السلام عليكم،
وصلني عرض من شركة نابروس / سند كمهندس عمليات في الرقات. العرض حقهم مرة مجحف، دوام ٥٦ يوم وعطلة ٢١ يوم والراتب بس ١٣ الف. صدمة!
حبيت استفسر عن طبيعة العمل عندهم وهل اقدر احول على شركة ثانية بعدين علمن انها شركة حفر والخبرة عندها سمعت ماتفيد في المستقبل.
اذا انت غير موظف حاليا أنصحك بقبول العرض .
والعرض أشوفه ممتاز دام ان الراتب فوق ال 10 الاف .
وراح يزيد أكيد مع التقييم والبونص لأنك في البداية .
غالبا الشركات في البداية ماتعطي راتب عالي في البداية الا بعد ماتثبت نفسك .
وراح تفيدك الخبرة بشكل كبير في شركة الحفر العربية وشلمبرجير وكمان أرامكو لها مشاريع في ال Drilling
فالك التوفيق .
سؤال لاهنت, هل العرض بخصوص الوظيفة اللي عرضوها بتاريخ 26 يناير بموقعهم operations engineer؟
+ أتفق مع الرد اللي فوقي, اذا انت غير موظف حاليا اقبل العرض ولا تضيع الفرصة ولكن تفاوض معهم قبل تقبل العرض. لما توصل لاخر مرحلة وتضمن انهم يبون توظيفك وصعب يوظفون غيرك, اطلب منهم زيادة بالراتب… سمعت ان غالبا الشركات تقدر تزيد الراتب بنسبة معينة ولو بسيطة… وموفق ان شاء الله.
نعم نفس هاذي الوظيفة.
تعرف وش طبيعة عملهم و كيف العيشة في الرقات؟
لا والله للاسف ما عندي علم
اهلا وسهلا
اول شي عسى ربي يختار لك الي فيه الخير
ثاني شيء استخير قبل كل شيء
ثالث شي اي فرصه بالحياه استغلها ااذا كنت عاطل حتى لو الراتب قليل بنظرك …
انت عندك خيار فترة ثلاث شهور تقدر تشوف الوضع اذا جاز لك او لا بس حط في بالك وانا اخوك لازم تتعب شوي وتقدم تنازل مقابل مستقبل طيب …
ع فكره انا اشغلت بشركة مدة سنه باساسي ٤٠٠٠ ريال مدة سنه
وصبرت القرف الي بالشركه عشان بس ما اقعد عاطل
والحمدلله عوضني الله خير
ثق تماما ان كل يوم يمر عليك بالوظيفه تحتسب خبره
وبالعكس لما تشتغل تصير تعرف الشغل وتتعرف ع شركات ثانيه وتتاقلم مع بيئة العمل
استخير قبل كل شي ولا تضيع فرصه ممكن تكون لك باب لمستقبل افضل … واحسن شي تتواصل مع الشخص الي بيكون مديرك وتفهم منه كيف طبيعة عملك ،،
عسى ربي يختارك لك الي فيه الخير
السلام عليكم ،
الله يكتب لك اللي فيه الخير …
ودّي لو تتأكد هل بونص الفيلد محسوب من ضمن ال 13 الف أو لا .
الشركات اللي تعمل في oil&gas تحسب بونص الفيلد عادةً خارج الراتب على حسب الايام اللي تقضيها في الفيلد.
يعني مثلا : بونص اليوم في الفيلد =350 ريال ، واذا جلست 20 يوم خلال الشهر في الفيلد ، هذي 7000 ريال زيادة على الراتب .
نفس العرض جاني ومحتار
ممكت اتواصل معاك
الف مبروك اخوي وبالتوفيق ان شاء الله
بس ممكن تقولنا كيف كانت اجراءاتك قبل العرض هل هي مقابلة فقط او في خطوات ثانية وايش اسئلة المقابلة
لا مافي بونص فيلد. سألتهم. عشان كذا متردد.
الله يوفقك يارب ويسهل عليك بتاخذ القرار لانه فعلا يخلي الواحد يتردد.
عندي سؤال بسيط، انت قدمت عليهم عن طريق موقعهم؟
وكم خذوا وقت على ما ردوا عليك ؟
قدمت في نهاية شهر واحد عن طريق الموقع ورد علي في بداية شهر ثلاثة. بعد المقابلة باسبوع ارسلوا لي العرض.
ما شاء الله ، تستاهل الخير…
عموما انت استخير واستشير ناس خبراء ، حاول تدخل لليكندان حقهم وشف الموظفين اللي بنفس مسمى وظيفتك حاول تستفسر منهم اكثر!!
الراتب في الأصل عالي لكن يعتبر مجحف بحكم انه في الرقوق .
شركات الرقوق تعطي رواتب عالية جدا تصل الى 25 ألف ريال . مثل الحفر العربية وشلمبرجير
عموما اكسب خبرة وحول علي الشركات ذي
وفالك التوفيق
ممكن طريقه التقديم او الايميل
ادخل موقع Nabors Sanad وروح لقسم الوظائف وبتحصل البوست موجود. التقديم من هناك
سو لك حساب وارفق بياناتك وبالتوفيق