السلام عليكم ورحمة الله وبركاته…
عندي مقابله اسبوع الجاي مع شركة سايبم. هل فيه احد خش مقابلتهم؟ ايش الاسئله؟ تكنكل؟ كيف طبيعة العمل؟ هل فيه تطوير للمهندس الفرش؟
علما ان تخصصي هندسة كهربائيه…
شكرًا لكم…
1 Like
المقابله في الخبر ولا الدمام. لان فيه سايبم للحفر و سايبم الإنشائية
ممكن قصدك بالظهران مو بالخبر. راح تكون بالظهران ان شاء الله.
المقابلة سهله ان شاء الله ، المهم ان تكون لغتك الانجليزية ممتازة.
طبعا المقابلة كلها تكنيكال ، اذا انت خريج حديث فالأسئلة بتكون في اساسيات التخصص وبتكون سهله .
واذا انت عند خبرة أيضا بتكون اسئلة سهله في خبرتك
( بالمختصر بيسالك في سيرتك الذاتية )
1 Like
يعطيكم العافيه شباب… ان شاء الله راح اوافيكم بالجديد…
1 Like
كيف طريقة التقديم لاهنت (:
معرض التوظيف ٢٠١٧، و هذول الايميلين:
Ali.alsaba@saipem.com
mohanad.qahtani@saipem.com
1 Like
فعلا انا سويت معهم مقابلة يوم الأحد الماضي وكل الأسئلة من السيرة الذاتية وعن أمور تيكنيكال في مشروع التخرج. (جدا سهلة وبسيطة)
لكن استفساري! هل سهولة المقابلة تعني القبول أو فيه إجراءات أخرى!؟
1 Like
وش كان العرض أو المنصب اللي عليه المقابلة؟ هل ضمن الحفر أم الانشائية؟
والله يوفقك
كانت المقابلة على مسمى Structural Engineer Junior سواها معاي مدير قسم الديزاين في الشارقة (الإمارات) عن طريق سكايب في مقر الشركة في الخبر ،، والحمد لله جاني عرض وظيفي منهم امس.
2 Likes
ممكن تقول وين راح يكون مكان العمل؟ وهل انت على رأس عمل أم فرش؟ التخصص؟
1 Like
انا للحين ما جاني رد بالقبول او الرفض ، احد يقدر يفيدنا بمعلومات ؟؟
وش مجال عمل الشركة
وكم تتراوح رواتبها …
أولا آلف مبرووك
ثانيا هل تم التواصل معاك عن طريق الإميل او كان اتصال بخصوص العرض الوظيفي
الله يبارك فيك اخوي
وجاني العرض عن طريق الايميل
اهلين اخوي, سويت مقابله مع سايبم قبل اسبوعين ووقعت عقد مبدئي مع الشركه بنفس المسمى حقك بس ابي اعرف كيف اجواء العمل داخل الشركه وهل بعثوك الامارات عشان يدربونك. لو تقدر تتواصل معاي لان عندي اساله كثير عن الشركه
السلام عليكم اخوي ثامر
انا سويت مقابلة معهم فالجامعة قبل شهر تقريباً وانتظر ردهم،
وين سويت اول مقابلة انت؟ وكيف رواتبهم اذا ممكن؟
وعليكم السلام
انا سويت المقابله في شركتهم في الظهران بس كانت المقابله فيديو مع رئيس القسم اللي انا فيه جنسيته ايطالي في الشارقه وكانو يبون مهندسين مدنيين لمسمى Structural Engineer
المقابله كانت جدا سهله يسالك عن الكورسات اللي خذيتها في الجامعه يعني يبي يعرف اذا انت عندك معرفه عن التربه والحديد.
رواتبهم زينه يعني على السوق تقريبا بس مافيها مميزات كثير.
الاساسي 8000
البدلات والاوفر تايم يطلع لك 5050
يعني المجموع 13050 ريال وطبعا ماعندهم بدل سكن بس سألت موظفين عندهم وقالولي انه مافيه بدل سكن بس السكن عليهم
طبعا الدوام من 8 الى 6 او 6 ونص وخمس ايام في الاسبوع يعني عندك جمعه وسبت اوف
اول سنه يبعثونك الشارقه يدربونك على كورسات وبعدها يمكن يخلونك في الشارقه تشتغل فتره بعدين يرجعونك السعوديه على كلام الايطالي.
2 Likes
سلام عليكم …
انا عندي مقابلة بكرة مع الشركة في الظهران ؟
ممكن احد يفيديني وش نوعية المقابلة بالضبط… علما اني مهندس مدني خبرة ثلاث سنوات
وكيف رواتب المهندسين المدنيين ؟ خبرة ثلاث سنوات