السلام عليكم ورحمة الله وبركاته
هاليومين جاني ايميل بس مافهمت وش سالفة هالبرنامج ؟
SAP Dual Study Program
برنامج مدته سنتين. تدرس فيه وتتعلم . فيه صيف اجباري تطلع برى تدرس.
الكورسات الي فيه واحد منهم عن اساسيات برنامج SAP ERP وتتعلم بعد مهارات كثيرة
وفيه بعد ورشات عمل واشياء ثانية كثير.
الأشياء بتفيد الطالب او المتخرج لأنها شهادة مهمة وال SAP يستعمل في ارامكو مثلا والشركات الكبيرة
وربما تكون فرصتك في الحصول على وظيفة اعلى من غيرك بسبب هذا التدريب أو الشهادة من هذا الـ SAP program.
1 Like
طيب الدراسه تكون بالتوازي مع الجامعه ولا لازم اتفرغ بعد الجامعه
هل تشوف انه مفيد لطالب فايننس ؟
Asim
فيه بالتوازي مع الجامعة وفيه بعد التخرج.
بس راح ياخذ من وقتك كثير. مثلا اول سمستر كورس sap terp …
6 ساعات في الإسبوع وتكون في الليل يوم الاحد والثلاثاء.
وتحتاج تذاكرهم عشان تجتاز الاختبار النهائي
وفيه كورسات ثانية ومحاضرات وورشات عمل ووو…
1 Like
Practice
أنصح فيه وبقوة.
واساسا شركة SAP تخصصها في ذي الأشياء
IT solutions, management, finance, SCM, accounting, ERP etc
بس راح يشغلك مثل ماقلت في الرد فوق.
وإذا اجتزت البرنامج تقدر تصير مستشار من SAP
وتقدر تتوظف في شركات كبرى مو بس بالسعودية وبراتب عالي لأنهم
يحبون ذي الأشياء والشهادات ويعرفون ان الطالب له خبرة ومميز.
وعلى فكرة البرنامج ذا سعره غالي مثل شهادات SAP توصل لـ 40 ألف و50 ألف ريال
بس يكون مجانا للطلاب والخريجين هنا.
1 Like
المشكلة انه مطلوب معدل +3 … هل في فرصة يقبلوني لو معدلي اقل؟
بالنسبة للصيف الإجباري , تقصد انه برا الجامعة لو برا السعودية؟ وراح يكون تطبيق لو دراسة؟
حاليا سجلت في اول كورس قصير الي هو مقدمة واالله يقدرنا ونكمل للنهاية
لكن اتسائل اذا صار تعارض بين ميجر ووكورس , الغياب عادي لو كيف؟
أتوقع لو كلمتهم يوافقون.
أول كورس سهل. بس محاضرتين واختبار بسيط وتاخذ الشهادة. إذا تقصد كورس SAP Introduction course.
الي في الصيف لازم ماتكون ماخذ صيفي لان الدوام من الصبح للعصر.
الشغل بيكون دراسة وتطبيق. يمكن يكون في السعودية في احدى الشركات المتعاقدة مع SAP مثل ارامكو
او يمكن برى. (انا قلت السمر يكون برى 100% في الرد الاول وهو يمكن غير صحيح)
بالنسبة للسمسترات العادية والكورسات… يمديك تغيب اذا عندك ميجر. مثلا كورس Terp فيه 10 حصص تغيب مرتين أو 3 ممكن عادي
بس ماتغيب كثير.
1 Like
ايه الانترودكش ،ست ساعات يومين
المشكلة ان الكورس الي بعده بيكون بعد العيد وفترة مياجر للاسف
اعتقد اذا الله وفقنا وانقبلت في البرنامج الطويل يكون انسب شي ادخل جونيور
سنتين واتخرج واطلع صيف معاهم (اذا الصيف كان في نهاية الكورس )
يعطيك العافيه
سؤال ثاني اذا تسمح البرنامج هذا من الجامعه ولا من مين ، من يتكفل بقيمة الكورس وهل هو كويس للاندستريال + هل يتعارض مع البرامج الاخرى زي الاكسشينج … الخ
Mr.Nobody
فكرتك جميلة انك تخليه بالجونيور.
بصراحة برنامج الـ SAP مهم جداً
بس يشغل الواحد.
فيه صيفين واحد اجباري والثاني اختياري.
الصيفي الاجباري هو في السنة الاولى. مثال: ترم 153
Asim
البرنامج هذا من الجامعة. (الفكرة بدأت لما احد المدرسين في كلية المجتمع بالدمام كلم SAP عام 2012 وخلاهم يعطون كورسات وبرامج SAP الي في الكمبيوترات والبرنامج ذا Study dual، فهو كلم العميد تبع الكلية ومنها للجامعة وصارت SAP متعاقدة مع الجامعة).
نعم هو ممتاز للاندستريال. لأن الشغل تبعهم كله , Production, inventory, operation, finance, SCM, accounting, … بتشوفها بالبرنامج ERP .يفضلون طلاب الحاسب الآلي، الإدارة، الاندستريال بس مو مهم.
مااعتقد فيه تعارض. ماقد قريت عن هالشيء، بس تقدر تستفسر sap@dcc.kfupm.edu.sa
1 Like
اذا هو في الصيف بعد سنة فالجونيور خيار سيء
لان الطالب يطلع تدريب صيفي في الصيف الي بعد الجونيور فمايقدر يطلع مع ال SAP
وبالمناسبة
شروطهم لهذا البرنامج ان الطالب في سنة ثالثة او رابعه فملزوم اسجل في الجونيور او السينيور
في هالحالة في اسئلة عديدة
Sent from my SM-N910C using Tapatalk
ي شباب هل هو متاح للكيميكال انجنيرينق
خاصة الي يبي ياخذ ماستر ادارة
والسؤال الثاني هل يقبلون الكل ، ومكان الدوام بعيد او قريب من الظهران ، وشكرا لكم
هذا البرنامج فيه اختبار ومقابلة
السنة الماضية اذكر قبلوا 13 طالب
والدوام حسب علمي في كلية المجتمع، مشوار ربع ساعة بالكثير من الجامعة
Sent from my SM-N910C using Tapatalk
Mr.Nobody
تقدر تستفيد من شهادات SAP غير هالبرنامج SAP Dual Study
عندك كورسات كثيرة مثل Introduction, Basics, Hana, ABAP, TERP 10
SAP Dual Study شوي صعب ويبيله واحد متفرغ او متخرج ماعنده شيء فيستفيد منه.
أنصحك بالكورسات الي فوق.
فيه بعد موقع اونلاين ممتاز من SAP تقدر تحصل منه على شهادة مجانا وانت في بيتك بس يحتاج مذاكرة طبعاً.
https://open.sap.com/
1 Like
الكورسات القصيرة اكيد راح اسعى وراها
لكن البرنامج الكبير مثير للاهتمام
وتسلم على الموقع ما كنت اعرفه
سؤال جانبي
سمعت ان الطالب يقدر يتدرب عند شركات في الصيف الي قبل التدريب الصيفي بدل ما يدرس او ياخذه اجازة ،عندك فكرة عن هالموضوع؟
Mr.Nobody
أيه عادي. تقدر تكلم الشركة من بدري وتقولهم بتدرب عندكم سؤاء كان دوام كامل أو جزئي.
وأنصحك بالشركات الكبيرة.
في برنامج من أرامكو أسمه “برنامج التدريب الصيفي للمرحلة الجامعية”
http://www.saudiaramco.com/ar/home/careers/saudi-applicants/our-programs/college-programs/college-summer-training-program.html
1 Like