السلام عليكم
احتاج يا مساعدتكم يا اخوان، جاني عرض منهم للInternship بدري ويبون ارد عليهم بسرعة رغم اني مقدم على شركات ثانية انتظر ردها
انا حاليا قطعت شوط باجرائات التقديم لMckinsey و PIF و Cisco بس بنفس الوقت ما ودي افرط بMicrosoft
وش الراي هل Microsoft تعتبر ممتازة ؟ ممكن احد يفيدنا بتجربته هناك
مع العلم اني خريج Computer Science
شكرا لكم
وعليكم السلام
شوف هالموضوع يمكن يفيدك
تجربتي في برنامج التدريب مع Microsoft
جزاك الله خير ايه شفت ذا الموضوع، بس حبيت اشوف اذا احد عنده معلومات اضافية
اولا مبروك عليك التخرج
ثانيا وقع مع مايكروسوفت واذا جاك PIF ولا ماكنزي اسحب عليهم
حاليا في طلب كبير على التكنولوجي في الاستشارات و صناديق الاستثمار
سيسكو خلها اخر خيار عندك
نصيحة اذا انقبلت PIF وكان قبول نهائي روحه لعدة اسباب منها الراحة النفسية و الجسدية مقارنة بالباقي محدثك يشتغل في استشارات و توي راجع من الدوام و ماكنزي معروف عنهم الين ٢ الفجر يجلسون
برضو انت حدد هل تبغى مجال اداري اكثر ولا تقني
الله يبارك في عمرك اخوي
المشكلة في PIF انه تدريب مب بالضرورة منتهي بالتوظيف اما مايكروسوفت قالولي انت بالذات احتمال كبير بنوظفك بعد التدريب.
مدري انت اخبر مني بس اشوف ان الخريج ينكرف بالاستشارات كم سنة بعدين يطلع اي جهة تلاحق وراه ان كان من McKinsey ولا BCG ويستفيد كثير خاصة انه يشتغل مع اكثر من كلاينت بمشاريع بقطاعات مختلفة.
انا والله ما ادري بالضبط وش ابي اسوي بس افضل اني اكون بمجال بين الإداري والتقني يعني زي IT Project Management ولا Digital Transformation.
ليش تقول سيسكو اخر خيار ؟ ووش رايك بالشركات المحلية مثل STC و علم لاني برضه مقدم عليهم
شاكر لك افتدني كثير والله
اول شي PIF اذا برنامج حديثي التخرج فهو منتهي بالتوظيف
ماكنزي و BCG عندهم برامج تحول وطني قوية جدا مع الحكومة و الحكومة نفسها راح تركض وراك عشان تجي و الاستشارات تلقى الناس في كل التخصصات بس حقين التكنولوجي غالبا كهرب وكمبيوتر ما احد من باقي التخصصات وده يدخل بذا المجال لان صعب و على فكرة اكثر بارتنر يجيبون التارقت حقهم التكنولوجي وادارة المشاريع
الشركات الحكومية كافة اتركها على جنب ولا تفكر فيها اذا عندك الخيارات اللي في الموضوع خلني بشرح لك وجهة نظري
افرض دخلت مايكروسوفت وابدعت في تقنية المعلومات راح تطلع فووق وممكن يجيك عرض من اي مكان على وظيفة مدير تقنية معلومات حلو ؟ افرض رحت استشارات بجيك عرض من هيئة حكومية وغيره خلاصة الموضوع انت ايش تبغى تسوي هل ودك تشتغل تكنكال بحت ولاعادي
السبب اللي قلت لك اترك سيسكو عنك عشان ان ال criteria حق القبول عندهم لك عليها شويتين يعني الموظفين حقهم اقل بروفيشنال من الباقي و فوقها الجهات اللي ذكرتها كلها تعتبر برستيج يعني تخيل تقولي مايكروسوفت قوقل و غيرره هذي ما يختلف عليها اثنين
