السلام عليكم
كيفكم عساكم بخير
هل فيه أحد قد اختبر اختبار الخطوط السعودية اللي مكون من ثلاث أجزاء وهي إنجلش و شخصية و اختبار ماني عارف وش هو بس اسمه (Online Business & Reasoning Assessments)؟
اللي اختبر ياليت يفيدنا وجزاكم الله خير.
وعليكم السلام ورحمة الله
انا اختبرتها وكانت كلها Basics وسهله مرا
لكن المشكله انهم تاخرو بالرد
الوظيفه الي كنت مقدم عليها بالخدمات الارضيه Customer serves agent هل هي نفس الي انت مقدم عليها؟
وبسالك انت مقدم شهر كم ؟
وبالتوفيق يارب
اول جزء بيكون اختبار التحليل واللي هوا عبارة عن اختبار ذكاء من ناحية قدرتك علئ تحليل البيانات وحساب الأرقام بسرعة بدون آلة حاسبة ومن ناحية استخراج الأنماط ولو كتبت اسم الاختبار فقوقل ممكن تلقا أمثلة عليه عموما هوا بسيط انشالله بس أتمرن انك تحسب بدون آلة حاسبة وتقدر تختار اللغة مابين انجليزي او عربي علئ راحتك ثانيا حيكون اختبار الانجليزي عبارة عن جزئين ريدينق وقرمر الريدينق بسيط حيكون عبارة عن ترتيب الجملة والبراقرافز او إكمال فراغات من الخيارات الموجودة فاعلئ الصفحة والقرمر برضو بسيط مابين ماضي ومضارع ومرادفات وغيره . ثالثا اللي هوا اختبار تحليل الشخصية وهذا ماعليه درجات بس فائدته يتاكدو ان يحللو شخصيتك ما اذا كانت مناسبة للعمل او لا والخيارات تكون فيها مابين اوافق بشدة وارفض بشدة وعموما كلها بسيطة انشالله والله يوفقك.
ممتاز, طيب ممكن يالغالي توضح اختبار Online Business & ReasoningAssessments لأن ماني فاهم طريقته صراحة ولوتعرف موقع به اختبار مشابه ياليت تعلمني عليه مشكورا.
بالنسبة لأسئلتك
- تواصل معهم دامهم تأخروا عليك, اتصل عليهم.
- أنا مقدم على وظيفة هندسية بالصيانة مهي نفس وظيفتك اللي مقدم عليها.
- قدمت تقريبا شهر 11 ميلادي.
و الله يوفقك ويزرقك الخير
1 Like
جميل مشكور. بس اختبار Online Business & Reasoning Assessments بحثت عنه بالنت مالقيت المفيد, ياليت لو تعطينا رابط موقع لنفس نوع هذا الاختبار لاهنت وجزاك الله خير.
اذا هو هوقان فالي اذكره اختبار نيومركال وفيربال ولوجيكال مخلوط مع بعض في القسم الاول… حاول تبدا بسرعة ولاتغرك سهولة الأسئلة في البداية لانه يزيد مستوى صعوبتها …
بعدين القسم الثاني من الاختبار كان انقليزي مكون من قسمين فوكاب & قرامر و القسم الثاني ريدنق … اخيرا القسم الثالث اختبار شخصية مدري ايش يبغى صراحة … يقيس الشخصية عموما
القسم الاول و الثالث كان تقدر تختار عربي او اقنليزي حسب ما اذكر … الاختبار عموما كان سهل و لا تقلق …