مقابلتي مع الشركة الوطنية للأنظمة الميكانيكية ncms

السلام عليكم ورحمة الله وبركاته

طبعا ذا اول موضوع اكتبه في قسمكم الرائع وأسجل إعجابي فيه

الخميس الماضي أجريت مقابله مع ncms الشركة الوطنية للانظمة الميكانيكة

ذهبت للاستقبال وذكرت له ان عندي مقابله الان ف شركتكم الموقرة بحث بالاوراق عنده ولا لقى اسمي من ضمن لائحة الاسامي اللي عنده الصدق تنرفزت وقتها

وشويات الا داق علي منسق المقابله وقال جايك لاتحرك من عند الاستقبال اخذني معه للدور السابع :crazy_face: ونادى مهندسين معه ف اصبحت بالمقابله ضد 3 :crazy_face:

صافحوني بحراره واول سؤال روتيني عرفنا بنفسك , شويات الا ينط الثاني قال معدلك ممتاز ماتفكر تتطلع ابتعاث ( هذا سؤال ملغم ) ب يبين لهم

استمراريتك معاهم فيما لو قبلت قلت له من هنا الى 5 سنوات قادمة ماني مفكر بالابتعاث

والمهندس الثالث شغال يطالع السجل الاكاديمي حقي قال درجتك في مادة الرسم الهندسي ليش سيئة كذا ذكرت له ان الخيال البعدي وخفة اليد شويه ضعيفة عندي

نط الثاني قال خفة اليد لازم تكون جباره عند المهندس وذكرت له خفة اليد بالرسم وليس بالاعمال التكنكل الفك والربط الخ

سألني عن ايجابياتي وسلبياتي

قال حدثني عن سلبياتك : ( طبعا السؤال ذا انا معد له جيدا :sunglasses: )

قلت عندي هوس اتقان العمل وحبكه بطريق معينه ( تمثل ايجابيه لهم هالصفة )
وذكرت له اني فريش كل ما املك خبره 10 اشهر تقريبا رد علي قال هذي مو سلبيه السلبيه ان مايكون داخلك رغبة واستمراريه ف التعلم
رديت عليه قلت سلبيه فالمرحله الحاليه الانيه

قال حدثني عن ايجابياتك :

ذكرت له اني شخص دقيق بالتعامل مع الارقام واستشهدت ب سجلي الاكاديمي ب قريدات كورسات الماث

سألني بعض الاسئلة التخصصية :

عن UPS
كيف ينتقل الكهرباء ب اختصار
انواع المشين
مالمقصود بالتوازن الكهربي
مقدار فولت ال الاند يوزر
الخطة البديله ل فولت ال 220
عندك مشكلة تصلح لمبات :cowboy_hat_face:
ايضا سألني عن كل حرف كاتبه بال سي في

عندك مشكلة تشتغل في المبنى هذا ( مبناهم اللي ف الصحافه ) ؟

واخر سؤال بالمقابله قال عندنا معلومات وخطط ف الشركة secret عندك مشكلة ماتبوح فيها قلت لا من حقكم وراح اكون محافظ عليها

المقابله اخذ تقريبا 50 دقيقه صافحوني بحراره نهاية المقابله وقالوا انتظر منا اتصال , والله يكتب لنا الخيره ان شاء الله

6 Likes

الله يعطيك الف عافية … :rose:
هذي الشركة بالذات كل شهرين 3 ينزل موضوع يسئل عن الشركة و مقابلتهم
ياليت تكثر هذي النوعية من المواضيع … لتعم الفائدة
الله يوفقك

الشركة هذي اغرب شركة تعاملت معها،،، ياخي تحسهم عصابه يفتشون عن كل شي في عائلتك اخذوا صور لكل شي وطلبوا اعبي نموذج فيه اسم الام والأب ورقم هويته و وظيفته كني مقدم على وظيفه أمنيه حساسه وسألوا عن وتاريخ واسم المدرسه الي تخرجت منها الابتدائي والمتوسط والثانوي . سبحان الله انا رايح لهم وانا ما ارتحت لهم . المهم اخوي متى قالوا بيردون عليك؟ وهل عبيت نموذج بعد المقابله؟

هههههههههه واحد من الربع عطوه المصحف وحلفوه مايعلم ب اسرار الشركه :cowboy_hat_face: :cowboy_hat_face:

الكلام الروتيني انتظر اتصال قالوا لي , ما اطلعوني علي اي نموذج خالص :slight_smile:

السلام عليكم ورحمة الله…
انا مؤهلي ماستر هندسة حاسب … وكلمتني الشركه قبل اسبوعين يوم اربعاء الظهر … وقالوا لي مقابلتك غدا الخميس الصباح!! قلت لهم انا من سكان مدينة ابها وما ادري القى حجز طيران او لا!! قالي الموظف اللي كلمني الظاهر مايمديك لكن كم لك متخرج؟ قلت لي سنه !! قال خير ان شاء الله وبنتواصل معاك اذا فيه لجنه مقابلات!! وانا عارف انهم ماراح يتصلون مرة ثانيه لكن الشكوى لله.

