in college level calculus which covers both differentiation and integration subjects.
A working knowledge of computers as evidenced by at least one course in that area (e.g. data processing, programming, information systems, etc.)
بالنسبة للماستر بارت تايم … بشكل عام متساهلين بشكل كبير للطلاب اللي يدرسون
ومن ناحية الكلاسات ومواعيدها … يوميا من الاحد الى الخميس عندك ٣ كلاسات باليوم
الكلاس الاول يبدا من ٥ الى ٥ وربع مساءا … بريك ربع ساعه … من ٦ ونص الى ٨ الاربع … بريك ربع ساعه … من ٨ ونص الى ٩ وربع … هذي الاوقات المتاحة لطلاب الماستر بارت تايم
طبعا تعتمد كم مادة تنزل … كل مواد الماستر mba تجي ٣ ساعات … الماده الوحده اللي تسجلها تصير عندك محاضرتين بالاسبوع ساعه ربع وساعه وربع … غالبا تصير يوم اثنين واربعاء … او احد وثلاثاء …
بمعنى اخر … لو تسجل بالسمستر كورسين ( ٦ ساعات المجموع) … راح يكون عندك ٤ محاضرات بالاسبوع خلال الاوقات اللي ذكرتها بالبداية …
اغلب الناس … تحاول تنزل ٣ كورسات وتضبط المحاضرات تكون بيومين فقط الاثنين والاربعاء او الاحد والثلاثاء … فيصير يداوم يومين بالاسبوع من ٥ الى ٩ وربع … اتمنى الفكرة وضحت …
ومن ناحية الشروط … يقبلونك عادي بدون جيمات ولا توفل او ايلس بشرط انك تجيب لهم انك سجلت للاختبار بموعد فلاني بعد شهر ولا شهرين … وعادي تكمل السمستر الاول كامل … بس بعدها يعطونك هولد ولا تقدر تكمل السمستر الثاني الا جايب الجيمات او التوفل … وليش شرط اساسي تجيب نفس الدرجة … عادي لو قريب منها يمشونك …
بالاضافة عندهم اختبار توفل خاص بالجامعة مجاني تقدر تسجل فيه وتختبر … واذا عديت الدرجة يطيح عنك شرط التوفل او الايلس …
بالاضافة اذا جبت معدل 3.5 الى 4 بالسمستر الاول يسقطون عنك شرط الجيمات والتوفل او الايلس …
وعلى فكرة التسجيل مفتوح حاليا بس اتوقع بيقفل قريب… قدم وخلص امورك وتوكل على الله وشروطهم الباقيه تقدر تجيبها بالسمستر الاولى …
السلام عليكم ياخوان
يعني معقول كل سمستر ننزل مادة 3 ساعات حتى ولو 6 ساعات بيكون التخرج بعد كم سنة
45 ساعة تقسيم 6 ساعات الناتج 7.5 هذا إذا ماكان الطالب أخذ مواد تكميلية المدة طويلة.
شف لك أي ثلاثة درسوك و كلمهم و اشرح لهم أن الجامعة راح ترسل لكم إيميلات و منها تعبون التوصية ثم ذكرهم بهذا بعد ما تقدم على الجامعة و أتوقع الجامعة لا بد تعطيك خبر أنهم أرسلوا للدكاترة
أيضا ، تأكد من الجامعة هل يقبلون توصيات مهنية Proffesional Reccommendation بحيث تروح لرئيسك في العمل أو زميل صاحب خبرة و يعطيك توصية
يحاول و لا يجعل المعدل معيق له
يدعم موقفه بخبرة ، بأعمال ذات علاقة بالتخصص ، بتوصية أكاديمية أو مهنية متعوب عليها ، بخطاب غرض من الدراسة متعوب عليه ، بطلب مقابلة و تكون واثق في رؤيتك للأمور و هدفك و ربطك ما بين “الماضي” و “المستقبل” و لماذا هذا الطريق في “الحاضر”
(كلامي ليس من باب التحفيز الفارغ)