السلام عليكم
صبحكم بالخير
لو سمحتم صديق عزيز لي متخرج من هالجامعة ويفكر يكون معيد باحدى الجامعات السعودية
ومن شروط القبول recommendation letter من دكاتره درسوه بالكالوريوس
فهل الحصول عليها صعب ؟ يعني على اي اساس الدكتور يكتبها ؟ لانه هو مو راعي تشبيك ولا
شي هل يكفي قريده بالكورس عشان يعطيه اياها او كيف
اتمنى من اي احد عنه علم يفيدني لاهنتم
ولكم جزيل الشكر
نفس الأسئلة, ننتظركم . .
اهم شي يكون دارس عند الدكتور … اغلب الدكاتره متساهلين ومايقصرون … بس بعضهم يشترط انك ماخذ عنده قريد حلو لكن مو كلهم … انت شف الدكاتره وراسلهم … وبالتوفيق …
وعليكم السلام ورحمة الله وبركاته
لا يا إخوان ما فيه أي صعوبة… الأساتذة متعودين يعطون خطابات توصية لطلابهم
وما يحتاج تكون المعرفة شخصية… لكن في هالحالة تكون درجات المادة مهمة نسبيا
وخاصة لو أنت درست المادة قبل سنوات… لأن الأستاذ احتمال كبير ما يتذكرك
عشان كذا يفضل اختيار الأساتذة اللي درسوك في السنة الأخيرة أو حولها… وخاصة لو كان شغلك معهم زين
لأنهم غالبا بيتذكرونك أكثر… ولأنهم درسوك مواد تخصص متقدمة فيكون رأيهم موثوق أكثر ويعكس مستواك في تخصصك
نصيحة… حاول تحضر كل المعلومات اللي بيحتاجها الأستاذ بشكل مكتوب… وترسلها له بإيميل بعد ما تكلمه
مثلا… كتابة اسمك الصحيحة… رقمك… تخصصك… الهدف من طلب الخطاب
ما هي المادة أو المواد اللي أخذتها معه ومتى؟
درجاتك في المادة؟ هل هناك مشاريع أو عمل جماعي في المادة؟
كذلك… اختار أكثر من أستاذ لأنه للأسف الأغلبية الآن مسافرين ويمكن ما يكونون متواجدين في الصيف
وطبعا لا بد الواحد يراعي انشغال الأستاذ… ويعطيه فترة كافية لكتابة الخطاب
الله يوفقنا وإياكم للخير
يا بن الحلال خش المكتب وقوله ابي توصيه
عندهم خطاب جاهز ومعروف, بس يغير الاسم ويطبع الورقه ويوقع
ترى الشغلة سهالة و أنا أخوك …
بعد تخرجي من الجامعة بثلاث سنوات … نويت أكمل ماستر …
كل اللي سويته … اتصال بالجوال … السلام عليكم دكتور فلان … معك فلان الفلاني
درستني المادة الفلانية … في الترم الفلاني … و أخذت عندك الدرجة الفلانية …
ممكن جزاك الله خير تسوي لي recommendation letter
و نفس الكلام سويته مع الدكتورين الآخرين …
رغم إنهم ما يعرفوني … و لا يذكرون شكلي …
و كانت درجاتي … مع الدكتور الأول B +
و الثاني B
و الثالث مادتين A و B
و وقعوا الأوراق … و أرسلوها لعمادة الدراسات العليا …
و كل شئ جاهز …
و كل هذه الإجراءات تمت … و أنا في الديرة … بالقرب من البحر الأحمر …
و الدكاتره على ضفاف الخليج العربي …
طبعا … الكلام هذا عام 2009 … هل تغير و الا لأ … ما عندي علم …
الخلاصة … شوف أفضل درجات أخذتها في المواد اللي في قسمك …
و تواصل مع الدكاترة اللي درسوك فيها … و خبرهم عن معدلك العام …
مهم جدا … إنك أخذت درجة ممتازة في المواد اللي درسوك فيها …
من الصعب يزكيك الدكتور … إذا كانت درجتك سيئة عنده …
بالتوفيق …
وعليكم السلام ورحمة الله
بالنسبة لموضوعك التوصية سهلة بس خله ياخذها من دكاترة التخصص نفسه
مثلا زي وضعي تخصصي هندسة كهربائية-اتصالات والكترونيات
اخذتها من دكاترة الاتصالات … خله يروح للدكاترة بالقسم ويطلبها منهم
ويفضل انه يعطيهم اسمه بالانقلش زي اللي مكتوب بجواز السفر يعني اسم العائلة اول , بعدين الاسم الثلاثي مثال
alfisal, mohammed khaled m
طبعا الدكاترة بما انهم متعودين يكتبون التوصيات تلاقيها عندهم جاهزة بس يغير الاسم
* يفضل اخذ مالايقل عن 4 نسخ من كل دكتور لانه بيحتاجها مستقبلا بالتقديم عالجامعات لمرحلة الماستر
اهم شي دكتور وكل ما ارتفعت شهادته يكون افضل
يعني التوصية اللي تاخذها من بروفيسور لها وزنها تختلف عن الاستاذ المساعد
الله يجزاكم خير جميعا
يعطيكم العافية 
سؤال شباب الي بقدم معيد في البترول هل يحتاج توصيات ولا جمعتنا تطلب التوصيات للماستر فقط؟
اذا بتصير معيد بالجامعه، لازم يكون عند على الاقل توصيتين من الدكاتره اللي درسوك بنفس التخصص
إختر الدكاترة الي أخذت معهم أعلى الدرجات خاصتا في مواد التخصص. بعد كذا إختر أفضل الدكاترة أكاديميا