السلام عليكم يا اخوان …
ودي استفسر عن القسم هذا … كيف المقابلات وكيف الاسئله في ارامكو
عندي مقابله ومدري اروح ولا لا …
انا موظف حاليا والراتب جدا جميل ومدري محتار
مشورتكم يا اخوان
يا خي ، روح منت خسران شي. تكلم معاهم و شوف عرضهم و إذا ما تبي الوظيفة حولها علي و أنا اخوك
2 Likes
انا شغال بجهه حكوميه حاليا وراتبي ١٩ الف عشان كذا مدري متردد … لان لو مهما كان ارامكو ما بتعطي واحد ماعنده خبره الا سنه راتب زي كذا …
روح لمهم وكمل معاهم اللين يجي لك العرض، وقتها احسب الراتب + بدل السكن السنوي (ثلاث رواتب اساسية) + المكافآت وقسمهم على السنة وشوف كم يطلع راتبك النهائي. بالإضافة الى مقر العمل اذا في الشرقية احسب تكاليف المعيشة والسكن وبعدك من الأهل.
اذا وظيفتك الحالية عند أهلك فأنت موفر السكن والأكل بأقل تكلفة.
بالتوفيق لك
1 Like
رح المقابلة وامش معاهم للأخير لا تصير أحمق واعذرني على الكلمة
1 Like
وش هالكلام !!! تغلط وعقبها تقول اعذرني !!
عيب ترا
أعذرني على اللقافة ، بس إذا ممكن أعرف وش الجهة الحكومية اللي تعطي راتب ١٩ ألف لخريج فريش أو حتى شبه فرش ؟
فيه هيئات تعطي راتب زي كذا
هيئه الرياضه
هيئه الاتصالات
هيئة الترفيه
وانا بالاتصالات
3 Likes
ما شاء الله , الله يزيدك من فضله , هل أنت حامل ماجستير؟ إذا عندك ماجستير , ارامكو ممكن يعطوك مثل هالراتب و أكثر
امين ويزيدك ويكتب لك الخير … لا شهادتي بكالوريس
انا كنت زمان موظف برامكو واعرف ارامكو كويس بس المره هذي غير … وباذن الله بروح المقابله والله يسهل لك ويوفقك ويكتب لك الخير
والله بصراحة ياخوي راتبك جدا ممتاز. ياليت تعطينا خبر عن طبيعة العمل عندك والزيادة السنوية. لو حصلت على الوظيفة في ارامكو على منطقة غير نائية راتبك بأرامكو راح يكون اقل من راتبك الحالي (طبعا اتكلم عن مجموع الراتب السنوي). واذا عاجبك طبيعة العمل في الهيئة وفيها تطوير واضح مافي سبب يخليك تترك وظيفتك الحالية
1 Like
طبيعه العمل تختلف من قسم لقسم … مو كل الاقسام مثل بعض… والتطوير فيه دورات خارجيه اجباريه وانت تختار نوع التطوير والتدريب وبالنسبه لارامكو مكان الوظيفه الظهران
وظيفتك الحالية افضل من ناحية التطوير والراتب اكثر
بحكم انك في الظهران تستلم بس راتبك الاساسي وحتى لو جمعته كامل مع بدل السكن راتبك الحالي راح يكون اكثر.
النقطة الثانية، في العادة الشغل بالظهران ماينفع مع حديثي التخرج وماتكسب خبرة (طبعا يعتمد على القسم) فيه احتمال يطلع لك اساينمت في منطقة نائية وراتبك يرتفع نصف راتب زيادة
محسوبك بشيبة والوضع ممتاز صراحة من ناحية الراتب والسكن وطبيعة العمل، واكتساب الخبرة. وطبعا كل ويكند تنزل عند اهلك ويوم نزلتك يكون نصف دوام تقريبا
أرامكو لها مميزات روعة بس المشكلة تعتمد بشكل كبير على مكان العمل.
5 Likes
عذرًا أخي لأنك أخذت الكلمة على نحو خاطئ ، لكن بالفعل! لمن يترك مقابلات زي كذا يعتبر “التصرف”(كما ذكرت) وليس الشخص.
عموما أعتذر وبشدة وأتمنى لك التوفيق.