السلام عليكم ورحمة الله وبركاته ،
كيف حالكم ياشباب ان شاء الله طيبين ، انا جاني اتصال قبل امس من شركة المياه الوطنية ، ومقابلتي راح تكون بالرياض تخصصي هندسة كهربائية حديث تخرج ، حاولت ادور هنا عن بعض المعلومات ولكن للأسف مالقيت ، ممكن تفيدوني عن المقابلات لان بصراحه مقابلتي يوم الاثنين ولا عندي اي معلومه عن القسم الي راح يسوي معي المقابله والله يعطيكم العافية.
عزيزي بما انك حديث تخرج، اهم شي تستعد له هو عدم القلق وكيف انك تدخل المقابلة وانت على طبيعتك.
عليك بالتركيز على اساسيات التخصص ومشروعك وتدريبك، ولا تشغل بالك بطريقة المقابلة او تفاصيل الشركة في هذي المرحلة. رح المقابلة وسوي الي عليك وبتعرف تفاصيل الشركة هذي وغيرها لما يوصلك العرض الوظيفي.
مقابلات حديثي التخرج هي الاسهل والاكثر بساطة.
وبالنسبة لمعلومات الشركة العامة ببساطة تلقاها في موقعهم الالكتروني.
كل التوفيق لك، وعقبال ما توقع العرض الوظيفي
يعطيك العافيه ياغالي ماقصرت
بالتوفيق لك اخوي وزي ماقالوا الشباب خلك واثق وركز على اساسيات تخصصك ، راح تعطيك افضلية وخلك فاهم مشروع التخرج واشرحه بكل حماس وثقة وفالك الوظيفة ، بس اخوي كيف قدمت عليهم ؟
والله ياطويل العمر لا قدمت عليهم ولا شي ، دخلت اللينكد ان ولقيت ڤيو على البروفايل حقي موظفة الاتش آر رسلت لي رساله على اللينكد ان انو ارسل لي سيرتك الذاتيه ورقم جوالك قلت تمام ، ورسلت لها وبعدها يوم اتصلت علي وقالت لي مقابلتك يوم الاثنين مع المانجر وبس والله، عشان كذا حبيت انو الشباب الي قد سوو المقابله معهم يفيدوني.
Up
Uppp
انا ي طويل العمر عملت مقابله في حايل على مسمى مهندس كيميائي وكانت المقابله من اروع مايكون، كالتالي:
كانت مع واحد فقط ومساعده وجالس على مكتبه ( اتوقع مدير)
ترحيب ( قمه في الاحترام )
قالي يلا سولف لي من تخرجت من الثانويه لين اليوم شسويت !!! بالعربي طبعا الكلام وكانت سوالف ودخلنا شوي تفاصيل.
بعدها قلب انقلش وقالي ( tell me about your current job ) وجاوبته بالانقلش طبعا.
وبس؛ بعدها قالي راح يتم التواصل معك لو انقبلت…
استاذنا ممكن تفيدنا باسم ورقم موظفة الاتش آر اللي تواصلت معك !!
والله يوفق الجميع،،
الله يوفقك وان شاء الله تكون من نصيبك ، والله ابد على رقمهم 0114409558
قالت لي مقابلتك الاثنين الي هو بكره بالرياض الاداره الرئيسية ف عشان كذا قلت اسألكم واشوف وش وضعهم.
بالخير اخوي مرشد. انا صارلي نفسك بالضبط خلصت المقابلة وكل شي بس انتظر العرض. انت جاك شي ؟
بشروا يا شباب ايش صار معكم و هل جتكم عروض؟؟ و كيف عروضهم و مميزاتهم
any update?
كيف رواتب المياه الوطنية للمهندسين الفرش
ممتازة جدا فوق 7000 ريال بيسك …
التقديم اما عن طريق اللنكدين تتواصل مع ال HR او من خلال موقع الشركة NWC - National Water Company - Home . احيانا ال HR هم يتواصلوا معك من لنكدن فحاول تتابعهم او تسوي فولو وفالك التوفيق .
بالتوفيق للجميع .
سلام عليكم…
حبيت اسأل كم رواتبهم حق الفرش انجنيير؟
او اي معلومات عن المميزات للي عنده علم