http://www2.kfupm.edu.sa/me/smekid.html
د.سمير مكيد
بنود التقييم :
التحضير :
طريقة الشرح :
الكويزات :
المياجر:
الفاينلات :
القريد النهائي:
الصوت:
إضافات :
درسني me308
التحضير : يحضر اخر دقيقة بالكلاسسسس " ومايركز واجد على الناس اللي يتأخرون يعني " ولكنه يهتم للي يحضر مايغيب يعني
طريقة الشرح " على السلايدات " : وصراحة أبطل دكتور شفته في القسسسسم من ناحية الشرح ، يفهمك المادة بشكل عجيـب بالإضافة الى انه يربطها لك بالحياة العمليـة والله كأن احنا نتخيـل العمل كيف بيكون طبيعته ! صراحتن كان مبدع مع العلم انه شوي شديد يعني " أكلنا منه تهزيييييييء لين قلنا بس " ولكنه من باب النصح ينصح يعني !
الكويزات : ما اخذنا الا كويزين يمممكن لكنه ماكان مهتم لهم يعني !
المياجر : كوممممن ، ولكن تصحيحه كان جدا ممتاز
التقييم النهائي للدكتور : A+
الصوت : واضح ولغته جدا واضضضضحة
اضافات : انا كنت جايب الميجر الأول 82 ، الميجر الثاني 88 …
اما الفاينل خخخخ : 39 من 100
واللاب كنت جايب العيـد !
ومع ذلك اعطاني b+ ! يعني اعتقد انه عطاني فوق ما استحق ! صراحة دكتور رائـع بمعنى الكلمة ولو كانو كل الدكاترة مثلـه صدقوني راح تشوفون جامعتنا هذي من الجامعات الأولى في عآلميآ
1 Like
اخذت معه الترم102
وبصراحه هو من افضل الدكاتره الى درسوني للامانه
تعامل راقي و يهتم بفهم الطلاب انا ندمت اني ما نزلت معاه من اول
ما يقلقك زي بعض الدكاتره , انسان متواضع ولا هو شايف نفسه وبيعاملك بكل احترام وتقدير
شرحه ممتاز وبيركز على الكونسبت والاشياء الاساسيه
تصحيحه بيعطيك حقك وزياده ومستحيل يظلمك
تقييم العام ممتاز جدا
تحياتي لك يا افضل دكتور
1 Like
Production ME 464
التحضير : مسكات ساعات يحضر و ساعات لا و نفس الشي التأخير ساعات يدقق وساعات لا
طريقة الشرح : سلايدات و احيانا يحل مثال على السبورة
الكويزات : عطانا ٢ طول السمستر و الغى واحد فيهم
المياجر: كانت سهله كوبي بيست من النوت
الفاينلات : نفس الكلام بس الفاينل اصعب شوي من المياجر
القريد النهائي: B- B+
الصوت: واضح وساعات يجيب النوم
إضافات :
يحب يعطي نصايح و يطقطق على الطلاب و يعطي اسئلة بونص لكنها صعبه صراحة ,الكورس هذا بشكل عام كورس سهل و ما يحتاج شرح ولو بغى خلص المنهج اول ٤ اسابيع فما ادري عن شرحه في المواد الدسمة زي 308
1 Like
Production ME 464
التحضير : مسكات ساعات يحضر و ساعات لا و نفس الشي التأخير ساعات يدقق وساعات لا
طريقة الشرح : سلايدات و احيانا يحل مثال على السبورة
الكويزات : عطانا 2 طول السمستر و الغى واحد فيهم
المياجر: كانت سهله كوبي بيست من النوت
الفاينلات : نفس الكلام بس الفاينل اصعب شوي من المياجر
القريد النهائي: B- B+
الصوت: واضح وساعات يجيب النوم
إضافات :
يحب يعطي نصايح و يطقطق على الطلاب و يعطي اسئلة بونص لكنها صعبه صراحة ,الكورس هذا بشكل عام كورس سهل و ما يحتاج شرح ولو بغى خلص المنهج اول 4 اسابيع فما ادري عن شرحه في المواد الدسمة زي 308
