بنود التقييم :
التحضير :
طريقة الشرح :
الكويزات :
المياجر:
الفاينلات :
القريد النهائي:
الصوت:
إضافات :
CHE 304 - T241
بسم الله الرحمن الرحيم،
التحضير:
دايم يحضر، على ورقة تمشي عليكم، بالله لاتفكر تحضر خويك لان عز الله اذا انتبه الدكتور ماراح يسوي خير في كامل سكاشنه، ف ارجوك لاتنكب الدفعة معك
الشرح:
شرح الدكتور فوق الممتاز، يشرح من سلايداته و يشرح و يحل كل شي بالتفصيل، يكتب في السبورة كثير، الدكتور يذكر نقاط مهمة و يمثل لك كيف ممكن يلعب في الاسئلة فيها
الكويزات:
متوسطة و اغلبها من الواجب
المياجر:
متوسطة، الدكتور كان يجيب ٣ اسئلة، اثنين واضحين و واحد فيه فكرة شوي، الافرج كان ٧٠٪ للاول و ٨١٪ للثاني
الفاينل:
الفاينل كان كومبرهنسف صعب شوي
التصحيح:
تصحيح الدكتور ممتاز و يدف و يعطيك فوق حقك
الصوت:
واضح و لغته ممتازة
القريد النهائي:
A+
اضافات:
الدكتور قمة الاخلاق، جدا حبيب و تعامله جدا طيب مع الطلاب، الدكتور يسمع للطلاب و متساهل في التأجيل و اصلا يعطيكم خبر عن المواعيد الي تبون قبلها بفترة كافية،،، نصيحة، الدكتور جدا متعاون و حليل في كل شي، لكن الي على الطلاب هو ان يكونون في حسن الظن عند الدكتور بدون لف و دوران، الدكتور من بداية الترم يوضح كل شي لكم، طبعا من الاشياء الي شدد عليها هي ان لحد يحضر خويه،،، في ترمنا، الفاينل كان كومبرهنسف حسب السيلبس، بعض الطلاب تكلموا معه يخفف الفاينل وافق على طول و كان ناوي يحذف اسوأ كويز و اسوأ واجب و يعطينا كم غياب مجاني، في نهاية الترم قفط اكثر من مرة طلاب يحضرون اخوياهم و الجنون الاكبر ان في منتصف الترم واحد زرف ورقة التحضير كلها 0__0 لكن الدكتور ماحاسب احد على هذي رغم انه ماعجبه الامر ابدا، على كل حال الدكتور بسبب الي حضروا اخوياهم فصل على كامل سكاشنه و جاب فاينل كومبرهنسف صعب + ماحذف ولا كويز و ولا واجب و كل غياب خصم نص درجة عليه حتى لو غياب واحد بس، مع ان الدكتور قال لو الطلاب الي سببوا الامر زاروه بالمكتب و اعتذروا راح يعيد كل شي مثل ماكان بدون مايحاسبهم او يأثر عليهم لكن الحمدلله على كل حال، الدكتور انصح فيه بقوة و لو اشوفه في اي كورس ثاني راح انزل عنده