السلام عليكم ورحمة الله وبركاته.
مثل ما هو مذكور في العنوان، عندي مقابلة بإذن الله مع Strategy and Market analysis في ارامكو. الله يكتب الوظيفة من نصيبي ويرزقكم كلكم يا كريم.
اولا عندي اسألة بخصوص الاسسمنت، انا حرفيا معلوماتي الاحصائية صفر تماما قاعده اراجع الان معظم القواعد الاساسية الي ذكر انها راح تجي في الاسسمنت.
ولكن سؤالي هو: هل صدق مره صعب والوقت ما يكفي؟ ايش لازم اعرف قبل اخذ الامتحان؟ + تنصحوني اذا الوقت صار قليل اسوي wild guessing والا عادي اترك بعض الاسئلة مو محلوله؟
ثانيا بخصوص المقابلة، ما ذكروا لي الposition، قالوا بنقول لك في المقابلة. هل هذا شيء طبيعي؟ طيب شلون احضر للمقابلة وانا ما عندي اي خلفية عن ايش ممكن الوظيفة تكون؟ ايضا بحثت عن SMA وحصلت معلومات قليلة جدا في لينكدان. هل لازم ان تكون عندي معلومات كثيرة عنها؟
احد يعرف عن القسم هذا شيء؟
وبما اني حديثة تخرج تتوقعون يستقعدون لي بالاسئلة ولا؟
برضو، مين بالعادة يسوي المقابلات اجانب ولا سعوديين؟ وكيف لازم تكون اللغة (اعرف انها مهمه) لغتي متوسطة عاليه بس التوتر يلعب فيني لذلك عادي اكلج مثلا؟ الي يسوون الانتيرفو تكون اللغه حقتهم مره بيرفكت والاكسنت ميه ميه ولا عادي؟
اخر سؤال، انا متوقعه عرض وظيفي خلال الايام القادمة ان شاء الله ان الله يسر، عادي اذكر هالشيء في المقابلة او اسكت احسن؟
اسفه اذا مكان الموضوع غلط بس يعني تو العضوية مفعله ما اعرف وين احط الموضوع.
واعتذر على كثرة الاسئلة بس قلت احطها مره وحده احسن.
شكرررا مقدما واتمنى تساعدوني لو بشيء بسيط رجاء الله يفتح عليك ابواب رزقه.
وعليكم السلام ووحمة الله وبركاته ،
اولا اسال الله ان يجعل لكي المقابله اسهل مما تتوقعين …
وان يكتبها من نصيبك ،
للامانه ما قد سويت مقابله مع ارامكوا ولا حتى اختبرت اختبارهم … لعل الشباب يفيدونك اكثر .
لكن لا تعلمينهم انك تنتظرين عرض وظيفي ابدا ، مافي اي داعي ولا حاجه انك تقولي لهم منعاً لاي فكره ممكن تجي في بالهم .
استعيني بالله وعليك بالدعاء في جوف اللليل ، واخلي املك بالله فقط ،
اهم شيء الراحه الذهنية ، والهدوء ، ولا تتوتري وحاولي انك تدربي بالبيت قبل تروحي لهم . ودامك فريش ما اتوقع بيكون في ذاك التحجير ممكن التركيز غالبا بيكون ع شخصيتك ومهاراتك . حاولي تبحثين عن المهارات بالنسبه للبوزشن هذا .
اولا، شكرا جزيلا على الرد، والله يكتب لك من دعائك نصيب.
ثانيا، ما قصرت، لكن بخصوص العرض الوظيفي، انا جلست تقريبا ست شهور اسوي مقابلات وما توظفت، فقلت لو سألوني مثلا ليش ما توظفتي اقول لهم اني سويت مقابلات وقد احصل على عرض وظيفي قريب.
عشان ودي اوضح لهم ان خبراتي ومهاراتي كويسه الحمدلله!