د.سمير مكيد
بنود التقييم :
سمستر 131-me308
التحضير :
أيام يحضر وأيام ينسى ودايما يحضر في اخر دقيقه في الكلاس
طريقة الشرح :
يشرح أحيانا على السبوره وأحيانا على السلايدات,طبعا هالسمستر ثلاثة أرباع الوقت ضاع على النقاشات الخارجيه وخصوصا التهزيئ فينا لأن احنا ما نذاكر وننسى معلومات من الكورسات اللي راحت,ولو أذكر المواضيع هنا ما خلصنا
الكويزات :
عطانا 3 وأخذ افضل اثنين,طبعا كويزاته كلها ثيورتكال
المياجر:
كان عندنا ميدترم,أنا اشوف تصحيحه زين بس مو مثل باقي الدكاتره والدليل ان افرج سكاشنه كان اقل من 60 وافرج الثانين 70,فاضطر يرفع كل طالب عنده 10%
الفاينلات :
ما ادري يمكن يخف يده شوي,لكن لحد الان ما اخذنا الدرجات فما اقدر احكم
القريد النهائي:
B+
الصوت:
واضح جدا واكسنته حلو بالانجليزي,بس بالعربي يتكلم almost الفصحى لأنه من الجزائر
إضافات :
الدكتور من افضل الدكاتره واللي يهتم بجودة مخرجات القسم,ولأجل هذا تحصله دايما يهزئ في الطلاب (طبعا فقط في الكلاس) ويسألهم انهم يبذلوا أكثر في دراستهم,لكن الأغلبيه تنظر له انه يبي ينزل من قدرهم,الله يوفقه ويكثر من امثاله
موفقين
وتقبلوا مروري واسمحوا لي على الاطاله 
1 Like
أخذت 308 معاه
الشرح
يقلب في السلايدات و أحيانا يكتب في السبورة شوية خرابيش و يحقط للناس الي تسرح
التعامل مع الطلاب
داخل الكلاس لازم تتهزئ مهما كان يا عالملابس أول النوم و أنك مسرح أو ليش ما معاك كتاب أو يعطيك سؤال كونسبت و يقولك أتحداك تجاوب
الكوزات
عطانا 3 و يقول انه حذف واحد و كلها كونسبت و ممنوع فيها الكتاب او النوت او الحاسبة لكن كلها جدا سهلة لليذاكر من السلايدات حقته
التحضر
حضر حوالي 10 مرات طوال الترم و شكله ما يهتم بالحضور ابدا
المياجر و الفاينلات
المادة ما فيها أفكار مسائل صعبة من ناحية رياضية فالدكتور يتفلسف كثير و يركز على الكونسبت
القريدات
جدا متعاون و هو بنفسه قال راح أزودكم لاني طول الترم أهزئكم
القريد النهائي
b
ملاحظة : لو عندك عادي تتهزئ كل كلاس نزل معاه و إن شاء الله بتطلع بقريد جيد في المادة
1 Like
الترم : 122
المادة : Me 308
التحضير : انت وحظك , احياناً تحضر وتلاقيه ما ياخذ الحضور , وأحياناً تغيب ويحضّر
غاب في الترم يمكن3 إلى 4 مرات ,
الشرح : ما يشرح , يطقطق على الي يسرح , ويهين الطلاب وكأننا في أسوأ مدرسة ابتدائية
وكأن طلاب الجامعة بلا تربية ولا تعليم , ويعيد ويزيد , بسبب أنه سأل سؤال محد جاوب تبدأ الإهانة …
كانت سلايدات يقرأ منها , ولازم تحضر الكتاب معك
المياجر : كومون وتصحيحه أسوأ ما شفت , وكل يوم أتندم إني ما سجلت مع د.عليش
الكويزات : خنبقه يعطيك كويز وتجلس8 اسابيع لين يجي كويز ثاني
القريد النهائي : أعطيه d وكثيره في حقه
<< نظامه يا طلاب عالي العاااال ويرفع فيهم ( مثل الي مدحوه فوقي )
<< يا طلاب خسفهم خسسسسف , حسبي الله عليه
1 Like
ترم 132
شرحه متوسط
ذلنا بالتهزيء حقه
كل يوم يقول ويعيد التكنيشن أحسن منكم
