السلام عليكم ورحمة الله وبركاته
اخواني الكرام دعما مني لهذا القسم ومحاولة لتوضيح الصناعه بواسطة القوالب قمت بعمل هذا الدرس اسأل الله ان يكون مفيدا وواضحا للجميع .
ان هذا الدرس هو اول درس في مادة me 206 ويدرس في اسبوعين من اللابات . يعود اهمية هذا الدرس الى انه الخطوه الاولى لبدايه الصناعه وهو حجر الاساس للصناعات الحديثه .
ماهي فكرة الصناعه بالقوالب؟
الصناعه بالقوالب هذه فكره قديمه جدا وممكن ان ابسط لك الفكره .
هل رأيت قوالب الثلج؟ تقوم اولا بتعبئتها بالماء ثم وضعها في الفريزر حتى تتجمد ثم تحصل على عدة اشكال متشابهه من قطع الثلج.
هذه صناعه القوالب بالضبط ان تحصل على اشكال متشابهه من خلال قوالب جاهزه .
علما بأن القوالب تعد اغلى جزء في الصناعه حتى الان
ولقد قمت بزياره الى احد مصانع الالعاب في الرياض ورأيت القوالب وسألت عن سعرها وتبين ان سعرها في حدود الــ ( 300 الف ريال ) ومن ايطاليا يتم جلب القوالب .
القوالب الرمليه ( sand mold ) لماذا سمية بهذا الاسم؟
لأنها تعتمد على الرمل
ولمذا الرمل بالتحديد ؟
لأنه اقل تكلفه وشبه مجاني كونه متوفر حتى عند ( اللاينات ) 
وايضا نسبة الرطوبه فيه منخفضه جدا وهذا يساعد صناعه الجسم المراد صنعه وعدم تلفه عند التبريد.
ايضا تعود اهمية الرمل كونه يمكن اعادة استخدامه مره مرتين ثلاث حتى يصير لون الرمل اسود . واذا صار اسود تخلط معاه شوية رمل جديد واستخدمه مره ثانيه ( يعني مافي حاجه ترمي ).
ماهي عيوب القوالب الرمليه ؟
تاخذ وقت , برضه القوالب الرمليه تقوم بصناعه جسم واحد في كل مره .
برضه لا تستطيع صناعة الاجسام الصغيره .
طيب يا اخوان الان عرفنا ايش القالب وليش الرمل بالتحديد وابرز عيوبه .
باقي نتكلم عن عن اهم الاجسام اللي راح يتكون منها ( القالب )
شوف يا عزيزي في اي قالب رملي في العالم لازم يحتوي على …
1) cope و drag
وهذولي بارك الله فيك الجزء العلوي من القالب يسمى ( cope ) والسفلي ( drag )
للتوضيح اكثر خذ لك كوره وشقها بالنص حط داخلها رمل راح يكون نص الكوره العلوي cope والنص السفلي drag.
في حاجه صعبه الان؟ ما اضن.
2) mold cavity هذا المكان اللي راح نحط فيه الجسم المراد صنعه .
يعني انت بعد ما تحط الرمل لازم تحط فراغ عشان نصب داخله المادة المصهوره وبعد ما تبرد هذي الماده راح نحصل على الشكل اللي نريده .
هذا الفراغ يسمى mold cavity .
3) gate و runner و sprue و pouring cup
اشبههم بالجهاز الهضمي
pouring cup هو اللي راح تصب فيه المادة المصهوره ولازم يكون واسع شوي
عشان المادة تدخل بشكل انسيابي.
ثم تنتقل المادة المصهوره الى sprue وملاحظه هامه لابد ان يكون مائل عشان الاحتكاك واللزوجه واذا ما سويت كذا راح يخرب عليك الشكل لأن المادة المصهوره في المنتصف راح يكون فيه فجوه كبيره . ( سؤال اختبار خطير )
وبعد كذا تروح المادة المنصهره لـ الـ runner هذا هو المجرى وبعد كذا لل البوابه وهي gate
ولما تمر المادة من البوابه راح تعبى الفراغ وهو mold cavity وياخذ الشكل اللي نبيه .
4) سوي فوق كذا تنسيم للهوى عشان درجة حرارة المادة المنصهره عاليه ,
وانت راح تقفل القالب اذا راح يكون الضغط مرتفع فلازم تسوي لك في اعلى القالب شوية فتحات صغيره جدا وتكون عاموديه في الاطراف ومائله في المنتصف حتى يخرج الهوى ويقل الضغط .
( اذا ما سويت كذا راح الجسم يخرب ويكون فيه حفر في الجسم )
5) Riser ويكون في الجهه المقابله للـ pouring cup فائده انه يمنع انكماش الماده المنصهره وعشان الماده تمر لأنكم عارفين ان الفراغ الموجود فيه هوا واذا صبيت الماده المنصهره ماراح تملأ الفراغ بشكل جيد لأنه فيه هوا فكيف نطرد الهوا ؟ بواسطه الـ Riser .
( سؤال اختبار ) ههههه
وهذا الشكل العام للقالب .
http://www.lethbridgeironworks.com/lethiron/TipsPages/TipThree8.gif
( ملاحظه اللي باللون الرمادي هذا هو الرمل sand )
--------------------------------------------
طيب يا اخوان تكلمنا عن الاشياء اللي لازم تسويها في القالب
طيب ماهي الادوات اللازم توفرها ؟
1) راح نستخدم القوالب وهي غالبا مصنوعه من الخشب ويكون شكلها اما دائري او مربع وتتكون من جزئين هما drag و cup
2) رمل
3) rammar وهذي شبيهه بالمطرقه وتستخدم في توزيع الرمل وضغطه بشكل منتضم . صوره توضيحيه
http://www3.telus.net/public/aschoepp/_graphics/shop/projects/rammer.jpg
4) riddle وهذا عشان تحط شوية رمل وشوية بورده على الجسم المراد صنعه
عشان ما يلتصق الجسم في الرمل بعد ضغطه
هذا شكل الـ riddle
http://www.rhs.org.uk/chelsea/2003/exhibitors/market_place/images/riddle.jpg
5) شوف لك جسم صغير مثل المسمار عشان تسوي فتحات تهويه vents
6) قليلا من البودره
7) مسطره طويله لأزاله الرمل الزائد.
بكذا انتهيت من شرح الاجزاء والفوائد باقي فقط طريقه العمل في ردي القادم