تتوقع عادي اذا كذا؟ ولا تحس لو ما اقولهم افضل بكثير؟ ايش ممكن يجي ببالهم لو قلت لهم عن العرض الوظيفي؟
شكرا الله يعطيك العافية، وان شاء الله اذا احد يقدر يجاوب اسألتي الباقيه ما يبخل علي يا رب.
- غالبا الي يسون المقابلة سعوديين و ممكن يكون واحد منهم اجنبي لكن غالبا سعوديين
- غالبا بيسألونك وش تعرفين عن قسمنا ،
- شوفي سجلك الأكاديمي اذا فيه كورس مرتبط حتى لو بشكل بسيط لطبيعة عملية القسم سواء كتسويق او احصاء لأن ممكن يسألونك عنه او لو كنتي فاهمة الكورس صح تقدرين تجيبن طاري الكورس وهالشي بيكون في صالحك بشرط انك تكونين فاهمة الكورس .
- بخصوص اللغة هي مهمة لكن مايحتاج تتوترين ، في كثير من الشباب لغتهم متوسطة لكن توظفوا في شركات كبيرة ومنها ارامكو لكن الأهم طريقتك في الكلام و انك تقدرين توصلين المعنى بشكل سلس . وبخصوص الاخطاء في الكلام تصير عادي خاصة مع التوتر لكن في النهاية هي مقابلة ما اشوف لها داعي الواحد بالعكس يدخل مرتاح وعشان يقلل من التوتر لما يدخل يسلم على الموجودين ويحاول انه يستعد صح لسؤالك ( تكلم عن نفسك ) لأن هو الي بيحدد مسار المقابلة
وعلى العموم احيانا يخيرونك بين العربي والانجليزي ، او يتكلمون انجليزي تالي يقلبون عربي ، فالوضع عادي
- لاتجيبين طاري العرض الوظيفي سواء في مقابلة ارامكو او غيرها ، ولو سألوك وش سويتي خلال التخرج قولي دخلت في مقابلة مع عدة شركات و وصلت لمراحل متقدمة في التوظيف في بعضها لكن ماتوفقت ، وقولي خلال هالفترة حاولت اخذ دورات سواء اونلاين او حضور ، وانك تطوعين واي شيئ يثبت انك كنتي تشتغلين على نفسك خلال هالفترة .
طبعا لاتقولين شي ماسويتيه
جميل، بخصوص الروابط هذي اطلعت عليها وتقريبا هذا كل الي حصلته عن القسم عشان كذا حسيت معلوماتي قليله جدا.
ولكن الله يسعدك شكرا جزيلا على المساعدة الله يفتح لك ابواب رزقه.
سؤال اخير، قرأت كثير عن الاسسمنت تست هنا، فيه ناس يقولون مو لازم تجاوبون كل الاسئلة لانه اختبار وقت و و و .
وناس يقولون اذا ما جاوبنا على الاسئلة بيحسبونها خطأ وبتدخل في الحسبة.
انا احترت يعني ما عرفت انا اجاوب على الاسئله كلها او اركز على عدد معين واحاول اجاوبهم صح!
واسفه على كثرة الاسئلة… ومره شكرا على التجاوب الله يجعلها في ميزان حسناتكم
توكلي على الله , وان شاء الله الامور طيبه
سويت مع هذا القسم مقابله قبل 5 شهور تقريبا !
وطبعا والبوزيشن كان Business System Analysis
فـ على تخصصك الجامعي اكيد المقابله بتكون على شي بتخصكك
كوني محضره ل مشروع التخرج وكوني اكيد ملمه في تخصصك في حال الاسئله المتعقله بالنسبه بالمواد اللي خذيتيها .
المقابله بالانجليزي, ما اتوقع ينظرون لاكسن قد ما ان الشخص سهل المخاطبه في فهمهم والرد عليهم بوضوح!
الله يسعدك ويكتب لك التوفيق ما قصرت…
انا فقط تمنيت يكتبون المسمى الوظيفي عشان يكون عندي خلفيه، ولكن بسوي الي بقدر عليه والله يكتب الي فيه الخير بإذن الله.
شكرا جزيلا للجميع اتمنى لكم التوفيق والسداد.