برايس وتر هاووس كوبرز PwC

[user8581 (شدعوه)]

@aziz33

المقابلة حقت pwc كانت سهالات خمس دقايق عكس جي اي بالمره مقابلتهم كنها توضيف اكثر من نص ساعة
يوم الاربعاء سويت المقابلة حقت pwc والرد كان بنفس الوقت
…

@user7645

الإختبار كان مو بسيط وبالنسبة لي كان الوقت مو كافي ابداً … اختبار تحليل بيانات ويبغوك تحل بمعدل سؤالين بالدقيقة ! وصلت لنصف الاسئلة والووقت ماتبقى منه شيء .
نوع الأسئلة كان تحليل بيانات وحسابات فايننس معظمها . وأما النوع الثاني فكان براقرافات واسئلة عنها .

@user3058

أنا الحين في فترة الكووأب و اشتغل مع PwC … بديت الكووأب في يناير يعني في عز الموسم يعني داومت اول يوم و اليوم الثاني نزلت كلاينت لأن كنت أشتغلت معهم ثلاث شهور قبل و عندي خبرة بسيطة …
أداوم هنا لين الساعة 8 أو 9 بالليل … و مرات لين 10 …
زملائي الموظفين الرسميين يداوموون مرات لين 2 بالليل … طبعا الحين الوقت الحالي … يعني لا اخفيكم كرف مو صاحي و ارهاق و تعب نفسي و جسدي ( تجلس 9 ساعات على مكتب و اصابعك تطقطق عاللاب توب)
بس مو دايم كذا … يعني في high season و فيه low season شهر مي و جون و سبتمبر هذه low season يعني بالعكس الشركة تعطي الموظفين اجازات رووحو سافروو يعني … و الhigh season كلها تقريبا 4 شهور
هذه هي قيمة المحاسبة … auditing …
…

@_273

شركة مثل ماقالوا الشباب من اكبر اربع شركات عالمية في الخدمات المهنية والمحاسبة
وطبعا للاخ بما ان تخصصه Industrial engineering فبيكون في قسم الاستشارات(Consulting)
الدوام من 8 الى 6 وحنا كانوا يعطونا راتب 4000 في الكوأب.
وعن نفسي استفدت من تجربتي معاهم.

@user9035

أنا سويت معهم مقابلة هاتفية على ل Graduate Program قبل شهر تقريبا وبعطيكم اللي اذكره.
طبعا المقابلة بالانجليزي وكالمعتاد أول سؤال تكلم عن نفسك.
أغلب الأسئلة شخصية و situational questions بمعنى كيف بتتصرف في موقف معين.
اذكر إنجاز أو شي تفتخر به
أصعب شي مريت به في حياتك؟
موقف صعب وكيف حليته؟
هل قمت بأعمال تطوعية وما هي؟
شنه تعرف عن التخصص اللي مقدم عليه؟

@user9033

الاختبار
SHL معروف واكثر من شركة تعتمد عليه وهذا موقعهم
About Assessments | SHL Direct
تقدر تقرا عنه وتتدرب عليه اختبرته مع بوبا وpwc وارامكو ويونيليفر كذا قالولي برضوا
اكثر 3 اقسام يركزوا عليها
الحسابية والمنطقية واللفظية

@Abu_Hamad

انصح بالاطلاع على الرابط التالي فادنا كثير:
PwC Interview Questions And Answers

@Zeezo88

من هو الافضل ؟ ومايميز كل واحد عن الثاني ؟. PwC تركز على العملاء الكباار ولاتاخذ الصغار , عكس البقية…
PwC & Deleiote على ما اعتقد يعطون اوفر تايم, الباقية لا, بس لاتخليها سبب ابدا, تقولي ليه؟ اقولك لان البونص
نقطه المنافسة, اشوف PwC الافضل, عدد حاملي السوكبا في EY and KPMG كثير الان ,ولكن برضو حط في بالك بانهم ماسكين عملاء اكثر من PwC & deliotte فهم بالاخير يحتاجون عدد اكبر
…

@Tanton

توني مخلص من المقابلة والحمد لله احس اني سويت كويس . كانت المقابلة مع HR ومدتها ربع ساعة تقريبا. الاسئلة فالبداية كانت شخصية عن دراستك واقامتك وخبراتك السابقة. بسرد الحين باقي الاسألة اللي سألت.
- ليش بتترك وظيفتك الحالية وتنظم للشركة، ليش pwc بالذات ومجال الconsulting.
- ليش اخترت تخصصك.
- اذكر افضل نقطة قوة عندك، ونقطة ودك تطور فيها من نفسك.
- اذكر موقع صار لك من قبل مع مشكلة مع شخص كنت تحاول تفهم وجهة نظره.
- اذكر موقف كان عندك اكثر من deadline وكيف نظمت وقتك.
- اذكر موقف صعب صار معك وكيف تغلبت عالموقف.
هذا اللي فبالي حاليا ان شا الله ما نسيت شي، الترتيب مو شرط مثل ما ذكرت. قالت بعدين بيكون في مقابلة ثانية مع ال business line وثالثة مع البارتنر وبعدها ان شا الله الاوفر اذا عديتهم. برنامجهم راح يكون سنتين تدريب اول شهر في ابو ظبي يدربون عالاساسيات وبعدها في الرياض راح تمر على جميع الbusiness lines عددهم ٧ وبعدها اذا ادائك ممتاز تصير senior consultant. المقابلة الثانية راح تركز اكثر عن الشركة ونوعية الشغل فقالت اقرا زين عن الconsulting.

