والله أن هالدكتور نفسية ومزاجي
صار لي موقف معه ، خلاني أكرهه كره اليهود
ما يعطي الطالب فرصة أنه يقول وجهة نظره في حالة الإتهام ، بل يسترسل في الكلام ضدك وفي الأخير يطردك
الله لا يسامحه
أ نا معك يا خوي ،،،،،
هذا الدكتور من وجهة نظري ما يحترم الطالب او بالاصح يقل ادبه على الطالب على باله من باب الميانه!!!!!!!!!!!!!!!!!! 
يفكر انه افضل واحد ولا حد يقدر يكلمه لو ما لي حاجه عنده كان اقدر اتفاهم معه تفاهم ثاني 
الحمدلله اني ما درست معه كان تمشكلت معه > من وجهة نظري دكتور يقل حياه ما اخذ معه حتى لو كان مين
ما اقول الا الشرهه مب عليه على الي حطه وكيل عمادة شؤون الطلاب اذا تتكلم عن شؤون الطلاب 
المفروض من مميزات الشخص معاملته المميزه مع الطلاب مو قلة حياء
شباب انا منزل عنده ماث 101 كيف وضعه في التصحيح شديد ولا يمشي ؟؟
الله يعينك عليه ^
ليه ؟؟
اشوف اغلب الشباب يمدحوه في الصفحات اللي في البداية 
يا مشاغبين اعترفو وش سويتو
الدكتور والله طيب ومستعد يعطيك كل وقته عشان تفهم واصلا يوصل لك الفكرة على طول و يستخدم امثلة كثيرة
انا الحين منزل عنده 101 واذا نزل 102 معاه انشاء الله
والله ان هذا الدكتور الافضل 
واذا تقولون شديد او غياب فا ماحد قالك تاخر انت وياه
والدكتور والله يخاف على مصلحة طلابه ويهمه ان الكل فاهم معاه
تقييمي للدكتو a++++++++واذا في اكثر عطيته والله يستاهل 
على فكرة ترى هو خليفة الدفاع يعني هو خليفة ملك التكامل 
1 Like
أي معلومات حديثة عنه؟ خصوصا في مادة 305
Up 305?
كيفه في Math 425 ؟
ارفع
1 Like
ترم 132
ماث 102
منيب مقيمه على حسب البنود بأقيمه من قلبي , لان حتى انا أعتمد بنسبة لا بأس بها على تقيم الطلاب كذلك .
الدكتور منذر والله (وما حلفتوني) انه أفضل مدرس مر علي حتى الان
ما يحب أحد يغيب , ما يحب أحد يتأخر , يحفظ اسماء الطلاب من اول يوم ويحضر بالذاكرة
مدرس يحرص عليك أكثر من نفسك عشان كذا ما يحب احد يسولف\ينام\يلعب بجواله وهو يشرح
يدف بكريك في التصحيح , ما يعطي كويزات بس 3 كلاس تيست تقريبا
الدكتور منذر اللي على قلبه على لسانه فأغلب الاحيان يداعب هذا ويذب على ذاك فلازم يكون عندك “لزوجه” من هالناحيه (لا تكون حساس مره)
في النهاية … مهما كانت مادتك نصيحة أخ يبي لك الخير سجل عنده وراح تشكرني.
ملاحظه: الدكتور منذر ما ينفع للنالس الحساسين بزياده , لان مصيرك في الترم بتجيك ذبة وحده على الاقل
math305?
سألت واحد اخذ معاه ماث 305 ترم 131 وقال لي انهم كانوا خمس طلاب وقريداتهم كالآتي:
واحد B, وواحد +c او c نسيت, وواحد +D
وهذا الطالب اللي قال لي هالكلام يقول انه احسن واحد في الكلاس مع ذلك اخذ B
^
الله يستر
بنزل عنده هالترم !
