السلام عليكم
ياشباب مكتوب البري ركوست حقت هذي المادة senior standing
انا باقيلي 6 ساعات مع هذا الترم واصير سينير ولازم اسجل الماده الترم الجاي او اني اتأخر ترم او اكثر
لان على خطتي ابدأ كوأب بالصيف وانتهي وآخذ الترم الثاني من السنه الجديدة واتخرج !
هل تتوقعون اقدر اخذ الماده لانه حرام اتاخر عليها بس ؟؟
أخوي أنت متأكد أنك منت سينير؟!
أنت بهالسمستر كم بتخلص من ساعة؟ اذا كانت 93 أو أكثر فأنت سينير (لأنك أبلايد) …
حسبت لك وقلت أنك بتنهي 87 ساعة بها السمستر ، يعني بقي لك 38 ساعة من دون الكوأب ، فما أظنك سويت خطة على أنك تنزل 19 ساعة لكل سمستر !
ولو فيه حالة أنك كنت 19 ساعة في السمستر الجاي والأخير ، فأظنك تقدر تأخذ بيتيشين …
^^
الترم الجاي 18 مع ال 414
وبعد الكوأب 20 مع بتشن عشان قهر اجلس على 3 ساعات ترم
ايه نعم مع ذا السمستر 87 ساعه
خلاص أجل ، توكل على الله ورح لهم بكرة الصباح وخلص أمور البيتيشين … سو لك خطة للسمستر الجاي والسمستر الأخير وخذها معك اذا جيت تأخذ البيتيشين …
بالمناسب ، لازم تراجع خطتك وتأخذ الصيف الأخير ، صعبة جداً جداً جداً أنك تأخذ 20 ساعة آخر سمستر ، هذا غير البرزنتيشن والريبورت حقات الكوأب اللي بتسويها بآخر سمستر …
موفق … 
دقايق أرفع لك الفورم ، عشان تعبيه على راحتك اليوم … حاول أنك تكتبه بلغة حلوه ومفهومة (بخط اليد طبعاً) ، لأنهم راح يقرونه بدون ما يشوفونك …
الله يعطيك العافيه
يعني لازم بتشن
بس مو لو اخذت بتشن ما اقدر اخذه ثاني مره عشان الترم الاخير يعني لازم اضيف صيف صح ؟
يعطيك العافيه
والبتشن من فين آخذه ؟ لاتقول السكرتير 
شف الفورم بالمرفقات …
بالنسبة للبيتيشين ، فهو ماله دخل بعدد المرات ، عدد المرات اللي أنت تقصده هو لعدد الساعات في السمستر …
يعني مثلاً لو أخذت بيتيشين هالسمستر ونزلت 10 ساعات … فما تقدر تنزل مرة ثانية أقل من 12 ساعة (غير السمستر الأخير لو كان عند أصلاً أقل من 12 ) …
عموماً أنت خلص أمور الـ 414 ونقاش الصيف لاحق عليه …
IMG.zip (341 KB)
جزاك الله خير
اسلمه عند السكرتير ؟
^^
أول شيء توديه للأدفايزر يوافق عليه … وبعدين توديه للتيشرمان يوقع عليه … وبعده لعميد كلية الهندسة في مبنى ثلاثة (حق السيفيل) وباقي واحد رابع ناسي والله من هو (أظنه وكيل الجامعة للشؤون الأكاديمية )… ثم بعدها توديه للمسجل … اسأل السكرتير عن البروسيجر بالضبط 
طبعاً حاول أنك من بكرة الصباح تكون مخلص من توقيع الأدفايزر والتشيرمان ، أتوقع يالله يمديك قبل التسجيل الأحد !
لأن هالعمداء ما يكونون موجودين بمكاتبهم ويتأخر الشغل عندهم …
اووووووووف
الله يعطيك العافيه والله ياهي هجوله ولا كان عندي 307 الاحد
انا اتوقع انه فيه خطأ انها سينير ستاندق لانهم حاطينها في الترم الثاني من الجونيور ولكن المشكله في الملف اللي فيه تفاصيل المواد حاطين انها سينير
الله يعطيك العافيه بس لازم اخلص كل ذا قبل التسجيل الأحد ولا عادي بعد ما يبدأ التسجيل ؟
الله يعطيك العافيه قرفتك معي 
ايه صح ، أنا راح بالي أنك تبي تلحق على السكاشن وأنها بتقفل 
لا خلاص ، خلها على راحتك مرة … موفق …
شكرا شكرا
ان شاء الله ننزل لاب سوا مره ثانيه
نتشرف بذلك
عذرا ع الشطحه , اسمع كثير من الشباب يقول 307 بري ريكوست لل 414
واحنا ضايعين , نبي العلم الاكيد