@moh33

مقابلة HR جدا بسيطة واسألة عن شخصيتك واسألة هدفها ان يعرفون هل انت الشخص المناسب لطبيعة العمل هذي…
الاسئلة اللي دايم يسألونها
ليه PwC؟ شنو تعرف عن PwC؟ شنو الدرجات العلمية اللي اخذتها وكم معدلك ؟
بعدها بيسالونك عن ستيويشن معين وكيف تتصرف معاه واعطي مثال كيف تصرفت معاه،، مثلا
كيف تتصرف مع
two projects with tight deadline
طبعا الاجابة يبون يعرفون انك تتحمل ضغط العمل ومستعد تشتغل اوفر تايم هذا السؤال جدا تبيكل بق فور كوشن
هل مر عليك كونفلكت مع زميل في العمل او الدراسة وكيف تعاملت معاه
شنو نقاط ضعفك وقوتك
هذا اللي اتذكر الان
طبعا تقدر تبحث عن اسألة hr حق pwc كلها متشابهه ومتوقعة

@abus3od

المقابلة ماطولت بس حدود ربع ساعة وأول سؤال قالي تكلم عن نفسك والتعليم والباك قراوند حقك وبعدها سؤل وش تعرف عن Control assurance وقال عندك سؤال معين تبيني اجاوبه
الهدف من المقابلة هو اللغة لاغير كان يبي يشوف هل انا قادر اتكلم معه بالانجليزي ولالا كانت دردشة بشكل عام وشرح لي البسشن والفرق بينه وبين QA/QC والحمدلله ماكان في تحجير.

@SO20

مقابلة hr تكون بعد ماتعدي الاختبار تكون المقابلة عامة عن السي في ومافيها شي تكنيكال.
مقابلة البارتنز تكون بعد ماتعدي مقابلة hr عن البسيشن وممكن تكون تكنيكال للان ماحددو لي موعد مقابلة البارتنز ماعندي خلفية عن المقابلة.

@abus3od

السلام عليكم

ياخوان انا حالياً جالس اطبق في شركة فالجبيل وباقي أقل شهر على التخرج, وجاني عرض من PwC وكما تعرفون الشركة big 4
الفل بكج 9500 بدون خصم التأمينات واساسي 6500 فقط !!
مع العلم ان ايام الدبلوم جاني عرض من سابك فل بكج 9800 واساسي اعلى منهم
البسشن مو حول تخصصي لامن قريب ولامن بعيد وهو في ادارة ال Risk Assurance
هل تشوفون ان العرض مناسب ولا ننتظر لان في كم شركة انا في المراحل النهائية في التوظيف ومن ظمنهم الشركة الي اطبق فيها حالياً

@Futuree_CPA

اهلين شباب معاكم مقدم علي الاشورنس وسويت مقابله الاتش ار وبعدها جاني اتصال ان عندي مقابله بارتنر وسويتها الاسبوع الماضي بس الغريب الشخص الي سوا المقابله سنيور منجر وبعدها قال الفيد باك برسله الاتش ار وانتظر ردهم ، مقابله السنير كانت زي الاتش بالاضافه سالني ٥ اسيله محاسبيه وسوال عن commercial awareness والان كملت اسبوع ومفيش خبر :)(: موفقين

@7Hesham

تخصصي هندسة ميكانيكية قدمت على وظيفة Consultant قبل اربعة اشهر تقريبا والحمدلله وصلني العرض الاسبوع الماضي.
بالنسبة للمقابلات سويت معهم 4 مقابلات وكلها كانت عن طريق التلفون تختار وقت ويتصلون عليك، كانت الاسئلة تقريبا متشابهة.
-المقابلة الاولى مع موظفة من الامارات.
-المقابلة الثانية مع موظفة اتش ار من الرياض.
-المقابلة الثالثة مع موظف Consultant
-المقابلة الرابعة والاخيرة كانت مع رئيس قسم الاتش ار.
تبدا المقابلات بعرفنا عن نفسك.
وهذي بعض الامثلة لاسئلة من المقابلات الاربعة واغلبها تكرر اكثر من مرة:
*هل سبق لك وان كنت قائد في فريق اذكر مثال.
*ما هو انطباع اعضاء الفريق عنك.
*هل سبق ان واجهت مشكلة مع عضو في فريق انت قائده وكيف تعاملت مع المشكلة.
* اذكر موقف اتخذت فيه خطوات ساعدت على نجاح فريقك.
*لماذا اخترت PWC وماذا تعرف عن الConsultant.
*ماهي الصفات او المهارات اللتي تحتاجها للعمل ك Consultant.
* اذكر موقف عارضت فيه قرار مديرك او المسؤول عنك.
* ماهي اهم نصيحة او قاعدة عند التعامل مع ال Customers.
* ينبغي عليك اتخاذ قرار معين وكان امامك عدة خيارات، ماهي طريقة اختيارك.
* ماهو اصعب قرار اتخذته في حياتك.
هذي الاسئلة اللي اذكرها حاليا.
زي ما ذكرت المقابلات كلها شبيهة ببعضها والاسئلة المتعلقة بالفريق تقريبا تكررت في كل المقابلات.

@7Hesham

* اساسي : 9915 الف
* فل بكج : 13000 الف
* بونص سنوي
* تامين طبي (بوبا)
* اجازة سنوية 20 يوم عمل

- مقابلة مع PWC
- مقابلة PwC
- خريجي المحاسبة (الحاصلين على CPA / Master’s degree) شركات Big 4
- PwC Middle East مقابلة
- استشارة بخصوص عرض من PwC
- Ernst & Young assessment test
- فزعتكم بخصوص مقابلة PwC
- الكواب في شركة PwC
- ابحث عن وظيفة افضل من وظيفتي
- [استفسار ] اختبار Pwc](‘[استفسار ] اختبار Pwc - Career - STKFUPM’)
- ge or pwc
- coop in PricewaterhouseCoopers ؟