تم قبولي في شركة NCMS في مجال له علاقة بتطوير المواقع في نفس مدينة سكني جدة، وأنا عندي عرض في سابك في الجبيل وتقريبا العرضين متشابهين.
طبعا سابك شركة ما تتفوت والقسم حلو لكن في الجبيل، والأنظمة الميكانكية عند أهلي في جدة لكن ما أعرف عنها شي.
قسم سابك جدا جميل ومجال عملي راح يكون في الData Science
أعرف أن NCMS طيبة للهندسة الميكانكية وكذا، بس كيفها في مجال تخصصي، هندسة البرمجيات، هل أقدر أطور نفسي وأكسب خبرة، خصوصا أن الحاسب مو مجال الشركة؟ وكيف بيئة العمل؟
الشي ألي محيرني طبعا هل مستاهلة أترك فرصة العمل في جدة عند أهلي وأروح سابك ولا؟ خصوصا أن العرضين متشابهين
انا لو كنت مكانك بروح سابك
اولا سابك اقوى بالسوق
تملك بيوت
فرصتك للشركات الثانيه بتكون اكبر خصوصا ان مجالك data وراح تكون قيمتك بالسوق " كخبره " افضل من غيرها … وسابك صارت تتوسع باقسامها
وانت فكر اذا تقدر تتغرب وتترك اهلك وتروح تعيش بالجبيل وتكون نفسك … خصوصا حسب ما اعرف ان اول ما تتوظف تاخذ بدل تعيين اذا ما خاب ظني . صحيح انك راح تحصل فرق الا وهو انك بتسكن في ايجار ، اما جده راح تكون ساكن مع اهلك … استخير وفكر …
شوف عرض سابك افضل وفي المستقبل بيكون افضل بكثير وسابك شركة لايعلى عليها بالرواتب والمميزات .
لكن انا عن نفسي بقبل واختار عرض شركة NCMS لانها شركة ناشئة ومجال التقدم والتطور فيها اكيد بيكون ممتاز جدا بالإضافة لقربها من الأهل والراحة النفسية والمعنوية وعلى اقل تقدير حق ايجار البيت والاكل والمواصلات مابصرفه في شي
الشيء الاخر انا عشت بالجبيل فترة تدريبي التعاوني صراحة احسها منطقة مافيها حركة او فعاليات ومملة جدا جدا وانا ماحب اضحي بهذا الشي .
تدريبي كان في معمل الغاز في واسط … Wasit Gas Plant
منطقة نائية تبعد عن الجبيل 60 كيلو يعني كل ويكند اروح فيها الجبيل او بالباصات اليومية . فهي شبه منطقة نائية وتصنيفها منطقة نائية
الصدق فوق كل شيء وكل واحد مسؤول امام الله تعالى في كلامه لابد يكون صحيح قبل النصيحة . Google Maps
الجبيل حلوة جداً وبحرها رائع ولا انقص منها ابد … مدينة جميله ورائعة لكن ارى ان الحركة فيها لاتقارن بالمدن الكبرى .
عموما اذا ماتفرق معك الغربة او البعد عن منطقتك فأنصحك بعرض سابك وانت مغمض . العمل بالشركات الكبيرة كحديث تخرج وبداية حياتك شيء ممتاز جدا وراح تكسب خبرة قوية بمجال تخصصك .
قربك من اهلك يفتح لك ابواب ثانية كثير، مثلا بعد الدوام تقدر تشتغل في اعمالك الخاصة ومنها تمشي في طريق الاستقلالية اذا كان هو هدفك المنشود. طبعا يمديك في الجبيل تشتغل على نفسك بس مو بسهولة لما يكون عندك احد شايل عنك اشياء كثير او يشاركك فيها.
الوظيفة بعيد عن الاهل بتقلل عليك المسؤلية الاجتماعية ويعتمد عليك كيف تدير هذا الشي.
الاخوان الي فوق كفو ووفو, بس سابك تتفوق بحكم المميزات الي فيها من تملك سكن وغيره.
نقطه اخرى تميز عرض سابك الي هي مجال الData Science وهو مجال واسع يفتح لك افاق في شركات اخرى مستقبلا. كميه المعلومات بسابك كبيره بحكم انتشارها وراح تعطيك خبره كبيره صعب تلقاها في مكان ثاني
موضوع انك تكون بعيد عن اهلك اكيد بيكون صعب خصوصا في وجود عرض بشركه ممتازه اخرى بنفس المدينه. لكن الجبيل مدينه جميله هاديه وبعد المسافه عن اهلك حلها موجود بشركات الطيران الكثيره تزورهم بين فتره وفتره ماراح تكون مشكله كبيره صدقني.
قيم الموضوع اكتب بورقه الايجابيات والسلبيات واستخير والله يكتب لك الخير