واذا اشتغلت تكنكال بحت في الجهات الاولى صدقني الاتصالات وغيره بجيك طبعا انا اعرف ناس في البق فور قسم المخاطر رواتبهم حول ٩ او ١٠ ما يكملون سنة الا وتجيهم الاتصالات ب ١٨ الف فل بكج و يرفضون يقولون نكمل سنتين و نلقى العروض الطيبة
BCG اول راتب ١٨ الف
ماكنزي اظن اكثر من ١٨ الف
PIF ما عندي خلفية كم راتبه في البداية بس اذا انك راعي كرف لا تدخله من البداية نهائيا
سيسكو لا تفكر فيها اذا عندك ال ٣ فوق
الاتصالات والتحلية روحهم بعد ما تحصل الخبرة عشان منصب فوق وراتب عالي وشغل خفيف على راسك فتستعد للتقاعد
الي أشوفه أغلب الشركات التقنية العالمية المتواجدة في السعودية نشاطها مبيعات
بوستون وماكنزي كرف مو طبيعي، معنا في الشركة واحد كان شغال ف بوستون أتوقع كمل سنة وطلع، أحيانا كثيرة كان يدوام 20 ساعة ودوام ويكند
بالنسبة لي أشوفها does not pay off at all
اذا جاتك stc أو علم لا تفرط فيها، دوام مريح ومزايا جدًا ممتازة وأيضًا اسم في السوق
كلامك صحيح اخوي بوريان بس القفز في الراتب ممتاز يعني خلال كم سنة بصير البكج حقه ٣٠ الف بالراحة بعدها يقدر ينقل على اي مكان براتب اعلى يصير استفاد حاجتين ان جاي على راتب اعلى وان يرتاح في دوامه
أعرف كذا واحد كان في علم وجلس سنتين وراح stc بعرض محترم جدًا
قناعتي الشخصية،
الشركات الوطنية الكبيرة أفضل بكثير من الشركات العالمية
رأي شخصي حسب الي شفته طبعا، ممكن أكون غلطان
اتفق معك
صحيح حتى مايكروسوفت اغلب شغلهم مبيعات، بس هل فيه مشكلة بنشاط المبيعات ؟ خصوصا اذا اشترطوا التخصص يكون حاسب لأنه دليل على ان الشغلة ميب بس تسويق.
بالنسبة لبوستون وماكنزي سمعت انها كرف كم سنة بعدين تطلع الشركات تتنافس عشانك، اسمها بالسي في قوي، ياخي ما ادري احساسي عن الشركات المحلية انها اقل من الشركات العالمية من نواحي كثيرة منها الاحترافية بالعمل،
يعني مثلا سيسكو ما عندهم تحضير يقولك انا اتوقع منك انك تشتغل ٤٠ ساعة بالاسبوع عكس stc مثلا لازم تحضر عندهم ٨، هذي ثقة واحترام للموظف مب لازم اجره مع اذنه.
شوف بخصوص مايكروسوفت شغلهم تكنكال سيلز يعني يجي الكلاينت يشرح لك ايش يبغى وبناء على دراستك في الكمبيوتر تحدد له
بوسطن وماكنزي بتشوف كرف الويل يا رجل بس خبرتها بتخليك مجال اداري مو شرط بتحديد فني يعني ما راح يكون pure كمبيوتر شوف انا ما انصحك تدخل STC من البداية
شوف علم في البداية مثلا عشان تقوي ال technical background ومنها تروح مكان ثاني
ما فيه مشكلة، هي ترجعلك وش تبغى تشتغل فيه
المبيعات في هالشركات بتعطيك فرصة تبني علاقات على مستوى راقي جدًا مع العملاء، ناس زي ال CFO مثلا
لا شك ال big 3 اسمه قوي جدًا في السوق، لكن وجهة نظري does not pay off. علم مثلا اسمها قوي وتعطيك خبرة ممتازة ودائما نسمع عن بيئة العمل الممتازة هناك
الشركات العالمية ما قد اشتغلت فيها لكن أكيد شغالة بستاندرد علمي في الاحترافية، بس سالفة ان التحضير بالبصمة ولا مفتوح هذا معيار غير موفق لقياس الاحترافية
كلها في النهاية فرص ممتازة استخير والله بيكتب لك الخير
Good luck