السلام عليكم,
شركة retal
Retal Urban Development Company
شركةتابعة لشركة الفوزان القابضة
احد يعرف عنها معلومات, اي معلومات صغيرة كانت ام كبيرة بتكون مفيدة لي
الوظيفة في قسم المشتريات -- Procurement Engineer
شكرا للجميع
عليكم السلام،،،
ريتال هي مطور عقاري وعندهم كم مشروع بالشرقية والرياض.
الشركة تعتبر عائلية،، من برى تشوفهم بروفشنل، بس بالحقيقة من داخل لا…
المهم ماانصح فيها.
للأسف
الشركات العائليه فتحت شركات فرعيه تتخصص بالديزاين والمقاولات بدون خبره مسبقه …
تمسك عقود وهي غير مؤهله …
تفتقر للموظفين وتمشي بالسالب اول كم سنه …
اذا عاطل اقبل الوظيفة …
حتى لو شركة عائلية إقبل فيها بالأخص اذا كنت عاطل . اكسب خبرة .
لكن نصيحة لا تغلط الغلطة اللي أنا غلطتها لأن بعضهم نصابين بصراحة ويستغلوك إستغلال .
شركة عائلية مديرها قلي مبروك الوظيفة واشتغلت عنده فترة تدريب 3 شهور دون أي عقد أو تأمينات كلها بدون راتب وقلي بعدها بيوقع معي العقد الوظيفي . وسويت فيها كل شيء ريبورت وأمور مثالية ورفعت شركته فوق ووو وكنت ضامن أنه بيوظفني وتجاهلت العروض الأخرى اللي كانت برواتب وعمولات مباشرة .
بعد إنتهاء الفترة التدريبية ماوظفني وإستبدلني بشخص اخر يضحك عليه ل 3 شهور أخرى !! وانا عاطل ولا استفدت شيء من الخبرة لانها دون عقد أو تأمين ولا اقدر اكتبها بال CV ولا العروض الأخرى .
زبدة الموضوع لا تقبل بالعمل الا براتب أو أسحب عليه وقت مايجيك عرض أخر مباشرة ولا تلتفت أنه بيوظف . ولله انها صارت لي وندمان على الخسارة ذي .
الشركات العائلية عموماً جيدة لكن خليك أذكى منهم .
بالتوفيق .
والله لم نعد نعرف ما هو توجهك،موضوع الانتقال الي الوظيفيه الجديده ذكرت انك موظف وتريد ان تستقيل من وظيفيتك بسبب حصولك على عرض وظيفي، وهنا ذكرت انك عاطل، بالله وين موقعك من الإعراب!!!
هذا معروف بالمنتدى ، تم انهاء عضويته وجا بعضوية ثانية
اختلف معاك وبشدة ، الشركات العائلية محطة للانتقال لوظيفة اخرى.
World most strange character
هههههههههههههه
1 Like
هذا موقف صار لي سابقاً قبل التوظيف بالوظيفة الحالية ياغالي وحبيت أنصح وأحذر فيه الناس .
الشركات العائلية معاك محطة للإنتقال بالأخص للعاطل لكن ويشهد الله ان بعضهم يستغلك أسوء إستغلال دون وجه حق فخليك ذكي بهذي النقطة بالأخص الشركات العائلية .
على سبيل المثال التدريب لمدة 3 شهور دون عقد ثم التوظيف راح تلاحظ يقلك هالكلام لا تضمن كلامه .
بالتوفيق للجميع ان شاء الله .
كنت قاعد اقرأ بجدية واقول مسكين الرجال آخرتها طلع ريقاردس لا بارك الله
2 Likes
كنت قاعد اقرأ بجدية واقول مسكين الرجال آخرتها طلع ريقاردس لا بارك الله