لكن ال cv عندهم وعنواني مكتوب وتاريخ التخرج مكتوب معقوله يتواصلون معاي قبل المقابله بأقل من 24 ساعه؟؟!!

لكن حسبنا الله سيؤتينا من فضله.

1 Like

هههههههههههههههههههههههههههه
وضعهم اليم ,

الله يوفقك ي صاحبي, ويسهل دربك , وجزاك الف خير على طرحك لتجربتك هذه

شباب أحد يعرف وش وضعهم اللحين لهم ثلاث شهور مرسلين الأوفر ومن شهرين مخلص كل الإجراءات وكل ما أتصل عليهم يقولون مباشرتك ما بعد تحددت

طفشت من الإنتظار !!!

شركة للأمانه غريبه جدااا (مخيفه في نفس الوقت) … سويت معهم مقابله قبل شهر و الى الان ما ردوا خبر… المصيبه يوم دقيت عليهم اشوف الوضع كلهم يقولون ما سويت مقابله اصلا و ملفاتك غير موجوده هههههههههه … يعني ضياع في ضياع عموما حرام الشركات الوطنيه تكون بهذا السوء و حنا كنا نأمل فيهم أنهم ينافسون الشركات العالميه لكن للاسف الواقع يقول غير كذا… نتمنى من الشركات الوطنيه الكثيير و الكثيير في الاحترافيه لان وضعها مزري جداا …

1 Like

الاوفر كم حقهم اخوي اللي جاك 11500 بيسك ؟ زي العاده او نقص , زاد + متى مسوي المقابله ؟

أخوي SkooonVich
البيسك زي ما قلت 11500 و 25% بدل سكن و 800 بدل نقل
المقابلة سويتها نهاية نوفمبر 2015 واللحين بننتصف في مارس ومباشرتي ما تحددت

حطوا في بالكم يا شباب ان الشركة في صدد افتتاح مشاريع جديده
بالنسبة لتخصص الهندسة الميكانيكية فهم اكثر قابلية للتأخير
اما التخصصات الثانية فيفترض انك تستقبل العرض خلال مدة لا تتجاوز ثلاثة اشهر

اضيف الى ان تاريخ المباشرة يعتمد على بداية المشروع

اخ فهد،، متى جاك الرد بعد المقابله؟ هل طلبوا منك تعبئة نموذج بعد الانتهاء من المقابله وتسليمه لهم مباشره؟ وين قالوا مكان العمل الرياض ولا الخرج؟ واذا أمكن اعرف تخصصك؟ هل هو هندسة ميكانيكية ؟ وهل صحيح إجراءات المهندسين الميكانيكل تطول؟ اسف على الاطاله بس الشركة غامضه جداً والمعلومات قليله

اخوي فهد هل كلامك موثوق؟ كم المده الي ممكن يستغرقها المهندس الميكانيكل بعد اجراء المقابله؟ قالوا من ثلاث اسابيع الى شهر ويجيك الرد ولا الحين حول الشهرين ولا وصل شي منهم،، لا موافقه ولا رفض ولا عرض،،، الشركه تخوف بس راتبها ممتاز مع الازمه الحاليه

قالو لي أنهم قبلوني بعد المقابلة مباشرة والعرض جاني بعدها بثلاث أسابيع.

وفيه نموذج عبيته بعد المقابلة مباشرة … وعبيت نموذج ثاني مع الفحص الطبي والمتطلبات الثانية.

والدوام في الخرج وتخصصي هندسة ميكانيكية (من البترول).

اللحين لي تقريبا أربع شهور من المقابلة وتاريخ المباشرة ما بعد تحدد حتى ما يرضون يعلموني باسم المشروع اللي بشتغل فيه.

صعب اقولك كلامي موثوق لانه منقول من احد الشباب
حط في بالك حاجه انه فيه اجراء عندهم اسمه تزكية امنية
اقرا عنها عشان تعذر التاخير من طرفهم

كيف وضع الدورات عندهم؟ خارجية؟ داخلية؟

احد جاه رد من الشركة ؟ قالو الرد بعد ظ£ اسابيع من تاريخ المقابلة ومرت ظ£ اسابيع و الى الان لا حس ولا خبر

طول بالك على الاخير
اقل فترة ممكنه انك تباشر العمل معهم ثلاث اشهر
واكثر شي من ست الى سبع اشهر

هذا الي عرفته من الشباب الي باشروا العمل هناك

يا شباب اللي عملو المقابلة معاهم في شهر مارس احد تواصل معاكم من الشركة ؟

1 Like