Dr. Reyad A. Shawabkeh
http://faculty.kfupm.edu.sa/CHE/rshawabk/index.1.jpg
Professor Reyad Shawabkeh Homepage-KFUPM
بنود التقييم :
التحضير :
طريقة الشرح :
الكويزات :
المياجر:
الفاينلات :
القريد النهائي:
الصوت:
إضافات :
لوسمحتوا يا شباب الدكتور اللطيف هذا وين مكتبه لان هو الادفايزر حقي
1 Like
-----
من اسوا المدرسين الي مروا علي
طول الترم و هو يتكلم عن الامانه و انه يشرح بامانه و انه متعب نفسه و هو اكبر كذاب
اذا اخذت عنده ما راح تفهم الكورس
شرحه يكتب ع السبورة من اوراق معه لو يساله احد ضاع
اختباراته يجيبها من النت قبل الاختبار بخمس دقايق و كلها اخطاء
يحاول يعطي جميع الطلاب درجات متوسطة … ثلاثة ارباع الكلاس نفس الدرجة
نصيحة ابعد عنه قد ما تقدر … اعطية d
كيف الدكتور هذا في الـ che 495 ؟
تكفووووون يا الربع
1 Like
السلام عليكم
الدكتور هذا متعب التعامل معاه. من نوعية الي يرسل ولا يستقبل و مستحيل تناقشه في شي
انا حاليا طالب كوأب و الدكتور هذا اهو الكوأب ادفايزر حقي سلمت له الربورت الأول و مشيت على حسب المطلوب حرفيا و لمن عطيته الربورت يقولي ما يجبني هذا وين الحسابات وين الي الحالات الي اشتغلت عليها قلت له هذا الربورت الأول مكتوب فيه ان نحن نتكلم عن الشركة و ماهي الحالات الي بشتغل عليها مب اسلم لك معادلات و ما ادري شنو
المعم بعد صراع دام 20 دقيقة و الأخذ والرد و اقوله شنو تبيني اسوي الحين يقولي خلاص ما نقدر نسوي لك شي انتهى امرك. اقوله باقي 3 شهور خلنا نستفيد منها , كأني قاعد اكلم جدار
على كل الدكتور هذا اذا ما حدك الزمن عليه لا تاخذ عنده اي كورس لان النوعية الي ما تستمع الى الطرف الأخر ما تقدر تتواصل معاها
و هذا ما عندي حتى الأن و تسليم الربورت الثاني بعد 16 يوم بعطيه اياه و شكل بتهاوش معاه و يقوم الطق و المطاقق 
آمل اني ما طولت عليكم
1 Like
تقييم
السلام عليكم …اخلاق وحبيب ونكتي ومرح واحلى مافيه ان الابتسامة ماتفارقه…انا يدرسني che 495 جداَ مرتاح معاه بس اهم شي انك
ماتلعب وتسلم الريبورتات في الوقت و تحضر الميتق مع القروب …الدكتور متساعد ما يطلب اكثر من انك تعمل شغلك ويرحب بأي واحد لحضور كلاساته او لسؤله ( هالكلام من رؤية درجاتي ودرجات الشباب الي اخدو معاه كلاسات )…يتقبل اي سؤال من الطالب وبصدر رحب ويجيب على جميع اسئلة الطلاب…متساعد من ناحية التصحيح خصوصا انا صاد عندي 50% بلارجزم في اول ريبورت وتالي يعطين 9.5/10 ويقلي بس لاتعيدها…وباقي الشباب سلموا الديزاين رببورت ناقص قال ليهم اكملوه و ضيفوه في الفاينل ريبورت و باقيمكم بس على الفاينل ريبورت .
