يا اخوان انا جاني عرض تدريبي مدته 3 اشهر من شركه SAP.
على كلام الشركه هذا التدريب يكلف عاده 50 الف دولار ، والشركه توفره لك مجانا مع راتب اثناء التدريب 4000 ريال .
طبعا العرض المقدم لي يكون تدريبي فقط بدون التزام بالوظيفه يعني تكون موظف لمده 3 شهور فقط ، وفي المقابله قالي انه خلال التدريب الشركه راح تقدمنا للشركات الي تستخدم نظام sap مثل ارامكو وسابك واغلب الشركات البتروكيميائيه.
وهذا شرح بسيط للبرنامج التدريبي
* Specific courses based on current industry demand, including an overview of SAP ERP, the SAP NetWeaver® technology platform and various ERP-related business processes, as well as additional training on soft skills
الي عنده خلفيه عن هذا البرنامج ياليت يفيدنا ، وهل البرنامج يستاهل اني مااقبل العروض الوظيفيه الى انتهااء التدريب،
انا مثلك جاني عرض تدريبي منهم والحين عاطل عن العمل توي متخرج فرش بس المشكلة اخاف اتوظف خلال فترة التدريب ولا اقدر اكمل معهم … انا اسمع موظفين يطلعون برا عشان دورة ساب لهدرجة تستاهل ؟؟؟
شركة SAP شركة ألمانية معروفة و قوية … و نظام SAP هو نظام يربط لك جميع أقسام وادارات الشركة و يربط لك الفروع بنظام واحد … بحيث أن قسم الـ HR في الشرقية اذا بغى أي معلومة أو ملف من قسم الـ Finance في فرع الشركة في سنغافورة … نظام ساب يتبح لك ذلك ويقدم لك الحلول …
أنا جاني عرض منهم السنة اللي راحت … كان عندهم وظائف Pre-Sale لأن الشركة في طور التوسع في منطقة الشرق الأوسط … مركزة ع السعودية بالذات لأن هنا بزنس و فرص قوية …
العرض كان 6 شهور تدريب في مصر (جدول التدريب كان قوي جداً) … راتب 11500 ريال شهرياً + تأمين … وبعدها يوقعون معك عقد للعمل في شركة ساب … العرض بالنسبة لي كان في مجال آخر غير مجالي و فضلت أني أبقى في مجالي IT … لعلها تكون خيرة إن شاء الله …
نظام الساب نظام معروف عالمياً ويكلف ملايين وتستخدمه شركات لها اسمها في السوق مثل ارامكو - سابك - بترورابغ - مرافق - ساسرف - الخ …
الساب يقسم الى قسمين: Technical - Functional
التكنكال يركز على البرمجة والشبكات والصيانة بشكل عام (لأصحاب تخصصات الكمبيوتر)
الفنكشنال يركز على المالية والاقتصاد والموارد البشرية والتخطيط الخ (أصحاب تخصصات الادارة والاقتصاد والمالية والتسويق والمبيعات الخ)
الشهادة اذا تبي تاخذها حتى تكون SAP Consultant يحتاج لها اختبار والتدريب راح يكلفك شوي حوالي 25000 ريال في الهند في معهد محترم و Certified زي معهد سيمنس في بانقلور …
35 يوم تقريباً شاملاً 7-8 ساعات دراسية و تدريبية يومياً
تقدر تدرس الساب بنفسك بس ربعنا هنا معقدين جداً …
اذا درسته و جبت الشهادة عقدوك بقضية الخبرة!
الا اذا لقيت شركة محترمة و حبوبة ترسلك تدرس الساب ع حسابها … تكون امك داعية لك وقتها
بالنسبة للعرض … صراحة عرض ممتاز أنا اشوفه خصوصاً انه جاء من ساب!
وش وضعك الحين؟ توك خريج؟ عاطل لك فترة؟؟ جاك عروض شي؟
أنا ما أدري عن العروض الوظيفية اللي جتك وش هي و هل هي مناسبة أو لأ …
هل فيه عروض جتك و تنتظر الموافقة منك أو مجرد مقابلات و واعدينك بالعرض يرسلونه لك؟؟
انا خايف اني ارتبط بالبرنامج ومااقدر اطلع الا بشروط ، وبنفس الوقت اخاف اخذ الدوره وبعدها اتوظف بشي ماله دخل بال sap وبكذا مااكون استفدت شي من هذه الدوره.
أنت اولاً اذا خذيت الدورة راح تستفيد بالعموم وما راح تخسر أي شي … !
حتى لو انك اشتغلت لاحقاً في شي ماله علاقة أبد بـ الساب …
أنا اشوف انها أفضل من القعدة 3 شهور بالبيت بدون أي شي …
معدل البحث عن وظائف على حسب علمي هو 4-6 شهور بعد التخرج … هذا شي طبيعي وفيه ناس قعدوا سنة او سنوات …
التدريب وتعلم شي جديد أفضل لك!
شوف شروط عقدهم لـ 3 شهور وش هي بنوده … هل هناك إلزامية او شي من هذا القبيل …
و بالأخير استخير والخيرة فيما اختاره الله
من واقع خبرة بسيطة في تقنية المعلومات
طالما أنك لم تجد وظيفة حتى الآن فأنصحك بشدة إنك تأخذ التدريب وتكمله معهم للآخر. تدريب على الـ sap فرصة لا تعوض وقد تتمناه يوما ولاتجده أو لا تستطيع دفع تكاليفه
وإذا جاك عرض من أي شركة خلال هذه الفترة فغالبا إجراءات المقابلة والتوظيف وقبول العرض والكشف الطبي تأخذ شهر وتستطيع أن تتفق مع الشركة أن تكون بدايتك معهم بعد ثلاثة أشهر لارتباطك ببرنامج تدريبي
مع أني أتوقع أن هدفهم في الأخير أن يوفروا لك وظيفة لكنهم يريدون أن يشاهدوا أداءك ويتعرفوا على سماتك الشخصية من خلال التدريب
