للاسف هذه الشركة المسماه sec المحسوبه ع بلدنا ماتمشي فيها الا بنظام تعرف احد فلان وعلان ومحسوبيات
الله حسيبكم على عدم اقرار النزاهة والعدالة
قدمت على كل وظائف البور الفريش المطروحه 24 مارس ف موقعهم الان عددها حوالي 4 وكلها جاني اعتذار ع الايميل على عدم الترشح
انا واعوذ بالله من كلمة انا خريج بور 2015 ( لست من جامعة الفهد ) بتقدير ممتاز مع مرتبة الشرف الثانية بمعدل 4.72 من 5 والله على ما اقول شهيد وتدربت ف شنايدر الكتريك ك coop trainer ك خريج فريش اكثر من ممتازه هالمحصله
اضعف الايمان اذا انا ف منافسه مع فريش زيي ( وكل الوظائف للفريش مطروحه ) اترشح للمقابله او اي خطوه تاليه
لكن قاتل الله المحسوبيات فلان وعلان يدخلون بمعارف لهم وانا ابل وثيقة مرتبة الشرف بمويه واشربها !!
شركة الكهرباء أصبحت معروفة بالفساد و التخبط الإداري و المحسوبيات. هل تصدق أن الشركة الوحيدة في المملكة المسؤولة عن الكهرباء بدون أي منافس تكو خسرانة على طول؟؟؟
وعشان كذا صارت سكيكو أغلب الأوقات حلم للي بس يبي يستلم راتب وهو قاعد ما يسوي شي. وفوق كل هذا دوام حكومة و الحياة عندهم لعب في لعب إلا ما رحم ربي منهم. للأسف شركة فاشلة بكل المعايير و تحتاج مجهود جبار لإعادة هيكلة الشركة بناس عندهم حس وطني و مسؤولية.
صدقني أنها خيرة ما انقبلت في مكان غير احترافي و ان شاء الله يحصلك الي احسن منها
كلام غير صحيح اطلاقاً … وغير منطقي أبداً
البعض تأخذه الحماسة في أنه يقيم شركة من خلال شخص واحد أو اثنين.
أما مسألة التوظيف فكل شركة لها فلسفتها الخاصة في تعيين ما يناسب … مثلا ً يوجد جامعات معينة لا تقبل بتوظيف خريجيها حتى وان كان الخريج مختم المعدل.
أحيانا المرشح لايوجد لديه سي في يعكس مهاراته التي يملكها وهذا اعتبره اهمال شخصي.
خريج من عام 2015 ماذا يفعل حتى الان بدون عمل… !! هل يعقل أن تعلق آمالك على شركة واحدة … هذا بالتأكيد سيضرك وغير جيد لك ولمستقبلك الوظيفي.
الشركة كما قلت … انا كنت مقدم فيها و أجريت مقابلة في المبنى الرئيسي في غرناطة مع مدراء الأقسام و أعجبوا فيني و سألوني رغبتي في المنطقة و الحمدلله بعد اسبوعين تم التواصل معي و تم توجيهي الى أحد المهندسين السعوديين في المكتب الرئيسي في الشرقية و اللي هو مفترض يكون رئيسي في العمل و قابلته و سلمته الاوراق و ذكر لي الاوفر مع انه ليس من اختصاصه ووقت الدوام و كل شي و بعدها قال لي الاتش ار راح يتواصلوا معي عشان الفحص الطبي خلال فترة معينة و بعد مرور هالفترة لا اتصال و لا شي و كل مره اتواصل معاه كان ما يرد و رحت له الى مكتبه و بدأ ينكر شغلات و ملفي كان حاطه عنده و لم يرفع اوراقي الى ما سلمت امري الى الله و توظفت في احدى الشركات براتب اعلى و مميزات افضل صحيح انها كونتراكت لكن افضل من ان اكون تحت ادارة شخص كاذب و لا يخاف الله … موفق ان شاء الله
( يوزر مستخدم ) يا الله لست ف مدينة افلاطون الفاضله ياصاح
من قال اني دون عمل انا الان شغال ف مقاولات ماسكه تشغيل مستشفى براتب 5000 ريال قنوع
شركة الكهرباء لست معلق امالي بها قدمت ع اكثر من شركة لكن ذكرتها ك مثال للمحسوبيات
صادق انا متدرب حاليا في النقل في تبوك , والله شفت ناس تشتغل وشفت مهندسين من خيرة المهندسين , كنت متوقع بألقى الوضع فوضى لكن لقيت شغل ولقيت ناس تحب تعطي معلومة , اذكر التشيرمان كان يقول يا معاذ ترا الكهرباء تروح تلعب مو تتعلم , اليوم احب اقول له اني تعلمت اشياء كثير واستفدت
بالنسبة لموضوع التوظيف الشركة كانت تقبل المتردية والنطيحة وهذا الشي الي خلها سيئة عند الكثير بسبب البعض من ممثليها لكن مع نظام التوظيف الجديد ما عاد راح نشوف الا ناس كفؤ
مشكلة هالشركة في عام 2013 و 2014 وظفت عدد ضخم من المهندسين وصار عندهم اكتفاء وترسب والسبب كانو يوظفون اي شخص يمر عليهم سواء كان كفؤ او من جمبها وحاليا الشركة ماكلة هوا ومتورطة وصايرة ما توظف اي احد طبعا استثني قطاع الغربية اللي لازال نايم في العسل ومستمر في مهزلة المحسوبيات والوسايط
مقدم في سكيكو على الموقع من عام 2008 و بين كل فترة احدث بياناتي و النتيجة “طلبي تحت الدراسة” و راجعتهم المكتب الرئيسي و قالوا نحن ننظر الى طلبات الموقع فقط
و بعدين انحذف الموقع القديم و جاء الموقع الجديد و قدمت فيه العام الماضي 2015 و كل تقديماتي (10 تقديمات) جات الرد بالرفض!!!!!
نعم شركة الواسطات اعرف ناس دايخين معدلاتهم 2 و على حافة 2 و ماخذين f في كورسات توظفوا في سكيكو و ناس معدلاتهم 3 و فوق و مرتبة شرف ما توظفوا
مقدم في سكيكو على الموقع من عام 2008 و بين كل فترة احدث بياناتي و النتيجة “طلبي تحت الدراسة” و راجعتهم المكتب الرئيسي و قالوا نحن ننظر الى طلبات الموقع فقط
و بعدين انحذف الموقع القديم و جاء الموقع الجديد و قدمت فيه العام الماضي 2015 و كل تقديماتي (10 تقديمات) جات الرد بالرفض!!!!!
نعم شركة الواسطات اعرف ناس دايخين معدلاتهم 2 و على حافة 2 و ماخذين f في كورسات توظفوا في سكيكو و ناس معدلاتهم 3 و فوق و مرتبة شرف ما توظفوا
انا خريج الابتعاث وقدمت 7 مرات في شركه الكهرباء وكلها رفض!! قدمت 3 مرات بالماستر وجت رفض!! حذفت الماستر وقدمت بالبكالوريوس 4 مرات وكلها رفض!! مع ان الوظائف اللي قدمت عليها في تخصصي ولا يشترطون الخبره ! وفي الاخير يسألون هل عندك خبره اكثر من 3 سنوات؟ او هل انت من سكان الرياض؟!! التقديم الجاي ابجرب اكذب في مدينه السكن ونشوف!!