ومرة قال ترى في وظائف في مطعم هارديز مدري بيتزا هت وراتبها قريب من راتب المهندسين في بعض الشركات
المهم قلنا مو مشكلة التهزيء بما أنه يدف في القريدات والكورس 4 كريدت
لكن والله أنه خسف بنا خسف في القريدات
حتى طلاب الأونر أسألهم كم أعطاكم يقولون c و c+
كل من كان معي وأعرفهم وسألتهم عن القريدات كلهم يتحسبون عليه ويدعون عليه
دور غيره ولا تنخدع مثلي بالكلام المكتوب فوق
1 Like
شرحه اعطيه f مكعب حضرت هلب سشن عند ابو الفضل تحسفت الف مرة اني نزلت عنده من اسوا المدرسين الي مرو علي في الشرح يقعد يقرا من الكتاب على البروجكتر ويركز على شغلات ما راح تفيدك ولا واحد في المية في وجهة نظري
1 Like
132-ME 308
التحضير :
أيام يحضر وأيام ينسى ودايما يحضر في اخر دقيقه في الكلاس حتى لو خلص الكلاس
طريقة الشرح :
يشرح من السلايدات ويشرح مفاهيم احيانا بنفسه على السبورة، هو اذا شرح يبدع في الشرح - اذا التزم بالمقرر - لكن مشكلته 90% من الوقت ما يلتزم بالمقرر
الكويزات :
عطانا 5 (أول واحد مفاجيء لأنه زعل انا ما حلينا مثال قالنا نحله في الحصة الي قبلها) ثلاثة كونسبت واثنين كانو مسائل حسابية كويزاته موب صعبة ولا سهلة متوسطة برأيي، وزيادة عرض انك تطلع وتشتغل في احدى ورشات السيارات لمدة يوم وتعمل تقرير اظن وبيحسبه لك ككويز فل مارك
المياجر:
كان عندنا ميدترم، وتصحيحه كان كويس وكان متساهل في اشياء ومستقعد في أشياء تافهة
الفاينلات :
الله أعلم أتوقع خسفني لأن مجموعي كان كويس وانا خبصت بس في الفاينل
القريد النهائي:
A
الصوت:
واضح جدا
إضافات :
الدكتور هذا أتوقع أنه أذكى شخص قد قابلته شخصيا في حياتي الآدمي عبقري، هو في الكلاس يروح الوقت نصايح واستهتار وتحجير للطلاب (وكنت أحد الضحايا في أكثر من موقف) لكن لما تفكر فيه الآدمي يبغى مصلحتك بجد وأنا لا أتفق مع أسلوبه لكن أقدر نواياه الحسنة لأن هناك طرق أفضل للتحفيز بدلا عن التهزيء
مشكلة ثانية بالدكتور انه عنده في راسه الطريقة الصحيحة للمذاكرة سواء مادته أو أي مادة أخرى ومفترض بجميع الطلاب انهم يتبعون هذي الطريقة وهذا شيء أعارضه بشدة أن لأنني مقتنع إن لكل شخص طريقته الخاصة في المذاكرة
الشيء الثالث بالدرس إذا سأل سؤال هو ما يبحث عن الاجابة الصحيحة لكن يبحث اجابات الطلاب ( يعني ممكن يسأل سؤال ويضيع ربع ساعة غلى السؤال والطلاب ممكن يعطونه الاجابة الصحيحة لكنه تلقاه لسة ينتظر اجابات ثانية)
الطريقة لتجنب أسئلة سمير (وأشوفها نجحت معاي):
لا تشارك - لا تسأل - اذا سأل سؤال تصويت شارك - اذا سالك مباشرة قول انك ما تعرف الجواب (تاخذلك كلمتين تهزيء) -
واذا سألك سؤاله الشهير (Do You Think your are better than a Technician) قول NO
بالأمانة سمير شخص أنا أنظر إليه كقدوة من الجانب العلمي فقط ما اطمح اني أكون بنفس شخصيته
ولو عاد بي الوقت كنت بأسجل مع سمير مرة ثانية
1 Like
لا أنصح فيه ابدًا
كان يشرشح الطلاب كل السمستر. قلنا ما فيه مشكله اهم شي نطلع بقريد.
تفاجأنا بقريدات اقل من حقنا. يعني لا قريد ولا شرح !
