أكاونت برنس …
بأنصحك و لست بأعلم منك لكي أنصحك … و لكن زي ما يقولو مشاركة للأفكار و الخطط
أنا الحين في فترة الكووأب و اشتغل مع PwC … بديت الكووأب في يناير يعني في عز الموسم يعني داومت اول يوم و اليوم الثاني نزلت كلاينت لأن كنت أشتغلت معهم ثلاث شهور قبل و عندي خبرة بسيطة …
أداوم هنا لين الساعة 8 أو 9 بالليل … و مرات لين 10 …
زملائي الموظفين الرسميين يداوموون مرات لين 2 بالليل … طبعا الحين الوقت الحالي … يعني لا اخفيكم كرف مو صاحي و ارهاق و تعب نفسي و جسدي ( تجلس 9 ساعات على مكتب و اصابعك تطقطق عاللاب توب)
بس مو دايم كذا … يعني في high season و فيه low season شهر مي و جون و سبتمبر هذه low season يعني بالعكس الشركة تعطي الموظفين اجازات رووحو سافروو يعني … و الhigh season كلها تقريبا 4 شهور
هذه هي قيمة المحاسبة … auditing …
يعني لا جيت تنظر من جهة أخرى … وش الخيار الثاني عندك …؟
1) تتوظف في الدولة براتب 7000 بعد عشرين سنة يوصل 10000 … بيئة عمل أسوء من السيئة تحس انتهت حياتك ما وراك الا القبر خلاص ما فيه تطوير ما فيه طموح … خلاص اقعد اشتغل و استلم راتبك اخر الشهر و تاكله و تطفر لك اسبوع لين اخر الشهر … و كذا بس روتين ممل جدا و يذبح
2) تتوظف في شركة الحين في قسم المحاسبة يمسكوك accounts payable تسوي اعمالك اليومية الروتينية جدا نفس الشغل كل يوم تسويه ما فيه جديد و راتبك 10000 بعد كم سنة وصل 15000 و مكانك سر …
أكره الروتين
و لكن لو تتوظف بال big 4 … كل يوم تحديات كل يوم اشياء جديدة وبين كل فترة و فترة تغير مكان العمل ( شهر تروح تشتغل مع كلاينت و بعدها بكم اسبوع تنزل كلاينت ثاني و كذا … طبيعة شغلك ممتعة و لو انها كرف بس افضل بمليون مرة من الروتين … وبجانب هذا نسبة حصولك على socpa و cpa لما تكون معهم أكثر بكثير لما تكون بشركة او بالقطاع الحكومي … و اذا حصلت عليها و صار عندك خبرة 3 أو 4 سنوات … بتلاقي فرص كثيرة في مناصب قوية و رواتب مجزية جدا … يعني بيغلى سعرك بالسوق و ما يحتاج تسوق لنفسك لان مؤهلاتك تسوق لك و بقوة …
المشكلة الوحيدة ممكن انعزالك عن حياتك الاجتماعية و الاسرية في ال high season لاني الحين اواجهها … و لكن اولا في ال high season مب على طول اداوم لين 8 اكثر الايام لين 6 و اطلع و ثانيا في فترة الصيف يتقلص وقت الدوام لين 5 بدل 6 ثالثا ما فيه تووقيع حضور و انصراف و هذه مريحة جدا للنفسية يعني تعال متى ودك و روح متى ودك بس اهم شي الشغل ينجز يعني الدوام يبدا 8 بس فعليا كل الموظفين ما يداومون الا من بعد 9 …
و بالنسبة لي اذا الله اعطانا العمر و العافية … بارجع اتوظف معهم ان شااء الله احاول احصل عالزمالة و لو انها مب سهلة و لكن باحاول
و في الاخير الله يوفقك اخووي و يكتب لك اللي فيه الخير …
و اي خدمة ما اقصر معك ان شاء الله يعني تبي اوصل السي في للمكتب عندنا انا موجوووود