انا مو عادتي اقيم الدكاترة لكني قيمت هالمرة استغراباً من الكلام الذي يقال عليه وإنصافا فيه , و لاني اثق انه شخص يريد ان يقدم المزيد والكثير للقسم
واتمنى ان نتعلم النقد البناء ، حتى لا نقوم با اهانة او غيبة احد
وأخيراً :
من علمني حرفا كنت له عبداَ…شكراً لك
1 Like
انا نزلت مع الدكتور هذا الفصل مادة السينير بروجكت 495
المادة كانت متعبة و احتاجت وقت كثير جهد كثير و يشهد الله ان الدكتور من اهم العوامل اللي ساعدتنا خلال فترات المشروع و تحقيق المتطلبات اللي علينا … كان متساعد كثير مع مجموعتنا و مع كل المجموعات … وما كان يبخل علينا بالاجابة لاي تساؤل بالعكس اذا رحت له المكتب تسأله مايخليك تطلع الا فاهم ولا تشيل هم بالقريد ان شاءالله
وبصراحة شوابكه فيه ميزة غير عن الدكاترة … الدكتور يتعامل معك على سجيته وبعفوية تامة وخلوق جدا وهذي بالنسبة لي صراحة من اهم الاشياء اللي تميز اي دكتور
واللي عنده 495 لا تفوت الدكتور نصيحة مني
صراحة كثير منصدم من كلامك اخ azeezo
واسمحلي اعلق على كلامك من اخره … انت طالب جامعي و محترم ومتربي … في اساليب راقية للتعامل اكثر من بروح بتهاوش و بيقوم الطقاق ومدري وشو … وترا اذا كان اسلوبك كذا من جد التعامل معاك متعب ومن الغلط انك تحاسب الناس على نفس اسلوبك
وبالنسبة للكوأب … لو قريت المطلوب بتلقى انه مطلوب منك تسوي دراسات على الحالات اللي اشتغلت عليه و فيها معادلات وارقام و تسوي سيميوليشن على الهايسس … الهدف من الكوأب انك تطبق اللي تعلمته خلال السنوات اللي راحت وتسوي دراسات زي ريبورتات 309 و 409
وعموما الفصل هذا من باب المصادفة … الدكتور كان 2nd examiner للكوأب حقي … والحمدلله اخذت قريد بطل وهذا بتوفيق ربنا ثم وقفة الدكتور معي خلال العرض اللي كان فيه الادفايزر حقي شديد معي … شوابكه كان بطل شجعني كثير خلال العرض وعززلي كثير الله يجزاه خير ياليته كان الادفايزر حقي
1 Like
مااصدقت
يا اخي اتق الله فيما تقول, أشهد انك ماصدقت وحتى لو كنت صادق الانتقاد غير الكلام في شخص الدكتور واتمنى من ادارة المنتدى تضع حد للردود المتجاوز فيها
لو فقهنا هذه الآية فقط لما تجرأ أحدنا أن يكتب كلمة
واحدة إلاّ بعد تمحيص وتفكير وهذه الآية التي أعنيها قوله تعالى :
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) (قّ:18)
يمكن تقول والله هذا ماخذ قريد كويس عند الدكتور وجاي يمدح , ابداً والله
ما حصل لي الشرف اخذ عند هالدكتور الفاضل كورس , لكن بعلمك
والكلام للجميع
كنت اخذ كورس ال 303 مع دكتور الله يذكره بالخير و حسيت اني مو مرتاح للشرح فقررت احضر مع الدكتور رياض للاستفاده
والله ما في كلامك اي شي من الصحه
ع الاقل النوت والامانه اللي تقيمها من عندك
واضحكني شي بجد لمن تقول يشرح من الاوراق ولو احد سأله ضاع
ياخي الدكتور متمكن جدا من الماده ولا انت في مكان انك تقيمه بالطريقه هذي
عذرا اخواني للاطاله , لكن كلمة حق وكانت لابد ان تقال
الدكتور فاضل ومحترم واخلاقه عاليه ,و متفهم لوضع الطلاب
تحياتي للجميع وبالتوفيق
1 Like
che304
ترم 123
التحضير
تحضير يومي وما يحب التاخير ابدا ولكن يثق في الطلاب ومتفهم لوضعهم يعني لو غبت رح عنده وما راح يقصر معك ولو كان عندك رحلة بلغه وراح ياذن لك
طريقة الشرح
جداا شريح ويربط الماده بالواقع والنوت اللي يكتبها في الكلاس كافية للماده
الهوموركات
يعطي تقربيا هومورك كل اسبوع ونص طبعا الهوموركات سهلة وكان يجيب من اسئلة الكتاب اغلب الاوقات وكان يقول اللي ما عنده المانوال يجيء ياخذه من عندي
الكوزات جدا سهلة ومن الهوموركات
المياجر
طبعا كان هو الدكتور الوحيد اللي يدرس الماده في الصيف وكان يجيب الاسئلة من الهوموركات وكان يتجنب الاسئلة اللي فيها صعوبة
القريد A+
1 Like
che 495 - ترم 131
الدكتور متعاون جدا …
وحبيب … لكن …
احيانا يكون “نفسية” … ويتنرفز من امور مالها داعي … ولذلك تعامل معاه بحذر … معاملة طالب لدكتوره لا اكثر ولا اقل …
وقريداته كانت مرضية بشكل عام …
انصح فيه …
بالتوفيق …
1 Like
كيف وضعه في ال 402 يا شباب؟
طحت معاه في الكوآب والسنير بروجكت
سيئ جداً في التعامل ونفسه واصله لخشمه
يألف كلام وسوالف ماصارت
توزيع القريدات بالنسبة لغيره في قسم الكميكال منتازه
لكن التعامل ماش
1 Like
CHE 402
Term 161
التحضير: اغلب الكلاسات ما يحضر
الشرح: شرحه ممتاز ويكتب نوت بطل يغنيك عن الكتاب بس بعض الاحيان يكون ضايع خصوصا اذا يحل المسائل
الكويزات: اخذنا كويز واحد سههههههل
المياجر: الميجر الاول كان سهل والثاني كان متوسط
الفاينل: نفس مستوى المياجر وكان اوبن بوك
القريد النهائي:B
اضافات: الدكتور بشكل عام جيد وكان متساعد معنا بس يعيبه مرات يزعل ويتنرفز اذا الطلاب صححوله اشتقاق القوانين او في الكالكوليشن
1 Like