انا موظف حاليا في ارامكو في قسم Drilling and workover تقريبا لي خمس اشهر على راس العمل والمسمى الوظيفي Toolpusher rotary drilling وجاني عرض وظيفي من شركة NCMS ومحتار الصراحه في الاختيار.
كلنا عارفين عارف ان شركة ارامكو شركه عملاقه ولها مميزات ماليه خصوصا اللي يعملون في مناطق نائيه مثلي وايضا التامين الطبي فيها جدا ممتاز. ولكن في نهاية الامر افكر هل الماده هي كل شي. لم يناسبني العمل وبيئته وايضا صعوبة الخروج منه في المستقبل على كلام الشباب اللي لهم سنوات في المجال. بعكس الوظيفه في ncms اللي راح تكون في التصميم وعموما في تخصصي اللي هو الهندسه الميكانيكه والراتب ممتاز وايضا ميزه اخرى بالنسبه لي الوظيفه في جدة واهلي ساكنين فيها.
انا احترت في الاختيار وبرضه الناس اللي حولي مستغربين مني. موظف ارامكو مفروض ما تفكر في الموضوع اساسا فحبيت استشيركم وناخذ ارائكم في الموضوع.
انت في بداية مشوارك الوظيفي، وما راح تحصل لك فرصة تغير مسارك الوظيفي بشكل كامل في المستقبل.
انت شفت الان ولمدة ٥ شهور طبيعة العمل في الرقوق، وشفت المفروض وين هالمسار بيوديك في المستقبل.
بالنسبة للشركة الثانية المفروض ايضا عرفت طبيعة العمل في التصميم. واخذت فكرة عن التطور الوظيفي في تلك الشركة بشكل خاص، ولمجال التصميم بشكل عام.
الان المفروض تشوف وين ميولك ووين حدسك يوديك.
قارن بين السكلز الي بتكسبها في كل مجال وكل بيئة عمل وشوف وين نفسك تميل. وايضا قارن بين الامور المادية وخصوصا المبلغ السنوي لكل وظيفة.
نصيحة، لا تفرط في هالفرصة في اختيار المسار الوظيفي المناسب لك.
التطوير في شركة NCMS جدا ممتاز على كلام كثير من الشباب ويقدرون يفيدونا عنها زياده الموظفين فيها مع انه السريه فيها جدا عاليه بس انشالله مايقصرون معنا .
بالنسبه للخروج من ارامكو سمعت كلام كثير انه صعب انك تتوظف فيها مره ثانيه اذا طلعت هل هذا الكلام صحيح ؟
واحد من خوياي موظف بالشركة ذي وصراحة رواتبها ماتوقعتها بالقوة ذي ماشاء الله يعني الاساسي للفريش 12 الف ريال ماشاء الله من غير البدلات المعروفة.
والله اذا الوظيفة بنفس مسماك الوظيفي وعند اهلك بجدة، انصحك تروح بدون ماتشاور،
فرق ألف ألفين ريال مااأشوف انه يستاهل البعد والتعب.
حتى شركة الانظمة الدوام فيها مابه ذاك التعب والامان الوظيفي ممتاز فيها. فأنصحك توكل ع الله
الإستخارة قبل كل شي … ثانياً ألاحظ أنك حاب الوطنية للأنظمة الميكانيكية وتبي أحد بس يقنعك فيها
عموماً خروجك من أرامكو ليس نهاية العالم … خاصة انه من كلامك العرض الوظيفي من الوطنية في مجال انت تحبه وفي مدينة اهلك فيها !
استخر قبل كل شي وربي يوفقك.
أرامكو رائعة والوطنية للأنظمة الميكانيكية ايظاً جيدة
والخيرة فيما أختاره الله.
الحيرة اللي تمر فيها طبيعية جداً ،، لكن في نهاية المطاف كل شخص لديه اولويات في حياته، ومعايير خاصة لتقييم مدى ملائمة الوظيفة له. احد الاخوان حصل له نفس وضعك بالضبط وحصل على وظيفة في نفس القسم حقك لكنه فضّل الشركة الوطنية عليها. لإن من اهم اولوياته انه يعمل في جدة عند اهله وبراتب ممتاز… اهم شيء ادرس الموضوع كويس من كل النواحي وشوف بعد ٥ سنوات وين تشوف نفسك واتخذ القرار. اتمنى لك التوفيق. وان كنت اتخذت القرار اتمنى تفيدنا فيه وبالأسباب عشان تفيد اي واحد بيقرأ الموضوع بعدين.