معلومات اكثر عنه شباب math305
1 Like
ماث 305- 141
التحضير : كنا كلنا سكشن واحد، أقل من 15 طالب وحفظنا من أول أسبوع وصار يحضر بالنظر، اذا تأخرت ثانيتين يفضل أنك ما تدخل عشان ما تسمع كلام ما يعجبك خصوصا في بداية السمستر
طريقة الشرح : الدكتور هو مألف الكتاب والكتاب بالعربي والمادة بالعربي ، يفتح الكتاب على البروجكتر ويبدأ يقرأ ويعلق عليه
الكويزات : لا يوجد كويزات في ماث 305
المياجر: ميدتيرم صلخ ، كان فيه سؤالين أب قريد يعني تحل واحد فيهم تاخذ أب قريد في الكورس كامل مباشرة من صعوبة هالسؤالين محد حاول يحلهم الا 4 من 15 (أغلبهم طلاب تخصصهم ماث)
الفاينلات : سهل جدا، قالنا ايش الأشياء المهمة وجابه زي ماقال
القريد النهائي: اعطيه b
الصوت: واضح جدا
إضافات : الدكتور شديد جدا جدا جدا، ما يقبل التأخير أو انك تمسك جوالك أو تقرا شي غير المادة أو تنشغل بأي شكل ، أسهل شي في حياته يقولك اطلع برا، ويطردك برا بالذات لو كان قايل الشغلة الفلانية لا تسويها وانت تسويها، وحصلت في الفاينل طرد طالب من الفاينل بدون ما يتردد لحظة. الدكتور يعشق (التريقة والطقطقة) يعني توقع بتجيك كلمة كلمتين أكيد طول السمستر حتى لو كنت ما تتكلم أبدا ، مثلا واحد كان داخل ببدلة قاله كأنك طالب ثانوية لابس يونيفورم، الثاني من منطقة معينة فدايما يطقطق على منطقته وهكذا أيضا كان يشطح ويدخل بسوالف نهائيا ما تنفع تنقال في كلاس في رأيي، للأمانة تقريبا محد كان يزعل من الطقطقة وهو كان يقول اللي يزعل يقولي وانا ما اقصد شي الخ، المادة مقسمة كانت بروجيكت وفاينل وميدتيرم، البروجيكت تعاون معنا فيه واللي بدع فيه عطاه أب قريد، في القريد النهائي نهائيا ما قصر
1 Like
دكتور منذر صار لي معاه موقف يُحاكم عليه المفروض :d… لكن برا الكلاس و لا هو يدرسني أصلاً و الموضوع مش أكاديمي اطلاقاً.
لكن مب قايل عشان لا أخرب عليه شكله كويس
1 Like
Math 101-161
التحضير : شديد في التحضير يوميا والكلاس يبدا على الوقت بالضبط ، غالبا تجي بعده بدقيقة يدخلك ، لكن تجي تصنيفات مايدخلك
طريقة الشرح : ممتازة ، عنده نوته خاصة فيه كلها مسائل ويحلها
الكويزات : صصصصصصصصلخخ
المياجر: كومن
الفاينلات : كومن
الصوت: الصوت واضح
إضافات : الدكتور شديد وفي مسألة التحضير مرات يمشي على التاخير بحدود دقيقة دقيتين لكن بعدها نادرا مايدخلك
ايضا الجوال ممنوع تستخدمه نهائيا وبكل بساطة يطردك اذا شافك تستخدمه ، تستخدمه في حالة انك بتصور السبورة فقط لا غير، و مايرضى انك تكتب وهو يشرح ابدا
الدكتور راعي طقطقة فاذا كنت تزعل لا تنزل عنده او بكل بساطة كلمه اول كلاس
1 Like
MATH102/172
التحضير : الدكتور ما يحضر ولكن إذا غبت ترا بيقلك وبيحفظ عدد غياباتك… ما عنده ليت، أول ما تبدأ المحاضرة يقفل الباب ومحد يخش، ولكن غالبا يمشي 
طريقة الشرح : عن طريق نوتته، ياخذ السؤال ويحله ع السبورة، الدكتور جدا متحمس في الشرح وأكثر من بطل، ويخلي الطلاب يتفاعلون معه ويتحمسون، ولا يخلو الجو من الطقطقة على البعض بس بروح أخوية… في أحيان كثير يعطينا سؤال بونص ويكون تحدي بين الطلاب مين يخلص أول ثم يسحب علينا بعدين 
الكويزات : أخذنا كلاستيستين (كلاس تست قبل الميجر الأول وواحد قبل الميجر الثاني)، الأول كان صلخ والثاني كان متوسط، طبعا الكلاسوورك الدكتور يدف فيه كثير، أهم شي مياجرك زينة
المياجر: كومن
الفاينلات : كومن
القريد النهائي: A++++++++ الله يسعده الدكتور شرح وأخلاق وتعامل وطقطقة
الصوت: ما شاء الله عليه مرتفع وواضح جدا، حتى أن الكلاسات اللي جنبنا ينزعجون منه 
إضافات : الدكتور يحاول يخلق جو ودي بينه وبين الطلاب بالطقطقة والمزح وهذا خلا الكلاس يكون ممتع جدا- ملاحظة ترا كلاسه MW ساعة وربع-
الله يوفقه ويسعده وين ما كان أبو راشد
شسالفه ناس تذمه وناس تمدحه