السلام عليكم ورحمة الله وبركاته
أخواني الأعزاء أريد رأيكم عن الشركة الوطنية للأنظمة الميكانيكية,
انا خريج بريطانيا ولدي خبرة سنة وحصلت على عرض وظيفي من الشركة راتب اساسي 12075 … بدل النقل 800 … بدل السكن 30 الف + تامين طبي
وأنا ليسئ لدي أي معلومة عن الشركة من ناحية الامان الوظيفي والتطوير و اللي متخوف منه انها تأسست في 2009 يعني مالها وقت طويل بالسوق.
حسب خبرتكم هل تنصحوني اقبل العرض؟
وين انت تشتغل الحيين هذا عامل اساسي علشان نحكم الشي الثاني اسئلهم عن مده العقد وكم ساعه الدوام في الاسبوع وهل فيه بونص ام لا والقريد اللي انت عليه كيف الستركشر حقهم يعني مثلا زي ارامكو قريد 11 ووفوق سينير مثلا… لاتقبل العرض وبس اذا انت مرتاح بعملك اضرب راتب ب 40% وشف كم يطلع واطلب مثله… نساعدك لما تكون عندك معلومات عن ساعات العمل والمميزات ومنها التامين الطبي وشو نوعه وكيف آليته؟؟
انتبه لاتروح الا انت متاكد لان المثل اللي يقول خلك على مجنونك لايجيك اللي اجن منه صحيح وماودنا ينطبق عليك
اخوي انا اشتغل في قطاع حكومي وماني مرتاح فيه وراتبي 12 الف . العقد مدته 3 سنوات … ساعات العمل 22 ساعة عمل . الدوام الرسمي من 8 -- 4 Pm … الزيادات السنوية 1 -- 10 بالمئة حسب التقييم
يوجد بونص ليسى لدي خلفية عن القريد … التامين الطبي Vip لا يشمل الوالدين .
هذا كل اللي عندي
حسب فهمي انو راتبك الفل باكج الجديد حوالي 14740 تقريبا مع خصم التامينات تاكد منها!!!!!… تاكد من دوامك فيه الشركه الجديده لانو القطاع خاص دائما يكون 48 ساعه بالاسبوع يعني من 7 الى 5 العصر بدون يوم سبت او 7 الى 3 ونص ست ايام مع دوام يوم السبت… اتمنى تشاور وتحسبها صح اهم شي انك تاخذ معلومات عنهم اسال الي ارسلك العرض لاتتردد وتقبل على طوول … واحد من الشباب انتقل من معادن الى القطاع الخاص بنفس الراتب واتضح انه يدوام اكثر ومافيه بونص ونظام التامين الطبي مايشمل الوالدين وماهو vip يدفع من جيبه نسبه معينه لما يروح اي دكتور وتغطيه الاسنان دمار… خسر كثيير لانه ماسال كان قرفان من موقع العمل ومن الاداره وتوهق الحين من شركه ماعندهم امان وظيفي ودوام طوييل ولما حسب راتبه على عدد ساعات دوام معادن طلع خسران ب2000 ريال تقريبا…اسالهم اذا عندهم شي اسمه تايم شيت يعني تعبي ساعات دوامك وتعبي وشو كنت تسوي فيها هذا نظام نشبه ويخيلك تعاني مع مديرك خصوصا اذا صار واحد منسم ويدقر على كل صغيره وكبيره… احسبها صح اكررها الف مره احسبها صح ولاتنسى المثل خلك على مجنونك لايجيك اللي اجن منه
موفق
حسب ماسمعت ان بيئة العمل عندهم حلوه والعرض جيد
لكن لا تخلي بنفسك شيء اسألهم عن كل صغيرة وكبيرة
ولو سمحت كيف قدمت عليهم انا قدمت ع الموقع ومافي اي رد حتى الملفات ماتتحمل ؟
السلام عليكم، اخوي ممكن تعلمني متى كلموك؟
لاني قدمت عليهم بيوم المهنة وقالوا انتظر اتصال والى الآن مافيه شي،
اللي اعرفة عنهم ان دوامهم في الخرج
بالتوفيق يارب
اخوي
انا جاني عرض منهم قبل سنه فريش بيسك 11500 وبدل سكن 34500 ثلاث رواتب ، المفروض يعطونك بدل سكن اعلى من اللي ذكرته ، نقطة اخرى تاكد من الزيادة السنويه لان قال لي مدير الاتش ار القحطاني انها ماكسمم 4 % ف تاكد من الشي لمصلحتك ، من ناحية التطوير كان يقول ان بيعطوني دوره خارجيه ستك اشهر ، عيبهم انهم مهم واضحين وتحس انه اسرار مايشرحون اك طبيعة العمل ولا يعطونك اي معلومه تفيدك ، بالتوفيق ولا تنسى الاستخارة
صدقني اللي مايشرح لك كل شي ولا يكون واضح وكل ماسالته قالك سري معناها الشركه فيها شي او تعبانه وهذا ماصار لخويي اللي تكلمت عنه قبل كل ماسال موظف الاتش ار عند العرض قاله سري ماقدر اقولك … لما راح لهم توهق الخطاع الخاص بلشه لازم تكون دقيق هذا نصيحه بحكم وظيفتك حكوميه يعني امان وظيفي قوي جدا وهذا الشي مستحيل تلقاه في الشركات الخاصه
موفق
يا غالي
هذه الشركه عباره عن جهة حكوميه و لكن واجهتها تجاريه
لأن التعامل للشركات الأجنبيه حينما تكون الواجهه تجاريه أسهل من التعامل مع جهات حكوميه
هذا الكلام أخذته من أحد أقاربي شغال في الشركه
و بصراحه جاتني فيها فرصه و رفضتها بسبب بعدها ( في الخرج مثل ما قالوا الأخوان )
يقولون الدوام فيها جدا مريح و طبعا يعتمد على تخصصك
و إذا كان الموقع مناسب لك
أبدا أبدا أبدا لا ترفض العرض
و الله يوفقك و يسهل أمرك
بالتوفيق يا رب
بعد اذن صاحب الموضوع ، حسب ما اعرف ان مصنع الشركة في الخرج، بكن السؤال هو ايش منتجات المصنع؟
الله يوفقنا واياكم
الله يعطيكم العافية ياشباب بصراحه ماقصرتوو نبهتوني ع اشياء كنت اجهلها كثير
ملاحظة عن العرض
الدوام بالرياض وليسَ بالخرج
التقييم من 4 % الى 10 %
من ناحية الدوام الجمعة والسبت اجازة الدوام حسب كلامة من 8 صباح الى 4 مساء
ومثل ماقال اخي shmmry يوجد دورة خارجية مدة 6 أشهر
اللي يسالني عن طريقة التقديم
عن طريق الموقع
الشركة تعمل في مجال
Product Development
Technology Development
Prototypes and small series production
Mechanical Engineering
Mechanical Design and Analysis
Reverse Engineering and Prototyping
Materials testing and characterization
Measurement and CAD modeling.
Electrical and Electronic Engineering
Electronic Systems design
PCB Lay-out and CAD/CAM
Assembly and testing
Testing and measurements.
Test & Measurements;
Validation and verification tests for all technologies above
NDT’s
Environmental testing
BITE adoption for smart measurement
^^^^^^^^
شكرا جزيلا ما قصرت… وبالتوفيق ان شاء الله
الله يوفقنا واياكم
عندي معلومة بس ماني متأكد منها
أن الشركة فيها قسم بعدم أفشاء أسرارها
يالغالي ممكن الرقم اللي اتصل عليك لو سمحت