انا من ضمن مجموعة الي دقوا عليهم شركة ساتورب لترشحنا للوظائف وبدأ اجراءات التوظيف قبل عيد الاضحى بأسبوع، وكانت اول خطوة هو اختبار انجليزي تم النجاح فيه بكل سهولة. وعدنا ممثل ال HR ان خلال اسبوعين راح يدقون علينا للمقابلة لكن بعد تقريبا شهرين ونص من الاختبار جاني الرد امس ان مؤهلياتي ما تناسب اي وظيفة عندهم !
وانا صار لي شهرين كل اسبوع والثاني ادق عليهم واسألهم عن التأخير ويقولون لي ابشر اسبوع بالكثير ونعطيك موعد المقابلة واخرتها بعد كل هالانتظار يقولي مؤهلاتي ما تناسبهم؟! طيب ليه دفيتوا علي من البداية واختبرتوني ووعدتوني بالمقابلة
والله شغلهم بعيد جداً عن الاحترافية ومضيعة للوقت. زميلي صارت له نفس القصة لكن ارسلوا له ان سوينا لك مقابلة ولا عدتيها وهم اصلا ما سوو له مقابلة فالتخبط والتصريف واااااااااااااضح جداً من الشركة…
اذا هذي بدايتها ينعاف تاليها
للمعلومية انا مهندس كهرباء متخرج من امريكا بمعدل فوق 3 من 4
عادي اغلب الشركات كذا ممكن يتصلون عليك ويقولون انهم ممكن يقابلونك قريبا او يسوون لك اختبار
علشان تصير ضمن اللسته بعدين يبدون يدققون ويحذفون اللي ما يناسبهم
اصلا لو تسوي مقابلة ويقولون انتظر العرض ممكن ينسحب عليك
لا تحصر نفسك في جهة معينة واذا احد دق عليك لا تتوقع انهم اكيد بيوضفونك
أنا اتوقع كنت في نفس المجموعة اللي انت اختبرت فيها انجليزي…ومن عقب الاختبار لا حس ولا خبر…وعقبها صار يوم المهنة وشفت ممثل لاتش ار هناك وقالي صارت اشياء اخرت المقابلات وان شاء الله في القريب العاجل راح نجدول المقابلات…وليومك مافي شي
عزيزي، أنا دخلت مقابلة مع ثلاثة مسؤولين بإحدى الشركات وكل مسؤول يهريني أسئلة وكل ماجاوبت قال ممتاز جميل وياسلام عليك لدرجة حسيت اني فلتة زماني. أول ماخلصت المقابلة قام واحد من المدراء وأعطاني ورقة مكتوب فيها مكان الاختبار للمرحلة التالية واختبرت وعديت بدرجة عالية. بعدها بفترة اتصل علي موظف من الموارد البشرية وطلب صور من مؤهلاتي وقام يشرحلي عن الشركة وخططها المستقبيلة وأنا اكتب في ورقة وأقترح له وأدردش معاه كأني خلاص موظف من زود الثقة اللي حسسوني فيها.
بعد هالمكالمة والدردشة مر 4 شهور إلى يومك لاحس ولاخبر ولارد على الاتصالات والرسائل لكن الحمد لله ربي عوضني بشركة أفضل منها بكثير من كل النواحي.
الله سبحانه يبغالك الخير بس أنت اصبر واعمل اللي عليك وادع من الله التوفيق وبإذن الله تجد نفسك في مكان أفضل قريب.
اغلب الشركات تسوي هالحركات , ولا ادري ليش , بعضهم يقول لك نرد عليك اليوم , واذا كلمته اليوم الثاني يقول لك اصبر ويجيك اتصال , وفي المشمش يجيك الاتصال , للأسف هذا حال معظم الشركات ومهما أرسلو لك ايميلات وتطمينات لا تأمنهم إلا اذا وقعت العرض .
انا بعد كذا عملت مقابلة في شركة و كانت اطول مقابلة في حياتي كانت حوالي ساعة و نصف و وعود و طريقة العمل بعد ما تتوظف و من الى و الى الى و قالو لي باقي عليك فقط تقابل المدير العام لانه مسافر و راح نتصل عليك بعد اسبوعين اذا رجع و مر شهر و لا احد اتصل علي و لما كلمتهم ويش صار على وضعي قالوا لي تم رفض قبولك لانه وجدنا آخرين عندهم خبرة اكثر منك!!!!!
لكن توقعت من شركة عالمية ولها سمعة طيبة كساتورب ان يكون تعاملها اكثر احترافية ويلتزمون بوعودهم…
لكن طلعت حالها حال اي شركة سعودية شغل خبط لزق وانت ماشي
بالنسبة لي … أنا سلمت لهم السيرة الذاتية حقتي وحق واحد من الشباب … أنا معدلي ما هو بذاك المعدل المرتفع … لكن خويي ما شاء الله عليه معدله ممتاز وحاصل على شهادة الماجستير.
اللي لفت نظرهم في السيرة الذحقتي وحقته إنا كلنا عندنا خبرة عملية قوية من 3 إلى 5 سنوات … وقالوا لي موظفي الموارد البشرية.بصراحة حنا هذا اللي ندوّر عليه … وإن شاء الله بيكون بيننا تواصل… ومن هذاك الوقت ، فعالية اليوم المفتوح للتوظيف إلى يومنا هذا ، يمكن حوالي 4 شهور … لا حس ولا خبر !
أغلب الشركات كذا صغيرة وكبيرة
يعشمون واحنا نبيك وبنوظفك وكلام كثير
وبعدين ممكن بأي لحظة يسحبون
الواحد ما يضمن شي الا بعد ما يوقع العقد لا ويداوم بعد
لانه ممكن يوقع عقد بعدين فجأة ينلغي +_+
الله يعين
واشوف هل ايام مركزين على توظيف hr يعني يمكن يتحسن الوظع قريبا
