السلام عليكم ورحمه الله وبركاته
اخواني انا ارسلت للشركه قبل سنه تقريبا وتم الرد علي بان شروطهم منطبقه قبل شهر.
اليوم جاني ايميل ثاني يطلب اعبي ابلكيشن التوظيف + ارسال سي في محدث+ صوره من الهويه الوطنيه + وصوره شخصيه
هل الامر يبشر بخير وان الوظيفه قربت ان شاء الله ؟ او انه امر روتيني مع الكل يصير والله يوفق الجميع بما يحب ويبغاه يارب.
هذا معناه أن شاء الله انهم بيرتبون لمقابلة فنية قريب ، جهز نفسك واهم شي الثقة بالنفس وبعض المعلومات ، مقابلتهم ماهي تحشير وتعقيد المهم فقط انك تعرف البيسك ومازاد عن ذلك فهذا بونص اضافي يحسب لك ، موفق
ياشباب السلام عليكم اتصلت علي الشركة الوطنية وقالوا مقابلتك بكره هذا الكلام قبل تقريباً ١٠ ايام بجدة ونهاية الاتصال قال شد حيلك بتكون تخصصية رغم انها اول مقابلة وجهزت نفسي واخذت فالمقابلة تقريباً مابين ٣٠ الى ٣٥ دقيقة وكانت عامة + تخصصية واختبار بعد وقالوا اسبوعين ونرد عليك وبعدها تجلس ٤ اشهر بالرغم من الاغلب يقول عامة بعدها بفترة تخصصية ولا اعرف هل بيكون فيه مقابلة ثانيه اذا تم القبول ان شاء الله ولا خلاص يكتفون بالمقابلة الاولى الي كانت عامة وتخصصية
1 Like
أحياناً يجمعون المقابلة الشخصية والفنية مع بعض بدل ماتكون مقابلتين اكون مقابلة وحدة شاملة ، وهذا اللي حصل معي كانت المقابلة مع الموارد البشرية والفنية في يوم واحد وبنفس الجلسة ، فما أعتقد فيه مقابلة ثانية بس انتظر رسالة القبول المبدئي (أن شاء الله) وبعدها تاخذ اجرائتهم من ٤ الى ٦ شهور ، بالعربي طول بالك معهم شوي
الحمدلله مطول بالي بس كنت بستفسر اذا فيه مقابلة ثانية او لا بس شكراً لك افدتني بمعلومتك والله ييسرها لك ويرزقنا ويرزقكم
السلام عليكم ياشباب احد يعرف وين مقر عملهم بجدة او مصنعهم ؟ انا مرت اسبوعين ولا فيه رد من عندهم مريت مكتبهم مو مداومين سالت المكاتب الي حولهم قالوا مايداومون الا اذا فيه مقابلة شخصية واتصل عليهم جوالهم مقفل وابغى استفسر عن نتيجة القبول
ابشرك ياغالي ارسلولي رسالة قبول مبدئي بس متاكد مراح تكون فيه مقابلة ثانية اذا سويت مقابلة عامة وتخصصية مع بعض ؟
ماشاء الله عالبركة ، اذا كانت عامة وتخصصية فهم اختصروا المقابلتين في وحدة ، فالك التوفيق انت وبقية الشباب أن شاء الله
ما شاء الله تبارك الله
الله يسهلها لك
تواصلوا معاك بالايميل ؟ أنت كهرباء ؟
طيب الله يسعدك يعني خلاص مراح تكون فيه مقابلة اخرى انتظر بس متى يتصلون عشان اكمل إجراءات التوظيف؟ بإذن الله
ا
اميين يارب والله يرزقكم القبول فالوظيفة الي تتمنونها انا مهندس كيمياء
اخذوا بياناتي عن طريق الجامعة وتواصلوا معاي هاتفياً ونسقوا للمقابلة ورسالة القبول عن طريق الايميل
صحيح أعتقد فيما يخص المقابلات اللي سويتها انت كافيه … ألا أذا حسوا انه يبغون بعض التفاصيل الأضافية …
أحد تواصل مع الشركة قريب يفيدنا ؟
أخر مره كلمتهم قبل العيد قالوا التوظيف متوقف حالياً
فاللي تواصل معهم ياليت يفيدنا
واللي توظف قريب (بعد الأزمة) الله يوفقه يشاركنا تجربته
كلمتهم قبل عيد الفطر ولا الاضحى؟
الأضحى
قبل عيد الاضحى ارسلو استمارة التوظيف لبعض الشباب وانا واحد منم
اتوقع راح تكون فيه مقابلات قريب إن شاء الله
انا ارسلولي قبول مبدئي بعد إجازة عيد الاضحى على طول بالرغم اني سويت مقابلة عامة وتخصصية واعتقد اني فالانتظار الان ولا اعرف وش بيصير
ط
طبعاً الي سوا مقابلة عامة وتخصصية وارسلوله قبول خلاص مافيه مقابلة اخرى ولا؟
مبروك ما شاء الله
تواصلت معاهم قبل ما يجيك الرد ؟ أرسلوا القبول على الايميل ؟
أنا عملت المقابلة الثانية قبل عيد الاضحى و تحديدا في يوم 8 جولاي 2020
و الى الان ما فيه أي رد و أنهم خصوصا خبروني بيكون رد خلال شهر بالرفض أو القبول