انترفيو مع صدارة الاسبوع الجاي تحت هذا المسمى Security Engineer II. الباك قراوند الكترونكس انجنيرنق وخبرتي متواضعة جدا اقل من سنة ومب في مجالي البحت. التقديم كان قبل شهر عن طريق الويبسايت على نفس هذا المسمى وجاني اتصال منهم امس بخصوص عمل انترفيو.
مدري هل فيه احد عنده اي فكرة عن طبيعة مقابلاتهم وهل هي بيهيفير بيسد ولا روتينية تكنكال واسئلة شخصية.
انا نفسك جتني مقابلة على مسمى وظيفي مقارب و أبحث عن أحد ينصحني … لا اعرف ما هي طبيعة الأسألة المتوقعة … أتمنى الي يملك معلومات عن القسم او طبيعة الأسألة المتوقعة انه ما يبخل علينا …
اللي أعرفه عن الـ security engineer هو في مجال أمن المعلومات
يعني مهندس شبكات متخصص في أمن المعلومات
يعني تبع إدارة تقنية المعلومات و الاتصالات
بس اللي مستغربه أنك مهندس إلكترونيات ، و ما أظنك درست شيء في أمن المعلومات أو شبكات الحاسب
فما أدري هل المقصود هو السيكيورتي تبع الـ IT ؟
أو المقصود مهندس في إدارة الأمن الصناعي Industrial Security ؟
لعل الإخوة اللي لهم سابق تجربة أو معرفة مع الشركة يعطونا فكرة
اذكر في تصنيفها في اللنكد ان كانت اي تي ،، آعتقد انه اقرب للسيستم او النيتوورك سيكورتي انجنير ،، البوزشن تابع corporate security department وهذا اللي محيرني اكثر ومخليني اشتبه انه تبع الامن الصناعي
بما ان الشركة كلمتك ف اكيد انهم اطلعوا عالسيفي تبعك و مقتنعين بك لشغر البوزشن .
المهم بما انك بالسيكيورتي فبيصير شغلك حساسات و اجهزة مراقبة وانذار بحال الحوادث حريق,غرق, سرقة, تهريب غاز,… الخ
مثلا وين المكان المناسب اللي تركب به الكاميرات و تغطية المنطقة والمباني حماية: كاميرات, حساسات, اجهزة انذار, مراقبة قد يتعلق الامر ايضا ب مراقبة المركبات بانواعها وبيانات الموظفين متى دخل متى طلع الايديز والستيكرات الخ … كومبنيشن بين الايتي والسيكورتي طبعا ماراح تكون بواب لا ولكن اتوقع بتكون ماسك فرقة اداري
انا اقول لك هالكلام لاني بالكووب كنت حول قسم الايتي ارامكو مراقبة السيارات والسفن واسمع ان بين الايتي والسيكورتي تعاون واتوقع صدارة مارح تخرج عن كذا .إن شاء الله يكون كلامي مفيد لك وموفق
المقابلة كانت شخصية وتكنكال ،، مع ان خبرتي جدا متواضعة ثلاث شهور فقط بس كانت انواع التحجير ،، جو الانترفيو كان شوي متوتر ومافيه اي محاولة منهم لتلطيف الجو.
نصيحتي حاول تحفظ وتفهم الجوب دسكربشن كويس ،، واذا عندك خبرة حاول قد ماتقدر تكون فاهم وش تتكلم عنه لا تقط عليهم معلومات عشوائية. موفق