اولا الله يجزاك خير على كلامك ونصيحتك وباخذها بعين الاعتبار
ثانيا المنافسه عند ارامكو عاليه عشان كذا انا ماتوقع اني بطلع او ببرز عند الادارة على عكس ncms
بالنسبه للرواتب هي نفس ارامكو تقريبا اذا اخذت نفس التخصص لكن للاسف مافيها اكثر من ١٢ راتب بالسنه
اما الشهادة نعم انا ناوي اكمل سواء عند ارامكو او جامعة اهلية لكن الخوف اني اعلق كفني وماياخذون شهادتي بالاعتبار ومايرقوني لمهندس واكدوا لي كم شخص هالكلام هذا
ارامكو ممتازة واذا رحت ريموت بيكون الراتب عالي واعلى من ncms
فيها غربة لكن مميزات جميلة وخدمات كثيرة تتوفر لك لا تقارن
القريد 7 او 8 يعتبر ممتاز … يرقوك مهندس ممكن ايه او لا لكن لازم شهادة وموافقة السكشن هد تبع القسم
المهندس هو التوب والمدلع قريد 12
البيئة طبعا تختلف لان ارامكو عندهم ثقافة وسيستم خاص فيهم وكأنك في كوكب وعالم اخر
NCMS سمعتها ممتازة والتطوير فيها ممتاز وقريبة من المسكن والتطوير فيها قوي واذا انقبلت فيها روح دون تردد ورواتبهم عالية ودوام مريح .
لا تاخذ فرصة على حساب الاخر او على امل الاخر الا بعد العقد (لا تضيع عصفورين بحجر !)
حسب ماسمعت ان يومهم بسنة … يومهم طويل فلا تضمن شيء او وعود منهم الا بعقد وظيفي
عندهم ابتعاث نعم وأفضل من ابتعاث ارامكو
لان ارامكو ابتعاثها لخريجي الثانوية فقط ونادر جدا للتدرج يروح ابتعاث
فالك القبول
على كلام اغلب الشباب ان الترقيات والزيادات قوية وممتازة في شركة الانظمة
اهم شيء التقييم وعملك وعلاقتك مع المانجير
ارامكو المنافسة صعبة وماتدري 5 سنوات عشان قريد
السلام عليكم بحكم اني موظف في ncms حقلك الايجابيات والسلبيات،
اول حاجة جتني لشركتين بعد توفيق الله واخترت ncms بسبب قرب المكان و ماشاء الله رواتبهم قريبة جدا جدا جدا من ارامكو ولكن لاكون صريح بالوقت الحالي ارامكو تعتبر افضل
المستقبل كله لNcms انصحك لاتفوتها بسبب قرب الاهل و بسبب انه المستقبل لها.
استحالة تامة ارامكو يرقوك لمهندس والعلم عند الله ، اعتقد لازم تطلع من الشركة و تقدم ثاني كمهندس.
بالنسبة لNcms مدري والله ولكن الفنيين عندنا ممنوعين من اكمال الجراسة عكس البكالورويس عادي يكمل فعشان كذا مدري عن وضع التدرج الثانوي هذا.
ncms التطوير فيها خورااااافي جدا والامور المالية والابتعاث كلها منافسة للشركات الكبار مثل ارامكو وسابك.
نصيحة نصيحة خلي تفكيرك كله في تبغى تعيش و تستقر واللله ارامكو حتهد حيلك واذا انت من احد سكان هذه المناطق (الخرج ، جدة، الرياض).
انا وانا اخوك مقدم على نفس البرنامج لكن للان ماردو علي بعد المقابله الثانيه ، هل ردو ولا باقي … بخصوص رواتبهم انا سالت واحد موضف في الشركه ويقول رواتب المتدرجين الفل بكج حدود 9500 تقريبا ف رواتبهم حلوه مره لكن ما ادري هل ردو على احد ولا للحين ماعلنو النتايج
حلو ماشاءالله , بس الاشكالية باكمال الدراسة وهي اهم شي تقريبا
بصراحة مالقيت كلام واضح من الموظفين اللي يشتغلون هناك وكل شخص كان عنده كلام مختلف لسبب ما
بسـألك زياداتهم السنوية والعلاوات كم توصل نسبتها؟
والله يالذيب هذا كلامه هو يعرف قريب له داخل التدرج حق السنه الي راحت ويقول راتبه الاساسي 7500 والفل بكج حدود 9500 تقريبا والشركه تراها ممتازه ورواتب المهندسين فيها قريبه مررره من ارامكو يعني 95 فالميه قريبه من ارامكو والشركه حلوه وممتاز ، انا مقدم مثلك على itc ارامكو لكن ان قبلوني خليت الوطنيه بسبب المميزات الكثير الي عند ارامكو ،، والوطنية اتوقع بيردون علينا الاسبوع القادم والله اعلم لانه العدد قليل بعكس الفرز المبدئي ف ماراح ياخذون وقت
الله اعلم كل شوي يطلع كلام بس باذن الله ان الاساسي ٧٥٠٠ بيكون شي ممتاز
بالنسبه لردهم
لاتتوقع منهم رد الشهر هذا
اما اذا كنت من سكان الخرج فتعال الوطنيه نصيحه وخل ارامكو
وفيه مشكلة بالشركة ان كل واحد يطلع كلام من عنده ولا يبي يوضح لك
يعني انا اعرف واحد اخوياه داخلين التدرج السنه الماضيه ويقول الراتب مايتعدى 8000
وقريب لي اخوياه داخلين ويقول 9000-10000 فماينعرف لهم بس نقول ان شاءالله ان كلامك صحيح
وقتها بيكون راتبهم يسوى وبيساوي ارامكو خصوصا مع الاوفر تايم
صحيح الراتب بيكون كويس ك 9500 بس ارامكو عندها بونص وراتب رمضان وبدلات ومنطقه نائيه يعني اذا بتشتغل ب ارامكو منطقه نائيه بتاخذ دبل رراتبك بالوطنية ، انا من سكان الخرج والوطنية كويسه لكن صراحه ارامكو افضل الا اذا انت تقول 9500 تكفي ولا تبي تكرف 12 ساعه ومنطقه نائيه عشان ترفع راتبك
لايغرك الراتب اهم شي الراحه
بعدين الوطنية تقدر مع الاوفرتايم تساوي راتبها بارامكو وفيها تطوير اعلى ودامك من اهل الخرج افضلك
ارامكو كلها عشوائيه حتى تخصصاتها عشوائيه واماكن العمل عشوائيه وبتعلق هناك للابد
اذا ماعندك مشكله بهالشي ابد خشها بس نصيحه لايغرك الراتب
بالعكس والله اذا كان ينزلي شهري حدود 13 الف غير البونص وراتب رمضان وبدل سكن 3 رواتب ،، يعني مدلعينك بالراتب بس يبونك تشتغل وغير كذا ترا الوطنية الحين صار نضامها عقد سنتين ثم سنتين وتجدد العقد وزي كذا اما انا عشان اكون صريح معك يهمني الراتب عاد كيف بعدين اذا ترقيت ،، وذي نقطه ماعرف عنها شي فالوطنية مادري كيف نضام الترقيات ولا بس زياده سنويه وتجلس على نفس شغلك ونفس مكانك