2 Likes
السلام عليكم
ارجوا من الشباب اللي اخذوا مع الدكتور سمير مكيد ( كوواب ) … يعطوني ارائهم لانه الكوواب ادفايزور حقي يعني كيف الدكتور … من ناحية درجات الاسايمنتز + التعاون مع الطالب + الكوواب لتر قريد … بالاضافة الى الاشياء اللي يهتم فيها ويبغاها من طالب الكوواب ؟
الله يرزقكم الجنة اجمعين ويوفقنا واياكم يارب …
1 Like
اقسم بالله العظيم انه من أسوأ دكاترة القسم وانسان حقووود بشكل عظظظيم
نصيحة اخ دور لك دكتور غيره ولا تغتر بكلام اللي مدحوه
النحشه النحشه
ME 308. TERM 161
التحضير : نادرا, امكن ما حضر الا 10 مرات في الترم.
الكويزات : موضوعها سهل معاه ويخليي الشباب يصححون لبعض وله هدف من الشيء هذا.
الشرح : ممتاز! اذا تبغى تعرف ايش معنى ان تكون مهندس نزل مع هذا الدكتور! دائما اسئلته تكون في الصميم وبما انه له خبره في العمل كمهندس في الخارج فيعرف ايش المهارات الي المفروض تكون عندك ويركز عليها في الكلاس زي مثلا قراءة الرسوم الهندسية ( ENG. DRAWINGS ). كذلك يسال اسالة كثيرة تنمي عندك الحس الهندسي ويعطي بونص على الاجوبة.
بعكس الاترام الماضية الرجل تعامله معنا كان محترم جدا وطيب بل انك تخجل من طيبه احيانا ومن حرصه عليك وعلى انك تتعلم. امكن الشيء الوحيد انه كان يسال احيانا عن مثلا thermal expansion coefficient للحديد ( الستيل ) واذا ما عرفت بيسالك عن سعر النفر المندي مثلا! وكل هذا محاولة منه لان يخليك تحفظ بعض الارقام المهمة.
من ناحية التصحيح ممتاز جدا اذا كان الكونسبت عندك صحيح حتى لو طلعت لك نتيجة غلط ممكن تكتب كومنت جنبها ويمشيك.
من ناحية القريدات انا اعتقد اني اخذت اقل من حقي ولعل السبب في ذلك اللاب ( بيق الله وليي ووليه ) ولكني حقيقة سعيد جدا اني نزلت هذي المادة معه واتمنى اشوفه في مواد قادمة فهو فعلا انسان لا يمل ان كنت تبحث عن الفائدة ومهتم بمجال التصميم في الميكانيكا لان الرجل - ممكن تشوف السي في تبعه - عنده اكثر من 20 براءة اختراع وكلها تصاميم هندسية ممكن تطلع عليها في النت.
1 Like
172 - ME416
كان الادفايزر حقي…
ماعنده مجامله في الاجتماعات…اذا سويت شي زين راح يقول لك…اذا لا راح يعاتبك
في النهايه ماقصر في القريد
شكرا له…
مابغينا نتخرج…Peace 
ME 308. TERM 191
التحضير : احيانا مب دايم.
الكويزات : متوسطة الى سهلة، فيه كويزين كلها خيارات كونسبت.
الشرح : كويس بالشرح ويعطي اسالة يقولك اشتغل عليها برا الكلاس عليها بونص بس يبيك تتعب فيها مرة.
من ناحية التصحيح عادي جدا او ممكن يعطيك فوق حقك بشووي
من ناحية القريدات انا اشوف اني اخذت اقل من حقي والسبب اللاب ،والفاينال كان جدا جدا صعب
ME 308. TERM 191
التحضير : احيانا مب دايم.
الكويزات : متوسطة الى سهلة، فيه كويزين كلها خيارات كونسبت.
الشرح : كويس بالشرح ويعطي اسالة يقولك اشتغل عليها برا الكلاس عليها بونص بس يبيك تتعب فيها مرة.
من ناحية التصحيح عادي جدا او ممكن يعطيك فوق حقك بشووي
من ناحية القريدات انا اشوف اني اخذت اقل من حقي والسبب اللاب ،والفاينال كان جدا جدا صعب